Aımaqtar • 29 Jeltoqsan, 2019

Batys Qazaqstanda birneshe sıfrlyq joba iske qosyldy

14 retkórsetildi

Batys Qazaqstan oblystyq aqparattandyrý, memlekettik kórsetiletin qyzmetter jáne arhıvter basqarmasy óńirdi sıfrlandyrý boıynsha qolǵa alynǵan birneshe jobany oblys ákimi Ǵalı Esqalıevke jáne jýrnalısterge tanystyrdy.

Sýretti túsirgen Rafhat HALELOV

Polısııa departamentiniń Jedel Basqarý Ortalyǵy ǵımaratynda iske qosylǵan «112» qyzmeti shuǵyl kómekke muqtaj bolǵan oraldyqtarǵa jedel ári sapaly qyzmet kórsetýge baǵyttalǵan. Munda burynǵy «01» - órt sóndirý, «02» - polısııa, «03» - jedel dárigerlik járdem qyzmeti, sondaı-aq tótenshe jaǵdaıdaǵy qutqarý qyzmeti boıynsha qońyraýlar qabyldanady. «AQSh pen Eýropa elderiniń úlgisindegi mundaı biryńǵaı call-ortalyqtyń artyqshylyǵy óte kóp» deıdi joba avtorlary.

–Tótenshe jaǵdaılar qyzmetiniń kezekshisine túsip jatatyn qońyraýlardyń 80%-y – ádette óz mánine sáıkes kelmeıdi. Nemese zardap shegýshige polısııanyń da, dárigerdiń de, órt sóndirýshiniń de kómegi qatar kerek bolýy múmkin. Osyndaı jaǵdaıda «112» qyzmeti turǵyndardan kelip túsken shaqyrtýlardy ózi rettep otyrady. Máselen, jol-kólik oqıǵasy kezinde birneshe qyzmettiń kómegi qatar qajet bolsa, «112» qyzmetiniń operatory oqıǵa ornyna birden qajetti keshendi kómekti joldaıdy. Osylaısha ýaqyt únemdeledi, qyzmet sapasy artady. «112» qyzmetiniń taǵy bir artyqshylyǵy, munda bir mezgilde 30-40 qońyraý qabyldaý múmkindigi bar. Operatorlar arnaıy daıyndyqtan ótken, olarǵa ádistemelik keńes beretin keńesshiler de daıyndalǵan, - Batys Qazaqstan oblystyq aqparattandyrý, memlekettik kórsetiletin qyzmetter jáne arhıvter basqarmasynyń basshysy Sáken Nurtazıev.

Aıta keteıik, jyl basynan beri órt sóndirý qyzmetine 16 myńǵa jýyq qońyraý, polısııa qyzmetine – 112 myń, jedel medısınalyq kómek qyzmetine – 277 myń, TJ qyzmetine – 180 myń qońyraý túsken eken. Endi bul qońyraýlar bir ortalyqqa túsip, saraptalyp, ary qaraı tıisti qyzmet salasyna joldanatyn bolady.

«112» qyzmetinde qazir úsh operator qońyraý qabyldap otyr. Bolashaqta operatorlar sanyn 9-ǵa deıin kóbeıtý josparlanǵan. Qońyraý qabyldaýshylar alǵashqy medısınalyq kómek kórsetý, tótenshe jaǵdaılarǵa keńes berý daıyndyǵynan ótken. Tipti telefonnan ózine tóngen qaýipti jaǵdaıdy ashyp aıta almaıtyn adamǵa da tıisti suraqtar berý arqyly «ıá», «joq» degen jaýap alyp, máseleniń mán-jaıyn anyqtaý tásilderin meńgergen.

Elimizde dál osyndaı qyzmet Shyǵys Qazaqstan oblysynda jáne Nur-Sultan qalasynda qanatqaqty joba retinde engizilgen eken. Endi, mine, ol sapqa Batys Qazaqstan oblysy da qosyldy. Árıne, 3-4 aıǵa deıin ádettegideı «01», «02», «03» qyzmetteri de burynǵysha qońyraý qabyldaı beredi.

Batys Qazaqstan oblysynyń ákimi Ǵalı Esqalıev «112» call-ortalyǵynyń jumysymen tolyq tanysyp shyqqan soń, qala halqy ejelden paıdalanyp kelgen júıeden jańa júıege aýysý isi turǵyndarǵa qıyndyq týǵyzbaýyn qatań tapsyrdy.

