Qoǵam • 26 Jeltoqsan, 2019

Júzden júırik jeńimpazdar

42 retkórsetildi

Elordada «Qazaqstannyń 100 jańa esimi» jobasy qorytyndylanyp, sport, mádenıet, qoǵam, medısına, ǵylym men bilim, bıznes salalaryndaǵy úzdikter anyqtaldy. Mundaǵy basty maqsat – táýelsizdik jyldarynda Qazaqstannyń damýyna eleýli úles qosqan azamattardyń tabystylyq, básekege qabilettilik, pragmatızm jáne bilimge tabyný ıdeıalaryn ilgeriletý bolyp tabylady.

Qorytyndy sharaǵa Memlekettik hatshy Qyrymbek Kósherbaev, Premer-Mınıstrdiń orynbasary Berdibek Saparbaev, Aqparat jáne qoǵamdyq damý mınıstri Dáýren Abaev jáne BAQ ókilderi qatysty.

Úsh kezeńdi qamtyǵan jobanyń alǵashqy kezeńinde «Qazaqstannyń 100 jańa esimi» qataryna enýge nıet bildirgen qazaqstandyq 1673 azamattyń anketasy qabyldandy. Kelesi ke­ze­ń sharty boıynsha 5-25 qarasha ara­lyǵynda jobanyń 100janaesim.ruh.kz resmı saıtynda jalpyhalyqtyq daýys berý júr­gizildi. Onda otandas­tarymyz tarapynan bar­lyǵy 700 myńnan astam daýys jınalypty.

Al 28 qarashada quramyna Qazaq­stannyń halyq ártisi Roza Rymbaeva, «Tehnodom» kompanııa­synyń negizin qalaýshy Edýard Kım, «Kaspi.kz» AQ dırektorlar keńesiniń tóraǵasy Vıacheslav Kım, Olımpıada chempıondary Aleksandr Vınokýrov pen Serik Sápıev, «BTS» bilim baǵytyndaǵy kompanııanyń jetekshisi Saıasat Nurbek, qoǵam qaıratkeri Murat Ábenov, «Talap» qoldanbaly zert­teý ortalyǵynyń jetekshisi Rahym Oshaqbaev, «Qazaqstannyń Azamattyq Alıansy» zańdy tulǵalar birlestiginiń prezıdenti Asylbek Qojahmetov, kásipker, jazýshy Qýanysh Shonbaı, mýzykant, Dımash Qudaıbergenniń prodıýseri Qanat Aıtbaev engen qazylar alqasynyń otyrysy ótti. Nátıjesinde, júzden júırik tanylǵan 32 jeńimpazdyń esimi jańǵyrdy. Onyń 25-i onlaın daýys berýde eń kóp daýys jınaǵandar bolsa, 7-eýin qazylar quramy usy­nypty.

Olardyń qatarynda mádenıet salasynda Almaty oblysynan Álibek Nurbek, Nur-Sultan qalasynan Qanat Nurtazın men Dına Baıtasova, Pavlodar oblysynan Imanbek Zeıkenov, Shyǵys Qazaqstan oblysynan Olga Chavkına; qoǵam salasynda Almaty qalasynan Ásel Baımuqanova, Nur-Sultan qalasynan Shynar Bolsambekova, Ashat Sadýov, Nurgúl Oljekova, Ásel Janasova, Elnara Baınazarova, Shymkent qalasynan Aldııar Jumahanov, Túrkistan oblysynan Aıjan Júzbaı, Shyǵys Qazaqstan oblysynan Qýandyq Qanatov pen Erjan Omarhanov, Almaty oblysynan Eldar Saparov; ǵylym jáne bilim salasynda Aqmola oblysynan Nazgúl Jakenova, Qostanaı oblysynan Maksım Rıýmın, Jambyl oblysynan Shákárim Seısenbaı, Almaty qalasynan Dana Shaıahmet; medısına salasynda Qyzylorda oblysynan Sáýlet Qaldashov, Almaty qalasynan Baýyrjan Raqyshev; sport salasynda Qostanaı oblysynan Rústem Erǵalı, Qaraǵandy oblysynan Abylaıhan Júsipov, Ivan Snegýrov, Qostanaı oblysynan Malıka Muhtarova, Mańǵystaý oblysynan Ildar Iаgıaev; bıznes salasynda Batys Qazaqstan oblysynan Ásel Aıapova, Almaty oblysynan Áıgerim Berekesheva, Almaty qalasynan Rústem Ermekbaı, Azat Sembınov, Qostanaı oblysynan Dınara Shýkıjanova bar.

– Elimizdegi eń jas mektep dırektorymyn. Mektep ujymynda 213 azamat qyzmet etip, 2 700 oqýshy bilim alady. Ustazdyq qyzmettegi maqsatym – memleketimizdiń bilim salasyn brendke aınaldyryp, álem­dik básekedegi mártebesin odan ári arttyrý. Qazirgi tańda ókinishke qaraı, bedeldi joǵary oqý oryndaryn támamdaǵan  bilimdi azamattardyń arasynda mektepke baryp, ustaz bolyp bilim berý – úrdiske aınalmaǵan. Al bizdiń negizgi baılyǵymyz – jer astyndaǵy altyn emes, munaı emes, halqymyzdyń ushan-teńiz bilimi. Sol sebepten bizge myqty ustazdar qajet. Sebebi hannyń da, qaranyń da ómirlik ustazdary bolǵan, – dedi joba jeńimpazy, Nur-Sultan qalasyndaǵy №54 mektep-lıseıiniń dırektory Shákárim Seısenbaı.

 

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar