Aımaqtar • 27 Jeltoqsan, 2019

Alık Shpekbaevtyń Atyraý oblysyna jumys sapary

206 retkórsetildi

Sybaılas jemqorlyqqa qarsy is-qımyl Agenttiginiń tóraǵasy Alık Shpekbaev Atyraý oblysyna jumys sapary barysynda memlekettik qyzmetkerlermen kezdesti, dep habarlady Atyraý oblysynyń О́ńirlik kommýnıkasııalar qyzmeti.

Sybaılas jemqorlyqpen kúres qyzmetiniń basshysy kezdesý aldynda oblystyq ákimdikte ashylǵan adaldyq dúkeniniń jumysymen tanysty. Sýsyndar men azyq-túlik ónimderi qoıylǵan basqa oblystardaǵy dúkenderden aıyrmashylyǵy - sórede kitaptar men jýrnaldar bar. Dúken jumysy satyp alýshynyń adaldyǵy men ar-uıatyna negizdelgen.

Kezdesýdi ashqan Atyraý oblysynyń ákimi Mahambet Dosmuhambetov Elbasynyń, memleket basshysynyń  «Estıtin memleket» tujyrymdamasynda belgilegen mindetterin atap ótti.

-Sybaılas jemqorlyq táýekelderin azaıtýdyń tıimdi ádisteriniń biri - memlekettik organdardyń ashyqtyǵy, memlekettik qyzmet kórsetýdiń ashyq, kedergisiz iske asýy. Bul baǵytta «Sıfrly Qazaqstan» baǵdarlamasyn júzege asyrýdyń mańyzy zor. Halyqpen ózara baılanys ornatý úshin Telegram jelisinde Atyraý oblystyq ákimdiginiń chat-kanaly, Facebook, Instagram jelilerinde resmı paraqshalary ashyldy. Bul óńirdiń barlyq problemalyq máselelerin jedel sheshýde tıimdi ádis bolyp otyr. Geoaqparattyq portal jobasy da halyq pen bılik arasyndaǵy ózara baılanystyń tıimdiligin kórsetti, dedi  M. Dosmuhambetov.

Oblys ákimi sybaılas jemqorlyq táýekelderin azaıtý úshin aımaqtyń kvazımemlekettik sektorynda korporatıvtik basqarý engiziletinin atap ótti. Basty maqsat - birinshi basshylardyń keıbir qyzmetterin baqylaý keńesterine berý, alqaly sheshim qabyldaý jáne únemi esep berip otyrý. Baqylaýshylar kadr saıasaty, memlekettik satyp alýlar men qarjylyq-óndiristik máselelerdi sheshýi tıis. Bul bastama qazir densaýlyq saqtaý salasyna engizilýde, alǵa qaraı basqa da salalarǵa qoldaný josparda bar.

«Atyraý – adaldyq alańy» jobalyq keńsesiniń jetekshisi Alfııa Adıeva aımaqta atqarylyp jatqan jumystar týraly aıtty. Joba memleket pen halyq arasyndaǵy kópirge aınala otyryp, qoǵam músheleriniń sybaılas jemqorlyqpen kúres saıasatyna qatysty jumystarǵa óz pikirlerin aıtyp qana qoımaı, ony júzege asyrýǵa qatysýyna múmkindik beredi. Keńse sybaılas jemqorlyqqa qarsylyq taqyrybynda «Adaldyq aınasy», «Adaldyq kópiri», t.b 15 aksııa ótkizdi.

Memlekettik qyzmetkerlermen kezdesken sybaılas jemqorlyqqa qarsy is-qımyl qyzmetiniń basshysy Alık Shpekbaev bul máseleniń qoǵamdaǵy mańyzy zor ekenine toqtaldy. Sybaılas jemqorlyq táýekelderi ekonomıkanyń barlyq salasyna áser etedi. Onyń tamyryna balta shabý úshin quqyq qorǵaý organdary, atqarýshy bılik pen azamattyq qoǵam birlese jumys atqarýy kerek.  Open-space formatyna kóshý - memlekettik organdardyń azamattarǵa ashyqtyǵyn, qoljetimdiligin qamtamasyz etýge baǵyttalǵan qadam.

-Qazaqstanda kásibı memlekettik apparat quryldy. Muny sheteldik baqylaýshylar da moıyndady. Buǵan jetý ońaı bolmady, biraq biz qazir memlekettik qyzmetshilerdiń azamattarǵa ashyqtyǵyn senimmen aıta alamyz. Muny sizderdiń óz elderińizdiń patrıoty bola otyryp, adaldyqpen atqarǵan jumystaryńyz kórsetip otyr, dedi Alık Shpekbaev.

Agenttik basshysy memlekettik qyzmetkerlerdiń jaýapkershiligi jóninde de sóz qozǵady. Eger buzýshylyq bolsa, atqaryp otyrǵan laýazymyna qaramastan jazalanady.

-Memlekettik saıası qyzmetshilerdiń birinshi basshysynyń otstavkaǵa ketý ınstıtýtyna baılanysty zańnamalyq  aktiler qabyldandy. Bul birinshi kezekte mınıstrlerge, olardyń orynbasarlary men apparat basshylaryna qatysty. Oblystyq deńgeıde - ákimder men orynbasarlary. Bul birinshi basshy retinde maǵan da qatysty. Eger meniń orynbasarym, apparat basshysy nemese aımaqtaǵy departament basshysy buzýshylyqqa jol berse, sot sheshimi shyǵarylady jáne men de avtomatty túrde otstavkaǵa ketýim kerek. Bul Qazaqstanǵa kelgen halyqaralyq standart. Sybaılas jemqorlyqtyń aldyn alý sharalaryn qabyldamaǵan basshylardyń jeke jaýapkershiligi de bar, dedi Alık Shpekbaev. ​

Jınalystan keıin Alık Shpekbaev pen Mahambet Dosmuhambetov kásipkerler forýmyna qatysty. О́ńirlik bıznes-qaýymdastyq kásipkerler men sheneýnikterdiń arasyndaǵy ózara baılanystyń problemalyq máselelerin kóterdi. Sonyń ishinde jer ýchaskelerin berý, tarıf saıasaty, ınfraqurylym berý. Ár máseleni Agenttik tóraǵasy men oblys ákimi nazarǵa aldy.

Forým aıaqtalǵannan keıin Sybaılas jemqorlyqqa qarsy is-qımyl qyzmetiniń basshysy men oblys ákimi Qurmanǵazy atyndaǵy mádenıet saraıynda jastarmen kezdesti. «Adam bolyp keldiń ómirge» atty sybaılas jemqorlyqqa qarsylyq taqyrybynda teatrlandyrylǵan qoıylym kórsetildi. Odan keıin aımaqtaǵy eriktiler korpýsymen áńgimelesti. Kezdesýde jastardyń boıyna jemqorlyqqa qarsy mádenıet qalyptastyrýda otbasynda alǵan tárbıeniń mańyzy zor ekeni týraly aıtyldy. Adal, parasatty, tártipti, ar-uıaty bar jas adam eshqashan zań buzbaıdy jáne halqyna qyzmet etedi.

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar