Aımaqtar • 25 Jeltoqsan, 2019

Mańǵystaýda antıkor ortalyǵynyń alǵashqy jıyny ótti

97 retkórsetildi

Mańǵystaý oblysyndaǵy antıkor ortalyǵynyń alǵashqy jıyny «Mańǵystaý Medıa» jýrnalısteri men qyzmetkerleri arasynda ótti. Ortalyqtyń qyzmetimen áriptesterin shtab jetekshisi Aısulý Dýtbaeva tanystyrdy.

 

Sybaılas jemqorlyqqa qarsy is-qımyl agenttiginiń Tóraǵasy Alık Shpekbaevtyń sheshimimen Mańǵystaý oblysy boıynsha shtab jetekshisi Aısulý Dýtbaeva bolyp bekitilgen.

«Bul ortalyq - qoǵamdaǵy ózekti máseleler boıynsha quqyqtyq kómek alý, sondaı-aq, sybaılas jemqorlyq faktilerin boldyrmaý jáne joıý maqsatynda halyqtyń bas qosatyn ortalyǵy. Alǵashqy jıynnyń da sizderge arnalýynyń ózindik máni bar. Jýrnalıster halyq pen bılikti baılanystyratyn birden-bir kópir. Sondyqtan memlekettik pen qoǵamdy jaqyndastyrý, memlekettik mekemelerdiń azamattar aldyndaǵy jaýapkershiligi men qoljetimdiligin odan ári arttyra túsýde sizderdiń rólderińiz erekshe», dedi Aısulý Dýtbaeva.

Jıyn sońynda jýrnalıster ortalyqtyń jumysyna qatysty suraqtaryna jaýap aldy. Sonymen qatar, shtab jetekshisi A.Dýtbaeva «Parasattylyq», «Ádildik», «Ashyqtyq» prınsıpine saı qyzmet kórsetetin ortalyqtyń jumysyn jaqsartý úshin áriptesterin jumyla jumys atqarýǵa shaqyrdy.

Aıta keteıik, ortalyq Memleket basshysy Qasym-Jomart Toqaevtyń halyqqa arnaǵan Joldaýynda atap kórsetilgen «Halyq únine qulaq asatyn memleket» tujyrymdamasy negizinde jumysyn bastaǵan. QR Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamentiniń servıstik «Antikor ortalygy» jáne ákimshilik ǵımaraty ashylǵan. Búgingi tańda Nur-Sultan qalasy boıynsha departament elimizdegi quqyq qorǵaý qyzmetteriniń ishindegi eń alǵashqysy bolyp tolyǵymen «Open space» formatyna kóshken organ. Jumystyń jańa formatynyń tanystyrylymyna Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen elorda ákimi Altaı Kólginov sondaı-aq, shtab jetekshisi Yrza Tursynzada qatysqan.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar