Saıasat • 30 Jeltoqsan, 2019

Azamattardyń ótinishterine jiti nazar aýdarylady

13 retkórsetildi

О́tken juma kúni Nur-Sultan qalasynda múgedek jandardyń problemalaryna arnalǵan dóńgelek ústel ótti. Onyń jumysyna memlekettik organdardyń basshylary jáne múmkindigi shekteýli jandar uıymdarynyń ókilderi qatysty.

Dóńgelek ústel Qazaqstan Prezıdentiniń kómek­shisi Aıda Balaeva basqaratyn О́ti­nishterdi qaraýdy baqylaý bóliminiń bas­tamasymen uıymdastyryldy. Prezıdent Ákimshiliginiń Qoǵamdyq qabyldaýyna múm­kindigi shekteýli jandar tarapynan olardyń ómir súrý deńgeıin jaqsartý týraly ótinish jıi túsedi.

Azamattardy qabyldaýdyń Jalpyres­pýblıkalyq kúnin ótkizý barysynda Aıda Balaeva Eńbek jáne halyqty áleýmettik qorǵaý mınıstrliginiń ókilderine múgedek jan­darǵa áleýmettik qoldaý kórsetý másele­leri boıynsha dóńgelek ústel ótkizý jóninde tapsyrma bergen bolatyn.

Eńbek jáne halyqty áleýmettik qorǵaý mınıstrligi barlyq normatıvtik aktiler men baǵdarlamalardy taldaı kelip, qoǵam belsendileriniń talap-tilekterin eskere otyryp, Nur-Sultan, Almaty, Shymkent qalalaryndaǵy, Soltústik Qazaqstan, Qaraǵandy, Almaty, Pavlodar, Atyraý oblystaryndaǵy front-ofısindegi jáne kóshpeli qabyldaýlar kezindegi múmkindigi shekteýli jandardyń shaǵymdary men tilekterine oraı selektorlyq jıyn ótkizdi.

 Qazaqstan Prezıdenti Ákimshiligi О́tinishterdi qaraýdy baqylaý bóliminiń, Eńbek jáne halyqty áleýmettik qorǵaý mınıstrliginiń qatysýymen atalǵan salany úılestiretin qoldanystaǵy barlyq strategııalyq qujattarǵa revızııa jasaldy. 2025 jylǵa deıin múgedek jandardyń ómir sapasyn jaqsartý boıynsha Ulttyq jospar bazalyq qujat bolyp tabylady.

О́tinishterdi qaraýdy baqylaý bólimi óziniń barlyq jumys kezeńinde múgedek jandardan túsken árbir shaǵymdy muqııat qadaǵalap otyrady, sol sebepti de dóńgelek ústel ótkizýge bastamashy bolyp qana qoı­­maı, oǵan daıyndyq jumysyna jáne atal­ǵan salada memlekettik organdar ju­mysynyń tıimdiligine taldaý jasaýǵa belsene qatysty.

Ulttyq jospardy júzege asyrý boıynsha tek qana Eńbek jáne halyqty áleýmettik qorǵaý mınıstrligi emes, sonymen qatar, eń aldymen, barlyq deńgeıdegi ákim­dikter de jaýap berýi tıis. Odan bas­qa atalǵan ju­mysqa barlyq múddeli mem­le­ket­tik organdar jáne úkimettik emes uıymdar da atsalysýy kerek. Al jumystyń árbir keze­ńin baqylap jáne der kezinde oǵan túzetý en­gizilip, aza­mattardyń barlyq dabylyna nazar aýdarylýy qajet. О́tinishterdi qaraý­dy baqylaý bó­li­miniń uıǵarymy osyndaı.

Prezıdenttiń kómekshisi A.Balaeva osy baǵyt­taǵy júıeli jumysty jolǵa qoıý­dyń mańyz­dylyǵyn atap kórsetti, atap aıtqanda, vedomstvoaralyq (mınıstrlikter men ákim­dikter arasyndaǵy) bir­lesken qımyldyń tıim­diligine jáne mem­lekettik organdar men úkimettik emes uıymdar arasyndaǵy kom­mý­n­ı­kasııalyq arna­lardy jolǵa qoıýdyń qajet­tiligine basymdyq berildi.

О́tinishterdi qaraýdy baqylaý bólimi basta­mashy bolǵan dóńgelek ústel dıalogtyń ar­qa­synda áleýmettik máselelerdi júıeli deń­geıde ábden sheshýge bolatyndyǵyn kórsetti.

 

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar