Aımaqtar • 27 Jeltoqsan, 2019

О́ndirý kólemi artady

10 retkórsetildi

Batys Qazaqstan oblysyndaǵy Chınarev munaı-gaz kondensaty ken ornynda tabıǵı gazdy aýyr kómirsýteginen tazartyp, tehnıka­lyq propan, taýarly qurǵaq gaz, propan-býtan qospasy jáne qalypty gaz kondensatyn alýǵa bolatyn jańa keshen jumysyn bas­tady. «Jaıyqmunaı» kompanııasynyń sońǵy úlgidegi №3 gazdy keshendi daıyndaý qon­dyrǵysyn iske qosý rásimine Batys Qazaq­stan oblysynyń ákimi Ǵalı Esqalıev qatysty.

Bul – kenishtegi №3 gazdy keshendi daıyndaý qondyrǵysyn jetildirýdiń úshinshi kezeńi. Jańa, zamanaýı ozyq tehnologııanyń kúshimen qondyrǵy jylyna 2,7 mlrd tekshe metr gaz óndire alady. Jetildirý jobasyna 218 mlrd teńgeden artyq qarajat jumsalǵan. 

– Qazaqstanda bıznes júrgizý úshin barlyq jaǵdaı jasalǵan. Sonyń nátıjesinde «Nostrum» kompanııasy el ekonomıkasyna turaqty túrde ınvestısııa salyp keledi. №3 gazdy keshendi da­ıyndaý qondyrǵysyn jetildirýdiń úsh kezeńnen turatyn jobasy gaz shıkizatyn óńdeý kólemin eki eseden artyq kóbeıtedi. Iаǵnı, ónim óndirý jyly­na 4,2 mlrd tekshe metrge deıin jetpek. Sóı­tip, kompanııa tolyq kúshinde jumys istegen jaǵ­daıda táýligine munaıdyń 100 myń barrelden artyq ekvıvalentindeı ónim shyǵarady, – deı­di kenishtegi tehnologııalyq jańǵyrtý jumys­taryn júrgizýshi Nostrum Oil & Gas PLC kompa­nııa­sy­nyń bas atqarýshy dırektory Kaı-Ýve Kessel.

Sheteldik ınvestısııanyń otandyq ekonomıka áleýetin kóterýge qosqan oń úlesin óńir basshysy Ǵalı Esqalıev te atap ótti.

– №3 gazdy keshendi daıyndaý qondyrǵy­sy­nyń bizdiń aımaq úshin mańyzy zor. О́ıtkeni «Jaıyqmunaı» kompanııasy – óńirdegi eń iri salyq tóleýshilerdiń biri. Bul joba óndiristik qýatyna tolyq kóshken kezde salyq túsimi, munaı qory, jergilikti jáne memlekettik bıýdjet eki esege artady. Bul degenińiz óńir men memleket úshin úlken qoldaý. Qazir kompanııa munaı qoryna, memleket bıýdjetine jylyna 10-12 mlrd teńge qosyp otyr. Bul jerde 200-ge jýyq jumys orny ashyldy. Keshen qurylysynda jergilikti kompanııalardyń jumys isteýi de mańyzdy boldy. Jańa qondyrǵy elimizdiń eń úlken meıramy – Táýelsizdik kúni qarsańynda ashylýy da tegin emes. Qazaqstannyń zamanaýı damýy, álemdik básekelestikke umtylýy da osy táýelsizdiktiń nátıjesi, – dedi óz sózinde oblys ákimi Ǵalı Esqalıev.

«Jaıyqmunaı» JShS – munaı jáne gaz ken oryndaryn barlap, óndirýmen jáne munaı-gaz kondensatyn satýmen aınalysatyn kompanııa. «Jaıyqmunaı» Chınarev ken ornynda 1997 jyldan beri turaqty ónim óndirip, júıeli damyp keledi. 22 jyl ishinde kenish aýmaǵynda burǵylaý qondyrǵylary, jabyq qubyr júıesi, shıkizatty jınaý, munaıdy daıyndaý keshenderi, №1/2 gazdy keshendi daıyndaý qondyrǵylary iske qosyldy. Suıytylǵan kómirsýtegi gazynyń qoıma­lary, qysymdy birqalypty saqtaý júıesi, Beles aýylyn­daǵy termınalǵa deıin magıstraldy munaı qubyry salyndy. Taýarly gazdy magıstraldy júıege deıin jetkizetin qubyr jumys istep tur.

 

Batys Qazaqstan oblysy

 

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar