Aımaqtar • 26 Jeltoqsan, 2019

Aqmolalyq stýdentter úzdikter qatarynda

15 retkórsetildi

«Qazaqstan Respýblıkasynyń kolledjderiniń úzdik 100 bilim alýshysy». Dál osyndaı ataýmen tuńǵysh ret respýblıkalyq baıqaý ótkizildi. Bilim dodasynda aqmolalyq jas órender de top jardy.

Birneshe aıǵa sozylǵan saıysta oblys namysyn 14 oqýshy qorǵady. Sonyń jeteýi «Úzdik» ataǵyna ıe bolyp, arnaıy tósbelgimen marapattaldy. Atalǵan sharany Qazaqstan Respýblıkasy Bilim jáne ǵylym mınıstrligi uıymdastyrdy.

Oqýshylardyń qarym-qabiletin shyńdaıtyn bul saıys alǵash ret uıymdastyrylǵan. Saıystyń basty erejesi boıynsha baıqaýǵa tek kolledj oqýshylary ǵana qatysýǵa quqyly. Kolledj ishilik kezeńnen súrinbeı ótken myqtylar oblystyq kezeńge joldama alady. Al óńirlik saıysta baǵy janǵan jastar respýblıkalyq syńda óńir namysyn qorǵaıdy. Aımaq namysyn abyroımen qorǵap shyqqan stýdentterdiń biri – Laýra Madjıtova. Ol búgingi tańda Janaıdar Mýsın atyndaǵy joǵary qazaq pedagogıkalyq kolledjiniń 4 kýrs oqýshysy.

– Bul saıystyń basty maqsaty – bilim alýshylardyń kóshbasshylyq qabiletin damytyp, olardyń mamandyqtaryna degen quzyrettilikterin arttyrý bolyp tabylady. Sondyqtan da osy saıysqa qatysýǵa mende asa bir talpynys boldy. Saıys barysynda úsh kezeńnen óttik. Birinshi kezeń ótinish qabyldaý, ekinshi jetistikteri jáne úshinshi óz jumystary týraly baıandama. Sondaı-aq respýblıkalyq deńgeıde daýys berý kerek boldy. Atalǵan osy 3 kezeńnen 1423 upaı jınap, jeńimpazdar qatarynan iliktim, – deıdi J.Mýsın atyndaǵy joǵary qazaq pedagogıkalyq kolledjiniń stýdenti Laýra Madjıtova.

Úzdik júzdiktiń qatarynda Temirlan Sháriphanov ta bar. Bul jigittiń esimi Kókshe jurtyna birshama tanys. Sebebi, jas óren sýǵa batyp bara jatqan búldirshindi ajal aýzynan aman alyp qalǵan. Jantúrshigerlik oqıǵa 2018 jyly oryn alǵan. Temirlan búgingi tańda Azamattyq qorǵanys joǵary kópsalaly kolledjinde «О́rt qaýipsizdigi» mamandyǵy boıynsha bilim alýda.

– Jalpy bul saıysqa qatysý úshin kezeńderden ótý kerek boldy. Iаǵnı, qatysýshynyń birneshe baıqaýda jeńimpaz atanǵany jáne sportta nemese ónerdegi jetistikteri. Men osy erejelerge tolyǵymen saı boldym. Sonymen qatar 2018 jyly sýǵa batyp bara jatqan búldirshindi qutqaryp qalǵanymdy kolledj ujymy eskerip, osy saıysqa usynypty. О́te qýanyshtymyn, – deıdi azamattyq qorǵanys joǵary kópsalaly kolledjiniń bilim alýshysy Temirlan Sháriphanov.

Respýblıkalyq kezeńge aımaqtardan 200-den astam bilim alýshylar qatysypty. Sonyń ishinde saralanyp, tek 100 stýdent úzdik dep tanylǵan. Jeńimpazdardyń barlyǵyna arnaıy tósbelgiler men Alǵys hattar tabystalǵan.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar