Qazaqstan • 25 Jeltoqsan, 2019

Áýlıeatada «Áýender álemi» alańy ashyldy

50 retkórsetildi

Jambyl oblysynyń qurylǵanyna 80 jyl tolýyna oraı, búgin Taraz qalasyndaǵy Yqylas Dúkenuly atyndaǵy qalalyq Mádenıet úıiniń mańynan «Áýender álemi» atty alańnyń ashylý saltanaty ótti. Atalǵan aımaq osy ýaqytqa deıin qaraýsyz jatqan bolatyn. Búginde bul aýmaq qaıta jańǵyrtylyp, 700 sharshy metrden asatyn alańǵa aınaldy.

Atalǵan nysannyń ashylý saltanatynda Qazaqstannyń jáne Qyrǵyzstannyń Halyq artısi, Memlekettik syılyqtyń laýreaty Altynbek Qorazbaev sóz sóılep, jambyldyqtardy búgingi merekemen quttyqtady. Sonymen qatar, keıingi kezde Jambyl oblysynyń jańa arnaǵa túskenin, munda atqarylyp jatqan nátıjeli jumystardyń bar ekenin aıtty. Sonymen qatar, «Áýender álemi» alańynyń ashylýy Áýlıeata óńirinen shyqqan óner adamdaryna degen erekshe qurmet ekenin jetkizdi. Budan keıin Jambyl oblysynyń ákimi Asqar Myrzahmetov «Áýender álemi» alańyna esimderi jazylǵan ónerpazdarǵa arnaıy kýálik sertıfıkatyn tabystady. Olardyń qatarynda áıgili «Dos-Muqasan» ansambliniń negizin qalaýshy Murat Qusaıynov, Halyq artısi Altynbek Qorazbaev, sonymen qatar Gúlmıra Aqúrpekova, Áýezhan Salabekov, Gúlnur О́mirbaeva jáne taǵy da basqa óner adamdary bar.

Áýlıeatada ornalasqan «Áýender álemi» atty alleıa qazaq óneri qaıratkerleriniń shyǵarmashylyǵyn nasıhattap, olardyń ónegeli ómir jolyn búgingi urpaqqa úlgi etý maqsatynda ashylyp otyr. Al, alańnyń ortasyna bıiktigi 6,5 metr bolatyn óner ıeleriniń qurmetine arnalǵan stella qoıylǵan. Stellanyń aınalasyna 30 tas tuǵyr qoıylǵan. Olarǵa qoıylǵan 60 juldyz belgisine elimizdiń ónerine eleýli eńbek sińirgen tulǵalardyń esimderi jazylǵan. Al, stellanyń tuǵyryna Jambyl Jabaev, Balýan Sholaq, Yqylas Dúkenuly, Kenen Ázirbaev syndy áıgili tulǵalardyń óner týraly qanatty sózderi qashalyp jazylǵan. 

12

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar