Qoǵam • 27 Jeltoqsan, 2019

Baspanaǵa aparar jol

33 retkórsetildi

Baspana basty ıgiliktiń biri. El turǵyndarynyń jeke baspanaǵa qol jetkizýine qomaqty úles qosyp júrgen Turǵyn úı qurylys jınaq banki azamattar úshin barynsha tıimdi usynystar ázirleýde. Bıyl alpaýyt uıymnyń salymshylary rekordtyq nátıje kórsetip, depozıtterde jalpy somasy 771,2 mlrd teńge kóleminde qarajat jınaǵan.

Turǵyn úı qurylys jınaq bankindegi nesıe mólsher­lemesi­niń­ tıimdiligine baılanysty, on­da­ǵy jınaqtaý shottaryna degen su­ranys kúnbe-kún artyp keledi. Bank klıentteri turǵyn úıdiń bas­tapqy jarnasyna qajetti qara­jatty jınaqtaı otyryp, bola­shaq baspanalaryn jyldyq 2-8,5% mólsherlememen nesıege alý múmkindigine ıe. Bıyldyń ózin­­de osy múmkindikti 48 414 qa­zaq­standyq otbasy tıimdi paı­da­lan­ǵan. Resmı málimet boıynsha, kún saıyn banktiń kómegimen kemin­de 160 salymshy qonys toıyn atap ótýde. Bul týraly Alma­tyda ótken qorytyndy bas­pasóz máslıhatynda Turǵyn úı qury­lys jınaq bankiniń bas­qarma tóraıymy Lázzat Ibragımo­va málimdedi.

Bank basshysynyń aıtýynsha, 2019 jyldyń qorytyndysy boıynsha Turǵyn úı qurylys jınaq bankiniń nesıelik port­fe­li 1 trıllıon teńgeni quraıdy. Bu­ǵan qosa, salymshylar depo­zıt­terine turaqty túrde qarajat jı­naqtaýda. Buǵan óz kezeginde tómengi deńgeıdegi, ıaǵnı 0,18%-ǵa teń NPL dálel (90 kúnnen as­qan­ merzimi ótken zaımdar). 8%-dyq­ ortasha banktik deńgeımen salys­tyrǵanda óte jaqsy kórsetkish.

 – Turǵyn úı qurylys jınaq banki ónimderi qoljetimdi bol­ǵan­dyqtan, sondaı-aq halyqtyń bankke degen úlken senimdiliginiń ná­tıjesinde osy ónimderge degen­ suranys óte joǵary. Biz alǵa qoı­ǵan maqsattarymyzdy tolyqtaı oryn­dap shyqtyq dep sanaımyz.­ Dálirek aıtsaq, aǵymdaǵy jyly asa mańyzdy memlekettik min­det­terdiń biri – tabysy tómen ot­basylarǵa arnalǵan «Baqytty ot­basy» baǵdarlamasyn daıyndap, iske qostyq. Qazirgi sátte 4 053 otbasy qonys toıyn atap ótti. Budan bólek taǵy 736 otbasy jibergen ótinimderi boıynsha oń sheshim alyp, qazir ózderine laıyqty úılerdi izdestirý ústin­de. Iаǵnı, endi myńdaǵan bal­dyr­ǵan baqytty balalyq shaǵyn jal­damaly páterde emes, óz úı­le­rin­de ótkizetin bolady, – deıdi­ Lázzat Ibragımova.

Al «Baqytty otbasy» baǵ­dar­lamasynyń talaptaryna sáı­kes kelmegen otbasylar «Nurly jer» baǵdarlamasyna qatysý­ǵa múmkindik alyp otyr. Árbir al­tynshy nesıeni bank osy baǵdar­lama sheńberinde bergen. Jalpy atalǵan baǵyt boıynsha 2019 jyly segiz myń otbasy baspanaly bolyp, olarǵa páter kilti tabystalǵan.

Munymen qosa, bank 2019 jyly­ «Áskerı baspana» tur­ǵyn úı baǵdarlamasynyń jańartyl­ǵan sharttary boıynsha áskerı qyzmetkerlerge arnap 3 811 zaım bergen. Bul Turǵyn úı qurylys jınaq bankiniń óz jobasy. Oǵan bıýdjetten eshqandaı qarajat bólinbegen. Bank shamamen 100 mlrd teńge kóleminde óziniń jeke jáne naryqtan túsken qarajatyn paıdalanyp, eki jyldyń ishinde 6 592 áskerı qyzmetkerge baspanaly bolý baqytyn syılaǵan.

