Prezıdent • 26 Jeltoqsan, 2019

Memleket basshysy 2023 jylǵa deıin shaǵyn kásipkerlikti tekserýge moratorıı engizdi

85 retkórsetildi

Prezıdent Qasym-Jomart Toqaev «Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Jarlyqqa qol qoıdy. Bul týraly Aqordanyń baspasóz qyzmeti habarlady.

Qazaqstan Respýblıkasynda shaǵyn kásipkerlikti, onyń ishinde mıkrokásipkerlikti damytý úshin jaǵdaıdy jaqsartý maqsatynda QAÝLY ETEMIN:

1. Ortalyq memlekettik jáne jergilikti atqarýshy organdar
2020 jylǵy 1 qańtardan bastap 2023 jylǵy 1 qańtarǵa deıin shaǵyn kásipkerlik sýbektilerin, onyń ishinde mıkrokásipkerlik sýbektilerin tekserýlerdi jáne profılaktıkalyq baqylaý men qadaǵalaýdy baryp júrgizýdi toqtatsyn, oǵan mynalar qosylmaıdy:

1) halyqtyń ómiri men densaýlyǵyna, qorshaǵan ortaǵa, zańdylyq pen qoǵamdyq tártipke yqtımal túrde jappaı qater, konstıtýsııalyq qurylysqa jáne ulttyq qaýipsizdikke týra nemese tikeleı qater tóndiretin buzýshylyqtardy boldyrmaýǵa nemese joıýǵa baǵyttalǵan, sondaı-aq «Qarjy naryǵy men qarjy uıymdaryn memlekettik retteý, baqylaý jáne qadaǵalaý týraly» 2003 jylǵy 4 shildedegi Qazaqstan Respýblıkasynyń Zańynda kózdelgen negizder boıynsha júrgiziletin tekserýler;

2) Qazaqstan Respýblıkasynyń zańnamasynda, belgilengen talaptardy buzý faktileriniń týyndaý sebepterin anyqtaý úshin, baqylaý men qadaǵalaýdyń naqty sýbektisine (obektisine) qatysty naqty fakti boıynsha bir jospardan tys tekserý jetkiliksiz jáne osy naqty faktige baılanysty ózge de sýbektilerge qatysty baqylaý men qadaǵalaý talap etiletin jaǵdaılarda osy tarmaqtyń 1) tarmaqshasyna sáıkes tekserýler;

3) óz qyzmetine qatysty kásipkerlik sýbektileriniń ótinishteri negizinde, onyń ishinde «Ruqsattar jáne  habarlamalar týraly» 2014 jylǵy
16 mamyrdaǵy Qazaqstan Respýblıkasynyń Zańyna sáıkes ruqsat alýǵa arnalǵan ótinish boıynsha tekserýler jáne profılaktıkalyq baqylaýdy baryp júrgizý;

4) 2014 jylǵy 4 shildedegi Qazaqstan Respýblıkasynyń Qylmystyq-prosestik kodeksinde kózdelgen negizder boıynsha tekserýler;

5) Qazaqstan Respýblıkasy Prezıdentiniń jáne Qazaqstan Respýblıkasy Bas Prokýrorynyń tapsyrmasy boıynsha prokýratýra organdarynyń tekserýleri;

6) kedendik tekserýler;

7) qarsy salyqtyq tekserýler;

8) salyq tóleýshi men onyń debıtorlary arasyndaǵy ózara esep aıyrysýdy aıqyndaý, salyq organdarynda tirkeý esebine qoıý, kassa boıynsha shyǵys operasııalaryn toqtata turý týraly salyq organy shyǵarǵan ókimderdi oryndaý máseleleri boıynsha taqyryptyq salyqtyq tekserýler;

9) halyqtyń sanıtarııalyq-epıdemıologııalyq salamattylyǵy salasynda ónim qaýipsizdiginiń monıtorıngin júzege asyrý úshin ónimdi irikteý jáne oǵan sanıtarııalyq-epıdemıologııalyq saraptama jasaý maqsatyndaǵy profılaktıkalyq qadaǵalaýdy baryp júrgizý;

10) Qazaqstan Respýblıkasynyń sáıkestikti baǵalaý salasyndaǵy akkredıtteý týraly zańnamasynyń saqtalýyn tekserýler jáne profılaktıkalyq baqylaýdy baryp júrgizý;

11) jer qoınaýyn paıdalanýshylar.

2. Osy Jarlyqtyń 1-tarmaǵynyń 1) jáne 2) tarmaqshalarynda kózdelgen tekserýler ortalyq memlekettik nemese jergilikti atqarýshy organnyń birinshi basshysynyń sheshimi negizinde júrgiziledi dep belgilensin.

3. Osy Jarlyq shaǵyn kásipkerlik sýbektilerin, onyń ishinde mıkrokásipkerlik sýbektilerin 2019 jyly bastalǵan tekserýlerge jáne profılaktıkalyq baqylaý men qadaǵalaýdy baryp júrgizýge qoldanylmaıdy.

4. Qazaqstan Respýblıkasynyń Úkimeti osy Jarlyqty iske asyrý jóninde sharalar kabyldasyn.

5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

6. Osy Jarlyq alǵash resmı jarııalanǵan kúninen bastap qoldanysqa engiziledi.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar