Nysannyń ashylý saltanatynda konserttik baǵdarlamalar uıymdastyryldy. Sonymen qatar Qazaqstannyń Halyq artısi Tuńǵyshbaı Jamanqulov, Memleket jáne qoǵam qaıratkeri Orazkúl Asanǵazy, «Ortalyq Qazaqstan» týrızm, sheberler jáne qonaq úı assosıasııasynyń prezıdenti Maıa Aǵadilova, aqyn, Qazaqstannyń Eńbek sińirgen qaıratkeri Maraltaı Raıymbekuly Jambyl óńirine degen júrekjardy quttyqtaý sózderin jetkizip, Taraz tarıhyn tanytý barysyndaǵy jemisti jumystardy aıryqsha atap ótti. Aqyn Maraltaı Raıymbekuly kópshilikke Taraz týraly óleńin oqyp berdi.
Paıdalanýǵa berilgen jańa amfıteatrdyń syıymdylyǵy 1000 adam. Ashyq aspan astyndaǵy sahnada aldaǵy ýaqytta halyqaralyq baıqaýlar, konkýrstar, basqa da óner báıgeleri jáne merekelik keshter ótetin bolady. Nysannyń qurylysyn júrgizgen bas merdiger – «JAŃA ARNA 2002» jaýapkershiligi shekteýli seriktestigi. Aıta keteıik, sahna qurylysynyń jalpy aýmaǵy 2000 sharshy metrdi quraıdy. Sahnanyń jerden bıiktigi 1 metr 20 santımetr. Uzyndyǵy 32 metr bolsa, bıiktigi 7 metrden asady. Mundaı amfıteatr elimizde buǵan deıin Nur-Sultan, Almaty, Aqtaý qalalarynda bolsa, endi tarıhı Taraz shaharyndaǵy jańa keshende boı kóterip otyr.