Qazirgi kezde bankte bolashaq bas­panalary úshin 1,5 mln otan­dasymyz qarajat jınaqtaý ús­tinde. Olardyń 384 242-i bıyl ashyl­­ǵan depozıtter. Búgingi tańda­ salymshylardyń baspanaly­ bolýyna memleket tarapynan­ da úlken qoldaý kórsetilip otyr­ǵa­nyn aıta ketken jón. Jyl saıyn Tur­ǵyn úı qurylys jı­naq­ banki­niń salymshylaryna 20% kó­lemin­de beriletin syı­lyqaqy tıy­nyn tirnektep jı­naǵandar úshin asa tıimdi. Atal­ǵan syılyq­aqy 200 aılyq esep­tik kór­setkishten (505 000 teńge) aspaı­tyn somaǵa tólenedi. Osy­laı­­sha, 2019 jyldyń qory­tyn­dysy­ boıynsha eń joǵary memleket syı­lyqaqysy 101 000 teńgeni quraǵan.

Búginde Turǵyn úı qurylys jınaq banki óz salymshylaryna sapaly qyzmet kórsetý maqsatynda bıznes-prosesterdi ońtaılandyrý úshin úzdiksiz ju­mys istep, 2023 jylǵa qaraı olar­dyń 70%-yn onlaın-rejimde usynýǵa barynsha jaǵdaı jasaýda. Osy oraıda, bıyl engizil­gen jańa jobalardyń biri – aldyn ala banktik biliktilikti iske qosý jáne bank keńesshileri ar­qyly qashyqtyqtan nesıelik ótinimderdi qabyldaý.

Endi Turǵyn úı qurylys jınaq bankiniń klıentterine nesıe boıynsha óz múmkindikterin aldyn-ala baǵalaý úshin bank bó­limshesine barýdyń qajeti joq. Olar ózine yńǵaıly ýaqytta kez kelgen jerge bank keńesshisin shaqyr­týyna bolady. Arnaýly mamandar qashyqtyqtan depozıt ashýmen qatar, salymshynyń tólem qabilettiligin shamalap eseptep, aldyn ala maquldanǵan nesıe somasy kórsetilgen arnaıy sertıfıkat tabystaı alady.

Bul sertıfıkat 3 aıǵa deıin jaramdy. Osy ýaqyt ishinde salymshy óz múmkindikterin bile otyryp, ózine laıyqty baspana­ny izdep, qaryz alý úshin bank­ke habarlasýyna bolady. Atal­ǵan joba klıentterdiń bank bólim­shesine barýyn eki esege qys­qartýǵa múmkindik bermek.

«Turǵyn úı qurylys jı­naq­ banki taǵy bir jobany iske­ qo­sýdy josparlap otyr. Bul «Tur­ǵyn úı qurylysyn qar­jy­lan­dyrýda genderlik teńdikti qol­daý jónindegi joba» nemese «áıel­der ıpotekasy» dep atalady. Jobany Azııa damý banki 38 mıl­lıard teńge kóleminde qar­jy­landyrady. Qazir elimizde 9,1 mıllıon áıel turady. Onyń ishin­de 4,4 mıllıony jumys isteı­di, olardyń jartysy óz otbasylaryn derbes qamtamasyz ete­di. Bul rette áıelder ortasha­ esep­pen er adamǵa qaraǵanda úsh­ten­ bir bólikke az jalaqy alady. Tabys deńgeıiniń tómendigi názikjandylardyń úı satyp alý úshin qoljetimdi nesıe alýy er adamdarǵa qaraǵanda qıyn ekenin kórsetedi. Sol sebepti biz osy jo­bany qolǵa alýdy josparlap otyrmyz», dep atap ótti «Turǵyn úı qurylys jınaq banki» AQ basqarma tóraǵasynyń orynbasary Álııa Aıdarbekova.

Atalǵan baǵdarlamanyń naq­ty qaı kezde bastalatyndyǵy tý­raly aqparatty bank salymshylaryna qosymsha habarlaıtyn bolady.

 

Sońǵy jańalyqtar

Zańger kóp, kúzetshi joq

Qoǵam • Búgin, 17:49

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Uqsas jańalyqtar