Qazaqstan • 26 Jeltoqsan, 2019

Múgedekterdi áleýmettik qoldaý máseleleri talqylandy

535 retkórsetildi

Eńbek jáne halyqty áleýmettik qorǵaý mınıstrliginiń alańynda múgedektigi bar adamdardy áleýmettik qoldaý boıynsha dóńgelek ústel ótti, onda múgedekterdiń kótergen máseleleri jáne olardy sheshý boıynsha qabyldanǵan sharalar talqylandy, sondaı-aq erekshe qajettilikteri bar adamdardyń ómir súrý sapasyn jaqsartý boıynsha usynystar aıtyldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Is-sharaǵa Premer-Mınıstrdiń orynbasary Berdibek Saparbaev, Prezıdent kómekshisi – Prezıdent Ákimshiliginiń ótinishterin qaraýdy baqylaý bóliminiń meńgerýshisi Aıda Balaeva, Eńbek jáne halyqty áleýmettik qorǵaý mınıstri Birjan Nurymbetov, Eńbek jáne halyqty áleýmettik qorǵaý, Indýstrııa jáne ınfraqurylymdyq damý, Densaýlyq saqtaý, Bilim jáne ǵylym, Sıfrlyq damý, ınnovasııa jáne aeroǵarysh ónerkásibi vıse-mınıstrleri, Múgedekterdiń qoǵamdyq birlestikteriniń basshylary, sondaı-aq Qazaqstannyń barlyq óńirlerinen selektorlyq rejımde múgedektigi bar adamdar qatysty.

Dóńgelek ústel jumysyn asha otyryp, Berdibek Saparbaev Qazaqstanda 690 myń múgedektigi bar adamdar turatynyn jáne memleket deńgeıinde olardyń ózekti máselelerin sheshýge kóp kóńil bólinetinin atap ótti.

«Qazaqstanda múgedektigi bar adamdardy qoldaý máselelerine erekshe kóńil bólinedi. Aǵymdaǵy jyly járdemaqy tóleýge jáne múgedektigi bar adamdardy arnaıy áleýmettik qyzmettermen jáne tehnıkalyq ońaltý quraldarymen qamtamasyz etýge 400 mlrd.teńge kózdeldi. Aldaǵy ýaqytta olardy áleýmettik qoldaýǵa 448 mlrd teńge bólinedi. Sonymen qatar, 2020 jyly Nur-Sultan, Almaty jáne Kókshetaý qalalarynda ońaltý ortalyqtarynyń qurylysy bastalady. «Tyńdaıtyn memleket» tujyrymdamasy aıasynda biz únemi monıtorıng júrgizip, eń mańyzdy máselelerdi ózektendirip, qoǵamdy olar boıynsha sheshimder ázirleýge tartamyz. Búgin biz múgedektigi bar adamdardyń áleýmettik ońaltý tıimdiligin arttyrýǵa, kedergisiz ortany qamtamasyz etýge, múgedektiktiń profılaktıkasy men aldyn alýǵa, bilimge qoljetimdilikke baılanysty máselelerdi talqylaý úshin jınalyp otyrmyz», – dedi Premer-Mınıstrdiń orynbasary.

«Múgedektigi bar adamdar kóteretin máseleler jáne olardy sheshý boıynsha qabyldanǵan sharalar týraly» baıandamasyn Qazaqstan Respýblıkasy Eńbek jáne halyqty áleýmettik qorǵaý vıse-mınıstri Erlan Áýkenov jasady, ol múgedektigi bar adamdar kótergen barlyq máselelerdiń tórtten biri jeke kómekshilerge qatysty ekenin aıtty.

«Jeke kómekshilerdiń qyzmetterin usynatyn ÚEU-ǵa kóptegen shaǵymdar kelip túsedi, atap aıtqanda, olardyń qyzmetiniń ashyq emestigi, ákimshilik shyǵyndarǵa qarajattyń 10%-yn ustap qalady, qyzmetterge ýaqtyly tólemeý, jumys istegen ýaqyt sanyn durys baǵalamaý jáne t.b. Múgedektigi bar adamdardyń narazylyǵyna jeke kómekshiler úshin áleýmettik pakettiń joqtyǵy, kórsetiletin qyzmetterdi baqylaýdyń tıimdi tetiginiń joqtyǵy, bolý orny men ýaqyty týraly esep berý qajettiligi, sondaı-aq jeke kómekshilerdiń qyzmetteri shekteýli», – dedi ol.

Áýkenovtiń aıtýynsha, múgedektermen belgilengen máselelerdi sheshý úshin 2015 jylǵy 22 qańtardaǵy qoldanystaǵy buıryqqa jeke kómekshilerdiń qyzmet kórsetýin retteıtin, jeke kómekshilerdiń qyzmet kórsetýleri boıynsha eń kóp saǵat kólemin aıyna 176 saǵattan asyrmaı belgileý; ÚEU-ny ákimshilik shyǵyndarǵa 5% - dan asyrmaı ustap qalýdy boljaıtyn normalardy engizý; qyzmet kórsetýdiń biryńǵaı standarttaryn jáne jeke kómekshilerge qoıylatyn talaptardy anyqtaý bóliginde ózgerister engiziletin bolady. Bul rette, múgedektigi bar adamdardyń eskertýlerin eskere otyryp, buıryq jobasynan jaqyn týystaryna jeke kómekshiler qyzmetin kórsetýge tyıym salatyn norma alynyp tastaldy.

