Úkimet • 31 Jeltoqsan, 2019

Keler jyly 17 zań jobasy ázirlenedi

22 retkórsetildi

Keshe Premer-Mınıstr Asqar Mamınniń tóraǵalyǵymen ótken Úkimet otyrysynda zań jobalaý jumysynyń 2019 jylǵa arnalǵan josparynyń oryndalý barysy qaralyp, keler jylǵa jospary bekitildi.

Parlament qaraýyna 32 zań jobasy engizildi

Aldymen Ádilet mınıstri Marat Beketaev baıandama jasap, buǵan deıin Úkimettiń zań jobalaý jumystarynyń 2019 jylǵa arnalǵan jospary bekitilgen kezde 27 zań jobasyn ázirleý jáne Parlamentke engizý kózdelgenin aıtty. Alaıda, ázirleýshi organdardyń usynystary negizinde engizilgen túzetýlerdi eskere otyryp, 32 zań jobasyn ázirleý josparlanyp otyr. Olardyń barlyǵy Parlament qaraýyna engizildi.

− Memleket basshysy 3 zań jobasyna qol qoıdy. 29 zań jobasy Parlament qaraýynda. Jyl ishinde tıisti  josparǵa 10 ret túzetýler engizildi. Sonyń ishinde túzetilgen 4 zań jobasy engizildi. 12 zań jobasy boıynsha merzimder aýystyryldy,  bir zań jobasy eki bólimge bólindi, − dedi M.Beketaev.

Mınıstrdiń aıtýynsha, zań jobalarynyń bastapqy bekitilgen jospardan keshigip oryndalýyna birneshe faktor yqpal etken. Mysaly, zań tujyrymdamasynyń ázirleý kezeńinde taldaýdyń sapasyz júrgizilýi, sondaı-aq ázirleýshi memlekettik organdar basshylary tarapynan qajetti baqylaýdyń bolmaýy syndy máseleler týyndaǵany belgili boldy. Jospardaǵy zań jobalarynyń jartysyna jýyǵy bastapqyda bekitilgen merzimnen aýystyrylyp otyr. Ázirleýshi memlekettik organdardyń zań jobalaryndaǵy erejelerdi maqsatty toptarmen talqylaý boıynsha tıisti jumys júrgizbeýi jospardyń keshigýine keri áser etken. 

− Nátıjesinde, II  jartyjyldyqta Parlamentke 13 zań jobasy emes, 25 zań jobasy engizildi, ıaǵnı bastapqyda josparlanǵan sanynan eki ese kóp. Bul jaǵdaıdy Parlament depýtattary men Prezıdent Ákimshiligi tarapy synǵa aldy, – dedi M.Beketaev.

Mınıstr óz sózinde Zań jobalaý máseleleri boıynsha da birneshe jınalys ótkenin aıtty. Onyń aıtýynsha, Ádilet mınıstrligimen zań jobalaý qyzmetine baqylaýdy kúsheıtýge jáne shyǵarmashylyq jumystyń sapasyn arttyrýǵa baǵyttalǵan birqatar sheshimge túzetýler ázirlendi. Onda túzetiletin zańnyń merzimi aýystyrylǵan jaǵdaıda ázirleýshi-memlekettik organnyń jáne jaýapty tulǵalardyń jaýapkershiligi qatań bolmaq.

− Bul túzetýler barlyq mınıstr­likpen kelisildi. Tıisti qaýly jobasy Premer-Mınıstr Keńsesiniń qaraýynda. Buǵan qosa, zańdardy ázirleý, olar boıynsha qoǵamdyq talqylaý jáne qabyldaý rásimderin jetildirý maqsatynda, Ádilet mınıstrligi zań shyǵarý prosesin jetildirý máseleleri boıynsha zańnamalyq túzetýler toptamasyn ázirledi. Tıisti zań jobasy Úkimet otyrysynda maquldandy jáne jaqynda Parlament qaraýyna engizildi. Bizdiń pikirimizshe, joǵaryda atalǵan ustanymdar Úkimettiń zań jobalaý jumystaryn sapaly jos­parlaýdy, sondaı-aq Úkimetke jáne Parlamentke zań jobalaryn ýaqytyly engizýge oń áser etedi, − dedi mınıstr.

Sonymen qatar M.Beketaev Úkimettiń zań jobalaý jumystarynyń 2020 jylǵa arnalǵan jospar jobasy týraly aıtty.