Aq Jaıyq óńirinde sıfrlandyrý isin alǵa bastyrady delingen taǵy bir joba – «IT group» kompanııasynyń jeke IT mektebiniń ashylýy boldy. Jańa mektep oqýshylary RNR-baǵdarlamalaýǵa, android jáne IOS úshin mobıldi qosymshalardy ázirleýge, UNITY-de oıyndardy daıyndaýǵa, baǵdarlamalardyń, oıyndardyń, qosymshalar men saıttardyń dızaınyn ázirleýge qajetti bilim alatyn bolady. Munda kelgen adam «Elektrondy-esepteýish mashınalardyń operatory», «Web-programmıst (kompıýterlik)», «Web-dızaıner», «Programmıst» (kompıýterlik), «Kompıýter qurylǵylaryna qyzmet kórsetý tehnıgi» syndy mamandyq alyp shyǵady. Mektep bıylǵy qarashada tehnıkalyq jáne qyzmet kórsetýshi qyzmet mamandyqtary boıynsha kásibı daıyndaý, qaıta daıyndaý, biliktilikti arttyrý jáne biliktilik berý boıynsha «Atameken» tizilimine engizilgen. «Biz áleýmettik jaǵynan az qamtylǵan otbasylardan iriktelip alynǵan birneshe jasqa tegin bilim berýdi de josparlap otyrmyz» deıdi mektep ákimdigi.

О́ńirdegi sıfrlandyrý jumystarynyń negizgi ortalyǵy – IT HUB alańy. Munda aýyz toltyryp aıtatyn sońǵy jańalyqtyń biri - qala turǵyndaryna barlyq kommýnaldyq tólemin bir ǵana qaǵaz túbirtegi men bir ǵana onlaın shot arqyly tóleýge múmkindik beretin Biryńǵaı tólem qujaty.

Bul páter ıesiniń ýaqytyn, qarjysyn únemdeýge kómektesedi. Sonymen qatar tutynýshy óziniń jeke kabıneti arqyly biryńǵaı tólem qujatynyń elektrondy túbirtegin alyp, esepteýler men tólem tarıhyn naqtylap, www.batyser.kz saıty arqyly onlaın-tólem júrgize alady.

Al «Inva-Taksı» jobasy múmkindigi shekteýli jandardy tasymaldaý salasynda memleket kómeginiń ashyqtyǵy men móldirligin qamtamasyz etý, sonymen qatar bıýdjettik qarajatty paıdalanýdy baqylaýǵa alý jáne sybaılas jemqorlyq táýekelin azaıtý maqsatynda ázirlengen eken. Búginde Oral qalasynda «Invataksı» qyzmetin múmkindigi shekteýli 300-den astam adam qoldanady. Bul qyzmetti kórsetýge 32 avtokólik, onyń ishinde arnaıy jabdyqtalǵan 13 avtokólik tartylǵan. Jyl basynan beri telefon arqyly 16 544 shaqyrý túsken. Bul júıe qyzmet kórsetýdiń bıznes-qurylymyn tıimdi uıymdastyryp, ınvataksı marshrýttaryn onlaın baqylaýǵa múmkindik beredi. Júıeniń braýzerlik jáne mobıldik nusqalary jasalǵan.

«Elordany turaqty damytý ortalyǵy» JShS ázirlegen Big-Data (shaǵyn jáne orta bıznes modýli) platformasy jergilikti bılik organdary úshin óte qajetti, óńirdegi barlyq kásipkerlik qurylym derekterin taldap otyrýǵa arnalǵan júıe eken. Bıyl munda kásiporyndardyń derekter bazasy pılottyq rejımde iske asyryldy. Ázirge munda 12 myńnan astam kásiporyn boıynsha naqty málimet jınaqtalǵan. Platforma óńirdegi shaǵyn jáne orta bıznes qurylymdarynyń áleýetin udaıy baǵalaýǵa, kásiporyndardyń damýyna kedergi keltiretin máseleler men qıyndyqtardy zerttep, memlekettik qoldaý sharalarynyń tıimdiligin taldaýǵa taptyrmas múmkindik beredi. Bul júıe arqyly BQO kásiporyndary óz qyzmetteri men ónimderin oblys aýmaǵynan tys bolatyn memlekettik satyp alýlar sheńberine shyǵara alady.

Aq Jaıyq óńirin sıfrlandyrý boıynsha birneshe jobanyń tusaýy kesilgen shara Oral qalasyndaǵy Qazaqstan Innovasııalyq jáne telekommýnıkasııalyq júıeler ýnıversıteti men «InfoData» JShS arasynda «React mektebi» jobasy boıynsha memorandýmǵa qol qoıýmen qorytyndylandy. Bul kelisimniń maqsaty – baǵdarlamalaýǵa, baǵdarlamalyq qamsyzdandyrý ónimderin ázirleýge, marketıngileýge oqytý jáne óńirdiń IT bilim berý salasyn damytý salasynda yntymaqtastyq ornatý.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Uqsas jańalyqtar