Parlament • 25 Jeltoqsan, 2019

Senatta turǵyn úı-kommýnaldyq sharýashylyǵy máseleleri qaraldy

27 retkórsetildi

Senattaǵy Ekonomıkalyq saıasat, ınnovasııalyq damý jáne kásipkerlik komıtetinde qurylys salasynyń qazirgi jaı-kúıi, damý qarqyny men turǵyn úı-kommýnaldyq sharýashylyǵynyń ózekti máseleleri boıynsha kezdesý boldy. Bul týraly Parlament Senatynyń baspasóz qyzmeti habarlady.

Sharaǵa komıtet músheleri, Indýstrııa jáne ınfraqurylymdyq damý mınıstrliginiń, Qazaqstannyń qurylys salýshylar qaýymdastyǵynyń basshylyǵy, Respýblıkalyq bıýdjettiń atqarylýyn baqylaý jónindegi esep komıtetiniń, salalyq mekemelerdiń, Turǵyn úı qurylys jınaq bankiniń jáne «Atameken» ulttyq kásipkerler palatasynyń ókilderi qatysty.

Komıtet tóraǵasy Serik Jaqsybekov óz sózinde jobalyq-smetalyq qujattar saraptamasynyń sapasyn tómendetýge, elimizdiń qalalarynda áleýmettik nysandardy salý úshin biryńǵaı jobalardy paıdalanýǵa, nysandardy jobalaýdyń qymbattaýyna qatysty máselelerdi senatorlar birneshe márte qaraǵanyn jáne kótergenin atap ótti.

«Elimizdiń jalpy ishki ónimindegi qurylystyń úlesi ótken jyly 5,3 paıyzdy qurady, oryndalǵan qurylys jumystarynyń kólemi – 3 862 995 mlrd.teńge, qurylys uıymdarynyń sany 7 654 boldy. Osyǵan oraı, qurylys jáne turǵyn úı-kommýnaldyq sharýashylyq salasyndaǵy ózekti máselelerdi talqylaý jáne olardy sheshý joldaryn tabý elimizdiń áleýmettik-ekonomıkalyq mindetterine qol jetkizýge eleýli úles qosýǵa múmkindik beretinine senimdimin» dep tolyqtyrdy S.Jaqsybekov.

Kezdesýde ındýstrııa jáne ınfraqurylymdyq damý mınıstriniń birinshi orynbasary Qaıyrbek О́skenbaev baıandama jasady. Ol 2020 jyly memlekettik qordan beriletin turǵyn úıge kezegine turǵandardyń esebin ortalyqtandyryp júrgizýge jáne baqylaýǵa kómektesetin servıstik baǵdarlamalyq ónimniń iske qosylatyny týraly aıtty.

Shara barysynda Qazaqstan qurylys salýshylar qaýymdastyǵynyń atqarýshy dırektory Vladımır Borısov turǵyn úı qurylysyna úlestik qatysý týraly zańdy buzýshylardyń jumys yńǵaıymen tanystyryp, Nur-Sultan jáne Almaty qalalaryndaǵy sondaı kompanııalardyń qara tizimin atady. «Bul kompanııalar úıdiń qańqasy turǵyzylǵanǵa deıin satylymdy jarnamalaıdy, keıinnen aqshany tartý úshin jergilikti bıliktiń ruqsatynsyz páterlerdi satady. Ákimshilik aıyppuldardy tólegennen keıin úıdi paıdalanýǵa qabyldaý qajet. Sońynda bul josyqsyz kompanııalar aldyn ala brondaý shartyn páterdi satyp alý-satý shartyna qaıta rásimdeıdi» dedi V.Borısov.

«Qazaqstan Respýblıkasy Jobalaýshylarynyń ulttyq qaýymdastyǵy» ZTB vıse-prezıdenti Serik Rústembekov otandyq óndirýshiler máselesin kótere otyryp, memlekettik jáne kommersııalyq qurylys nysandarynyń jobalarynda otandyq materıaldardy ımporttyq materıaldarǵa negizsiz aýystyrýdyń jolyn kesýge depýtattardan kómek kórsetýdi surady.

Komıtet tóraǵasy Serik Jaqsybekov kezdesýdi qorytyndylaı kelip, talqylaý nátıjesi boıynsha ázirlengen usynystar zań shyǵarý jumysy barysynda eskeriletinin atap ótti.

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Uqsas jańalyqtar