− Ádilet mınıstrligi Zań jobalaý qyzmeti máseleleri jónindegi vedomstvoaralyq komıssııa múshelerimen birlesip Úkimettiń zań jobalaý jumystarynyń 2020 jylǵa arnalǵan jospar jobasyn ázirledi. Bul josparda 17 zań jobasy ázirlenbek. Onyń ishinde áleýmettik qamsyzdandyrý, dene shynyqtyrý jáne sport, áskerı qyzmet jáne arnaıy memlekettik organdar qyzmetkerleri men áskerı qyzmetshilerdiń turǵyn úı qatynastary t.b. salalar qamtylǵan, − dedi Ádilet mınıstri.

Belgili bolǵandaı, aldaǵy jyly «erekshe taýarlardy baqylaý týraly», «ósimdikter álemi týraly» jáne «ardagerler týraly» jekelegen jańa zań jobalaryn ázirleý kózdelip otyr.

Jospar jobasynda Memleket basshysynyń Qazaqstan halqyna Joldaýyn, sondaı-aq Prezıdenttiń saılaýaldy baǵdarlamasyn iske asyrýǵa baǵyttalǵan birqatar zań jobalary kózdelgen. Onyń ishinde memlekettik satyp alýlar, dene shynyqtyrý jáne sport, aýdandyq, qalalyq jáne aýyldyq deńgeıdegi bıliktiń derbestigi men jaýapkershiligin keńeıtý máseleleri boıynsha zań jobalary bar. Mysaly, memlekettik satyp alýlar máseleleri boıynsha zań jobasyn ázirleý satyp alý rásimderin ońaılatý jáne ótkizý rásimderin birizdilendirý nátıjesinde memlekettik satyp alýlardy tıimdi ótkizý kózdelgen. Ázirlenetin zań jobalarynyń eń kóbi Indýstrııa jáne ınfraqurylymdyq damý mınıstrligi men Eńbek jáne halyqty áleýmettik qorǵaý mınıstrligine tıesili. Ár mınıstrlik 3 zań jobasynan ázirleıtin bolady. Qarjy, Ulttyq ekonomıka, Syrtqy ister, Mádenıet jáne sport, Ekologııa, geologııa jáne tabıǵı resýrstar, mınıstrlikteri eki zań jobasynan ázirlese, Qorǵanys mınıstrligi bir zań jobasyn ázirleıdi. Osylaısha Jospar jobasynda qarastyrylǵan 17 zań jobasynan 2020 jyldyń
I jartyjyldyǵynda Parlamentke 8 zań jobasyn, al II jartyjyldyqta 9 zań jobasyn engizý kózdelgen. Jospar jobasy barlyq memlekettik organdarmen jáne Prezıdent Ákim­shiligimen kelisildi.

Tıisti tapsyrmalar júkteldi

Taqyrypty qorytyndylaý barysynda Premer-Mınıstr Asqar Mamın keler jylǵa arnalǵan jospar jobasyna ózekti jáne mańyzdy máselelerdi sheshýge, Tuńǵysh Prezıdent – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaevtyń tapsyrmalaryn oryndaýǵa baǵyttalǵan 17 zań jobasy engizilgenin atap ótti.  Úkimet basshysy óz sózinde memlekettik organdardyń birinshi basshylaryna zań jobalaý jumysyn jeke baqylaýǵa alýdy tapsyrdy.

− Josparly zań jobalaryn engizý merzimderi buzylǵan jaǵdaıda tikeleı birinshi basshylardyń jaýapkershiligi qaralatyn bolady, − dedi A.Mamın.

Úkimet basshysy kún tártibindegi máseleden ózge aldaǵy mereke kúnderi óńirlerdiń ákimderi barlyq qyzmetterdiń kezekshilik kestesin qatań saqtaýy qajet ekenin atap ótti.

− Jylýmen jáne elektrmen jab­dyqtaý turaqty bolýy kerek. Aldyn ala boljam boıynsha, qańtar aıynda aıaz kútilýde. Sondyqtan barlyq para­metrler normalarǵa sáıkes bolýy tıis. Ákimder jylytý maýsymyn jeke baqylaýda ustaýy kerek. Ener­getıka mınıstrligine jylý orta­lyq­taryndaǵy qazandyqtar men jaǵarmaı stansalardaǵy otyn qoryn baqylaýdy tapsyramyn, – dedi Úkimet basshysy. Sonymen qatar Premer-Mınıstr Ishki ister mınıstrligine kúsheı­tilgen rejimde jumys istep, azamattardyń tynyshtyǵy men qaýip­sizdigin qamtamasyz etýdi tapsyrdy.

− Jańajyldyq is-sharalar ótkizý oryndaryndaǵy órt qaýipsizdigi jáne qoǵamdyq tártip máselelerine monıtorıng júrgizý qajet. Sonymen qatar avtokólikterdiń joldaǵy qaýipsizdigi boıynsha aldyn alý sharalaryn ýaqytynda qabyldaý qajettiligin taǵy da eskertemin, – dedi A.Mamın.

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar