Saıasat • 26 Jeltoqsan, 2019

Senat pedagog mártebesi týraly zańdy qabyldady

191 retkórsetildi

Senat otyrysynda «Pedagog mártebesi týraly» zań jobasyn tanystyrǵan Bilim jáne ǵylym mınıstri Ashat Aımaǵambetov qujat elimizdiń Tuńǵysh Prezıdenti – Elbasy N.Nazarbaevtyń Qazaqstan halqyna Joldaýyn iske asyrý aıasynda ázirlengenin jáne pedagogterdiń quqyqtaryn keńeıtýge, olardy ózderine tán emes qyzmetten bosatýǵa, júktemeni azaıtýǵa, muǵalim mamandyǵyna qoıylatyn talaptardy kúsheıtýge baǵyttalǵanyn, jumys isteıtin muǵalimderdi materıaldyq turǵyda yntalandyrý tetikterin, sondaı-aq jastardy pedagog mamandyǵyna tartý máselelerin kózdelip otyrǵanyn atap ótti. Bul týraly Parlament Senatynyń baspasóz qyzmeti habarlady.

Qujatta jumys berýshiniń elimizdiń eńbek zańnamasyna sáıkes pedagogke kásibı qyzmetin júzege asyrý úshin jaǵdaıdy qamtamasyz etý jónindegi erejeler bekitiledi.

Bul rette, pedagogke elimiz zańdarynda kózdelgen jaǵdaılardy qospaǵanda, kásiptik mindettermen baılanysty emes jumys túrlerine tartýǵa; odan bilim berý salasyndaǵy zańnamada kózdelmegen eseptilikti ne aqparatty talap etýge; zańdarda kózdelmegen tekserýlerdi júrgizýge; oǵan taýarlar men kórsetiletin qyzmetterdi satyp alý jónindegi mindet júkteýge; memlekettik orta bilim berý uıymdarynyń pedagogtaryn olardyń kásibı qyzmetin júzege asyrý kezinde memlekettik emes uıymdardyń sharalaryn ótkizýge tartýǵa tyıym salý arqyly túsetin júktemeni qysqartý jónindegi normalar naqty belgilengen.

Zań jobasynyń erejelerimen pedagogtarǵa áleýmettik kepildikter, onyń ishinde: uzaqtyǵy 56 kúntizbelik kún tólenetin jyl saıynǵy eńbek demalysy; pedagogtardyń balalaryna mektepke deıingi uıymdarda turǵylyqty jeri boıynsha jergilikti atqarýshy organdardyń birinshi kezekte oryn beretini belgilengen.

Senator Baqytjan Jumaǵulov pedagog mamandyǵynyń artyqshylyqtary týraly shynaıy, qyzyqty maqalalar men fılmderdiń jetispeýshiligine bilim mınıstriniń nazaryn aýdardy. «Pedagog mamandyǵyn nasıhattaý boıynsha júıeli jumys júrgizý qajet.  Pedagogtarǵa arnalǵan buqaralyq aqparat quraldarynyń jumysyn qaıta jalǵastyrý kerek. Ol úshin búginde qandaı jumystar, onyń ishinde qandaı zańnamalyq tetikter qajet ekenin oılastyrý kerek», - dedi senator. B.Jumaǵulov sondaı-aq josparlanǵan jańalyqtar, bilim berý júıesine engiziletin jańa ádister boıynsha qoǵamdyq talqylaý júrgizý qajet dep sanaıdy.

Senatorlar jan-jaqty talqylaýdan keıin pedagog mártebesi týraly zańdy jáne oǵan ilespe qujatty qabyldady.

Senat otyrysynda zańnamaǵa Qazaqstan Respýblıkasynyń ákimshilik-aýmaqtyq qurylysy, memlekettik basqarý júıesin, bıýdjetaralyq qatynastardy jetildirý, kredıtteý jáne bilim berý máseleleri boıynsha túzetýler eki oqylymda qaralyp, qabyldandy.

Túzetýlerdi tanystyrǵan ulttyq ekonomıka mınıstri Rýslan Dálenovtiń aıtýynsha, zań jobasy Qazaqstan Respýblıkasy Prezıdenti Jarlyqtarynyń jekelegen tapsyrmalaryn iske asyrýǵa jáne:

- Astana qalasyn Nur-Sultan qalasy dep qaıta ataý týraly;

- fıskaldyq ortalyqsyzdandyrý aıasynda shaǵyn jáne orta bıznesten túsetin korporatıvtik tabys salyǵynyń túsimderin jergilikti bıýdjetterge berýge;

- Qazaqstan Respýblıkasynyń Memlekettik kúzet qyzmeti men Qazaqstan Respýblıkasy «Syrbar» syrtqy barlaý qyzmetindegi qaıta uıymdastyrýǵa;

- 90 kún ótkennen keıin merzimi ótken kepilsiz tutynýshylyq qaryzdar boıynsha qyzmet kórsetkeni úshin ekinshi deńgeıdegi bankter men mıkroqarjy uıymdaryna turaqsyzdyq aıybyn (aıyppul, ósimpul), komıssııalar men ózge de tólemderdi esepteýge jáne talap etýge tyıym salýdy belgileýge;

- respýblıkalyq mańyzy bar qalalar men astananyń quzyretin keńeıtýge;

- bilim berý mekemelerin basqarý jáne bıýdjettik ákimshilendirý mindetterin aýdandyq deńgeıden oblystyq deńgeıge qaıta bólý máselelerin sheshýge arnalyp ázirlengenin habardar etti.

«Sondaı-aq, «Qazaqstan Respýblıkasyndaǵy memlekettik qyzmet týraly» zańǵa ózgerister engizý usynylyp otyr, oǵan sáıkes jastardyń kadrlyq rezervine alynǵan adamdar «A» jáne «B» korpýsynyń memlekettik ákimshilik laýazymdaryna tıisti irikteýsiz ıe bola alady», - dep atap ótti senator Sergeı Plotnıkov.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar