Qoǵam • 26 Jeltoqsan, 2019

Muǵalimniń metodıkalyq sandyǵy – Ustazdar ustahanasynda «Jyl oqytýshysy-2019» aıaqtaldy

14 retkórsetildi

Jyl aıaǵynda Almatydaǵy Abaı atyndaǵy Qazaq ulttyq pedagogıkalyq ýnıversıtetiniń Jaratylystaný jáne geografııa ınstıtýtynyń «Jyl oqytýshysy-2019» baıqaýy da márege jetti.

– Búgingi qoǵam muǵalimderge úlken mindetter júktep otyr. Ol pán muǵalimi ǵana emes, bala­nyń bolashaǵyna baǵdarshy bola alatyn tulǵaǵa aınalýy kere­gin ýaqyttyń ózi dáleldeýde. Osy turǵydan kelgende, ýnıver­sı­tettiń 2025 jylǵa deıingi damý strategııasynda naqty kór­­­­se­tilgendeı, elimizdegi tuń­ǵysh pedagogıkalyq ýnıversıtet – myqty pedagog mamandardy daıyndaıtyn  ustahanaǵa aı­nalý kerek delingen. Osy stra­tegııalyq baǵytty negizge ala otyryp, uly aqyn Abaı Qunan­baıulynyń atyn ıelenip otyrǵan pedagogıkalyq ýnıversıtet bolǵandyqtan, mundaı sharalardyń uıymdastyrylýy zańdylyq. Bul – búgin ınstıtýt kóleminde ótip jatsa, bolashaqta ýnıversıtet, respýblıkalyq deńgeıde ótkizsek degen josparymyz bar. Sonymen qatar osyndaı baıqaýlar arqyly ustazdardyń básekelestigin arttyrýdy maqsat tutyp otyrmyz. Básekelestik bar jerde sapa bar, sapa bar jerde bilim bar. Biz qoǵamǵa bilimdi, zaman talabyna saı, úsh tildi qatar meńgergen pedagog mamandardy daıarlaýymyz qajet. Baıqaý eki kezeńnen turdy. Bul jaı sabaqtar emes, zaman talabyna saı, jańa tehnologııaǵa, jańartylǵan baǵ­darlamaǵa negizdelgen sabaq ót­kizý kerek boldy, – deıdi Jara­tylystaný jáne geografııa ıns­tıtýty dırektorynyń oqý isteri jónindegi orynbasary Lázzat Demeýova.

Al baıqaýǵa qatysýshylar osy talaptardy oryndaýǵa tyrysyp baqty. Sheberlik dáristerine beıjaı qaramaı, bir-birinen úırendi, tájirıbe almasty, osal jerlerin baıqady. Ádilqazylar alqasyna ınstıtýttyń ǵylymı jumys jáne halyqaralyq ynty­maqtastyq jónindegi prorektory Aqtolqyn Qulsarıeva jetekshilik etti.

 Sarapshy retinde basqa ıns­tıtýttardyń tájirıbeli pro­fessor-oqytýshylary – fılologııa ǵylymdarynyń kandıdaty, professor Gúljııan Sha­harman, fılologııa ǵylym­darynyń doktory, professor Raıgúl Rahmetova, pedagogıka ǵylymdarynyń kandıdaty Baǵdat Qosanov, pedagogıka ǵylymdarynyń kandıdaty Esen­­geldi Tuıaqov sııaqty ustaz ǵa­lymdar qatysyp, óz oılary­men bólisti. Sonymen birge kon­kýrsqa qaty­sýshylar «port­­folıo» da­ıyn­dap, ıaǵ­nı óz­deriniń meto­dıkalyq ka­bı­net­teriniń «san­dyǵyn» ashty. Iаǵ­nı, portfolıo – bul ustazdyń barlyq eńbeginiń jıyntyǵy, nátıjesi dese bolady. Sonymen baıqaýda ustazdar ózderi týraly málimet bere otyryp, sa­baq­ta qandaı tehnologııa­ny, ádistemeni paıdalanatyny tý­­raly baıandady. Sondaı-aq jas urpaqty tárbıeleýde qan­daı tyń jumystar atqaryp otyr­ǵandarymen bólisti. Ustaz­dar­dyń  sózge sheshendigi, sóziniń júıeligi, balany baýrap alý q­asıeti, oıyn jetkize bilýi  de synǵa tústi. Oqytýshylar Abaı­dyń qara sózderin, óleńin oqyp, ánin salyp, ónerli eken­dikterin de baıqatty.

Qoryta kelgende, birinshi oryndy hımııa ǵylymdarynyń kandıdaty Aımankúl Meıir­manova, ekinshi oryndy hımııa ǵylymdarynyń kandıdaty Dınara Qasymbekova, úshinshi oryndy pedagogıka ǵylymdarynyń kandıdaty Zýl­fııa О́nerbaeva ıelendi. Júl­deli bolǵan ustazdar qar­jylaı syılyqtar men sertı­fıkattarǵa ıe boldy.

 

ALMATY

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar