Úkimet • 30 Jeltoqsan, 2019

2019 jyly Úkimet Parlament qaraýyna 32 zań jobasyn engizdi

20 retkórsetildi

Premer-Mınıstr Asqar Mamınniń tóraǵalyǵymen ótken Qazaqstan Respýblıkasy Úkimetiniń zań jobalaý jumystarynyń 2019 jylǵa arnalǵan josparynyń oryndalý barysy jáne 2020 jylǵa arnalǵan jobasy týraly Úkimet otyrysynda  ádilet mınıstri Marat Beketaev baıandama jasady. Bul týraly Premer-Mınıstrdiń baspasóz qyzmeti habarlady.

M. Beketaev atap ótkendeı, Úkimettiń zań jobalaý jumystarynyń 2019 jylǵa arnalǵan jospary bekitilgen kezde onymen 27 zań jobasyn ázirleý jáne Parlamentke engizý kózdelgen bolatyn. Alaıda, ázirleýshi organdardyń usynystary negizinde Josparǵa jyl ishinde engizilgen túzetýlerdi eskere otyryp, onymen qazirgi ýaqytta 32 zań jobasyn ázirleý kózdeledi. Olardyń barlyǵy Parlament qaraýyna engizildi.

«Onyń ishinde 3 zań jobasyna Memleket basshysy qol qoıdy, jıyrma 9 zań jobasy Parlamenttiń qaraýynda» dedi mınıstr. 

Jyl ishinde Josparǵa 10 ret túzetýler engizildi. Atalǵan túzetýlermen 4 zań jobasy engizildi, 12 zań jobasy boıynsha merzimder aýystyryldy,  bir zań jobasy ekige bólindi. 

M. Beketaevtyń aıtýynsha, zań jobasynyń tujyramdamasyn ázirleý satysynda quqyq qoldaný tájirıbesine sapasyz taldaýdy júrgizý, sondaı-aq ázirleýshi memlekettik organdardyń birinshi basshylarynyń tarapynan qajetti baqylaýdyń bolmaýy josparda belgilengen merzimderdiń buzýlýynyń negizgi sebepteri bolyp tabylady.

Sonymen qatar ázirleýshi memlekettik organdar zań jobalarynyń erejelerin maqsatty toptarmen talqylaý boıynsha tıisti jumysty júrgizbegen. Bul faktorlar 2019 jylǵa josparlanǵan zań jobalardyń merzimderiniń jartysyn aýystyrýǵa alyp keldi.

«Nátıjesinde, II  jartyjyldyqta Parlamentke 13 zań jobasy emes, 25 zań jobasy engizildi, ıaǵnı bastapqyda josparlanǵan sanynan eki ese kóp. Bul árıne, Parlament depýtattary men Prezıdent Ákimshiligi tarapynan negizdi synǵa ákeldi» dedi M. Beketaev.

Zań jobalaý máseleleri boıynsha da birneshe jınalystar ótkizildi. Atqarylǵan jumystardyń nátıjesinde Ádilet mınıstrligimen zań jobalaý qyzmetine baqylaýdy kúsheıtýge jáne zań shyǵarmashylyq jumysynyń sapasyn arttyrýǵa baǵyttylǵan birqatar sheshimderge túzetýler ázirlendi. Atalǵan túzetýler josparlanǵan zań jobanyń merzimin aýystyrǵany nemese merzimderin buzǵany úshin ázirleýshi-memlekettik organnyń jaýapty tulǵalarynyń jaýapkershiligin arttyrýdy kózdeıdi. Bul túzetýler barlyq mınıstrliktermen kelisildi. Tıisti qaýly jobasy Premer-Mınıstr Keńsesiniń qaraýynda.

Buǵan qosa, zańdardy ázirleý, olar boıynsha qoǵamdyq talqylaý jáne qabyldaý rásimderin jetildirý maqsatynda, Ádilet mınıstrligi zań shyǵarý prosesin jetildirý máseleleri boıynsha zańnamalyq túzetýler toptamasyn ázirledi. Tıisti zań jobasy Úkimet otyrysynda maquldandy jáne jaqynda Parlament qaraýyna engiziletin bolady.

«Bizdiń pikirimizshe, joǵaryda atalǵan ustanymdar Úkimettiń zań jobalaý jumystaryn sapaly josparlaýdy, sondaı-aq Úkimetke jáne Parlamentke zań jobalaryn ýaqytyly engizýge oń áser etedi» dedi mınıstr.

Sonymen qatar Marat Beketaev Úkimettiń zań jobalaý jumystarynyń 2020 jylǵa arnalǵan jospar jobasy týraly aıtty.

Ádilet mınıstrligi Zań jobalaý qyzmeti máseleleri jónindegi vedomstvoaralyq komıssııa múshelerimen birlesip Úkimettiń zań jobalaý jumystarynyń 2020 jylǵa arnalǵan jospar jobasyn ázirledi. Jospar jobasy Prezıdent tapsyrmalarynyń jáne strategııalyq qujattarda aıqyndalǵan mindetter negizinde ázirlendi.

Jospar jobasy 17 zań jobasyn ázirleýdi kózdeıdi. Ázirlenetin zań jobalary túrli salalardy odan ári damytýǵa baǵyttalǵan. Mysaly, áleýmettik qamsyzdandyrý, dene shynyqtyrý jáne sport, áskerı qyzmet jáne arnaıy memlekettik organdar qyzmetkerleri men áskerı qyzmetshilerdiń turǵyn úı qatynastary t.b.

Aldaǵy jyly «Erekshe taýarlardy baqylaý týraly», «О́simdikter álemi týraly» jáne «Ardagerler týraly» jańa jekelegen zań jobalaryn ázireý kózdelip otyr.

Jospar jobasynda Memleket basshysynyń Qazaqstan halqyna Joldaýyn, sondaı-aq Prezıdenttiń saılaýaldy baǵdarlamasyn iske asyrýǵa baǵyttalǵan birqatar zań jobalary kózdelgen. Olar -  memlekettik satyp alýlar, dene shynyqtyrý jáne sport, aýdandyq, qalalyq jáne aýyldyq deńgeıdegi bıliktiń derbestigi men jaýapkershiligin keńeıtý máseleleri boıynsha zań jobalary.

Mysaly, memlekettik satyp alýlar máseleleri boıynsha zań jobasyn ázirleý satyp alý rásimderin ońaılatý jáne ótkizý rásimderinde artyq retteýdi joıý nátıjesinde memlekettik satyp alýlardy tıimdi ótkizýge yqpal etetin bolady. Ázirlenetin zań jobaladyń eń kóbi Indýstrııa jáne ınfraqurylymdyq damý mınıstrligi men Eńbek jáne halyqty áleýmettik qorǵaý mınıstrligine tıesili, árqaısysy 3 zań jobasynan ázirleıdi.

Qarjy, ulttyq ekonomıka, syrtqy ister, mádenıet jáne sport, geologııa jáne tabıǵı resýrstar, mınıstrlikteri eki zań jobasynan ázirleıtin bolady. Qorǵanys mınıstrligi bir zań jobasyn ázirleıdi.

Mınıstr atap ótkendeı, zań jobalaryn Parlamentke usyný merzimderi birkelkilik jaǵyna qaraı qaıta qaraldy.

Osylaısha, Jospar jobasynda qarastyrylǵan 17 zań jobasynan 2020 jyldyń I jarty jyldyǵynda Parlamentke 8 zań jobasyn, al II jarty jyldyqta 9 zań jobasyn engizý kózdelgen.

Jospar jobasy barlyq memlekettik organdarmen jáne Prezıdent Ákimshiligimen kelisildi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar