Aımaqtar • 25 Jeltoqsan, 2019

Shymkentte kópbalaly ana men jumysshy jastar baspanaly boldy

45 ret kórsetildi

Shymkent qalasynyń ákimi Erlan Aıtahanov turǵyn úı kezeginde turǵan  kóp balaly analar men jumys isteıtin qala jastaryna páter kiltterin tabystady. Bul týraly Shymkent qalasy ákimdiginiń baspasóz qyzmeti habarlady.

Elbasy men Prezıdenttiń júrgizip otyrǵan salıqaly saıasatynyń arqasynda jyldyń qorytyndysy boıynsha qalada jalpy  450 kópbalaly ana men 904 jas baspanamen qamtamasyz etiledi.  

Jańa jyl qarsańynda páter kiltin tabystaǵan qala ákimi Erlan Aıtahanov jastar men kópbalaly analardy jańa qonysymen quttyqtady.

«О́zderińizge belgili, Elbasy 2019 jyldy «Jastar jyly» dep jarııalady. Sondaı-aq, Prezıdent kópbalaly analar men turmysy tómen otbasylardy baspanamen qamtamasyz etý máselesin alǵa qoıǵan bolatyn. Osyǵan oraı, búgin turǵyn úı kezeginde turǵan kóp balaly analar men jumys isteıtin qala jastaryna páter kiltterin tabystap otyrmyz. Qonystaryńyz qutty bolsyn! Úı ishi bereke, baq pen yrysqa toly bolsyn! Osyndaı qýanyshty kúnderimiz ben qaıyrymdy isterimiz mol bolsyn» dedi Erlan Qýanyshuly.     
                                                   
Aıta keteıik, Shymkent qalasynda bıýdjet esebinen 2019 jyly 1554 páterli 27 kópqabatty turǵyn úı paıdalanýǵa beriledi. Onyń ishinde 656 páterli 11 nesıelik turǵyn úı, 898 páterli 16 arendalyq turǵyn úı bolyp tabylady. 

Sońǵy jańalyqtar

Saqtansań – saý bolarsyń

Aımaqtar • Búgin, 23:00

Sırk - álem nazarynda

Qazaqstan • Búgin, 20:51

Qaraǵandy oblysynda kıik eti tárkilendi

Aımaqtar • Búgin, 16:48

Shekteýge túsken shekti álem

Álem • Búgin, 16:35

Uqsas jańalyqtar