Budan basqa, óńirlerge 2020 jylǵy qańtardan bastap múgedektigi bar adamdardyń ótnishterine baılanysty tikeleı jeke kómekshilermen nemese ÚEU arqyly shart jasasýdy qamtamasyz etý jáne osyǵan baılanysty kelesi jylǵa arnalǵan memlekettik satyp alýdyń bıýdjeti men josparyn qalyptastyrý usynyldy.

Vıse-mınıstr sondaı-aq 2020 jylǵy shildeden bastap jeke kómekshilerdiń qyzmetteri áleýmettik qyzmetter portalyna aýystyrylatynyn, sodan keıin shart múgedektigi bar adamnyń ózi jeke kómekshisimen nemese ÚEU-men jasalatynyn habarlady. Qyzmetti portalǵa aýystyrý Bas prokýratýra men sybaılas jemqorlyqqa qarsy is-qımyl agenttigi anyqtaǵan osy saladaǵy buzýshylyqtardy azaıtýǵa múmkindik beredi.

«Budan basqa, kóptegen ótinishter medısınalyq-áleýmettik saraptamadan (budan ári – MÁS) ótýge jáne múgedektikti belgileýge baılanysty. Múgedektigi bar adamdar qolaısyz ońaltý boljamy bar aýrýlar boıynsha qaıta kýálandyrýdan jıi ótý qajettigine baılanysty qolaısyzdyqtardy birneshe ret atap ótti», – dep atap ótti Áýkenov.

Osy máseleni sheshý úshin Eńbekmıni Medısınalyq-áleýmettik saraptama júrgizý qaǵıdalaryn ázirledi. Atap aıtqanda, eresekterge múgedektik 5 jylǵa belgilenetin, organızm fýnksııalarynyń aıqyn buzylýymen 19 aýrýdyń tizbesi bekitildi. Sonymen birge, 18 jastan asqan adamdarǵa múgedektik toby qaıta kýálandyrý merziminsiz ekinshi top múgedektigi belgilenetin emdeýge kelmeıtin anatomııalyq kemistikter tizbesi keńeıtildi. Sondaı-aq 16 jasqa deıingi bala múgedek dep tanylatyn medısınalyq kórsetilimder tizbesi keńeıtildi.

Áýkenovtiń aıtýynsha, múgedekter sanatorlyq-kýrorttyq emdelýdi usyný jáne ońaltýdyń tehnıkalyq quraldarymen (budan ári – TOQ) qamtamasyz etý máselelerin kóteredi.

Máselen, sanatorlyq-kýrorttyq emdeý qyzmetterin memlekettik satyp alý konkýrsynda jeńimpaz bolǵan uıym kórsetedi, ne bolmasa úkimettik emes uıymdarmen shart jasasý arqyly usynylady. Nátıjesinde joldamalar áriptes sanatorıılerge beriledi jáne múgedekter mekemeni óz betinshe tańdaı almaıdy. Buǵan qosa, sanatorlyq-kýkrorttyq emdeý merzimi aıqyndalmaǵan, sonyń saldarynan túrli óńirlerde onyń uzaqtyǵy 7-den 14 kúndi quraıdy.

«Memlekettik satyp alý týraly» Zańǵa sáıkes, TOQ  eń az quny boıynsha ne ÚEU-dan bir kózden satyp alynady. Bul rette taýarlar múgedektigi bar adamdardyń jeke qajettilikterin eskermesten jappaı satyp alynady.

«Qazir biz qoldanystaǵy buıryqqa múgedekter úshin 14 kúnnen kem emes sanatorııalyq-kýrorttyq emdelý merzimin belgileý bóliginde ózgerister engizemiz. 2020 jyldyń shildesinen bastap shıpajaılyq-kýrorttyq emdeý qyzmetteri áleýmettik qyzmetter portalyna kóshiriledi, bul múgedektigi bar adamdarǵa uıymdy óz betinshe tańdaýǵa múmkindik beredi. Sondaı-aq, portaldy iske qosý TOQ usyný tetigin jetildirýge múmkindik beredi. 2020 jyldyń qańtarynan bastap jeke irikteýdi talap etpeıtin TOQ 55 túriniń 24-i portalǵa qalǵan 31 túri - 2021 jyldyń qańtarynan bastap aýystyrylatyn bolady. Bul múgedektigi bar adamdarǵa jeke qajettilikterdi, sapany, ónim berýshiniń bedelin, basqa paıdalanýshylardyń pikirlerin jáne t.b. eskere otyryp, TOQ-ty óz betinshe tańdaýǵa múmkindik beredi», – dedi Erlan Áýkenov.

Dóńgelek ústel barysynda Indýstrııa jáne ınfraqurylymdyq damý birinshi vıse-mınıstri Berik Kamalıev kóliktiń qoljetimdiligin qamtamasyz etý jáne turǵyn úı berý máselelerin sheshý týraly habardar etti. Densaýlyq saqtaý vıse-mınıstri Kamaljan Nadyrov sanatorlyq-kýrorttyq emdeý kórsetilgen aýrýlar men densaýlyq buzylýlarynyń tizbesi týraly aıtyp berdi. Bilim jáne ǵylym vıse-mınıstri Bıbigúl Asylova múgedek balalarǵa arnalǵan uzartylǵan baǵdarlamalardy ashý jospary týraly baıandady. Múgedektigi bar adamdar úshin memlekettik organdardyń aqparattyq saıttarynyń qoljetimdiligi jóninde Sıfrlyq damý, ınnovasııa jáne aeroǵarysh ónerkásibi vıse-mınıstri Abylaıhan Ospanov habardar etti.

О́ńirlerdiń múgedektigi bar adamdar erekshe qajettilikteri bar adamdardyń ómir súrý sapasyn jaqsartý boıynsha óz suraqtary men usynystaryn aıtty.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar