Medısına • 31 Jeltoqsan, 2019

Onkologııalyq ortalyq múmkindigi

20 retkórsetildi

Shetel asyp, em izdemeısiz. Jýyrda oblys ortalyǵynda ashylǵan Onkologııalyq ortalyqtaǵy kompıýterli tomografııa aǵzanyń birneshe qabatynan ótip, óte tómen sáýlemen aıqyn kórý múmkindigine ıe. Turǵyndar Koreıa, Izraıl, Germanııaǵa barmaı-aq, óńirde emdele alady. Jańa tehnologııalar tolyq sáýleli terapııanyń nátıjesin úsh kún ishinde alýǵa múmkindik beredi. Rentgen qurylǵy, ota júrgizýge qajetti radıojıilikti ablıasııa apparaty men endo-vıdeohırýrgııalyq qural-jabdyqtar ornatylǵan.

Ortalyq dırektory Murat Súleı­me­novtiń aıtýynsha, jańa orta­lyqta bir aýysymda 100 adam qabyl­daı­tyn em­hana jáne 200 oryndyq onko­lo­gııa­lyq dıspanser bar. Jalpy, Pavlodar óńi­ri qaterli isik kórsetkishi boıynsha elimizde 3-orynda. Jyl saıyn oblystyq onkodıspanserdiń birinshi rettik esebine 2300 turǵyn tirkelse, aýrýhananyń jalpy esebinde qazir 11 myń adam bar.

Aýasy óndiris oryndarynyń túti­ni­men lastanǵan óńirde qaterli isik kór­set­ki­shi joǵary. Bul jaǵdaıdy jergilikti onkologtar aýrýdy erte bastan anyqtaý kór­setkishiniń kóbeıýi nátıjesinde anyq­ta­ǵan. Jańadan ashylǵan ortalyqta endi jylyna 1,5 myńnan astam ota jasalmaq. Ortalyq qurylysyna 7 mlrd teńge, al zama­naýı qural-jabdyqtarǵa 4 mlrd teń­ge qarjy jumsalǵan.

Jylyna myńnan asa ota jasaý úshin ortalyqqa kompıýterlik tomografııa, magnıtti rezonansty tomografııa, beıne-lapros­kopııalyq sııaqty jańa zamanaýı qon­dyrǵylar ornatyldy. Qaterli isik aýrý­laryn emdeýdiń ozyq úlgileri qol­da­nysqa engizilýde. Endi bul aýrýǵa dýshar bolǵan adamdardyń ómir súrý uzaqtyǵyn arttyrýǵa múmkindik bar.

Eń bastysy, onkologııalyq ortalyq quramynda emhana, Ǵ.Sultanov atyndaǵy oblystyq aýrýhana, oftalmologııalyq bólim, dıagnostıkalyq ortalyq qyzmet kórsetedi.

– Ortalyqta 400-deı adam jumys isteıdi. Táýliktik stasıonarda naýqastar em qabyldaıdy. Buryn ota jasaǵannan keıin naýqas 12 kún aýrýhanada qalsa, endi 3-5 kún ǵana bolady. Onkologııalyq dertke shaldyǵý kúdigimen tekserilý az qam­tamasyz etilgen, kóp balaly otba­sy­larǵa, múgedekterge, keıbir zeınet­ker­lerge tegin. Turǵyndarǵa maman­dan­dyrylǵan onkologııalyq kómektiń kóle­min keńeıtip, sapasyn arttyrý, naýqastardy ońaltý úshin onkoortalyqta stasıonarlyq bólimshelerdi, jeke ope­ra­sııalyq-reanımasııalyq blok, emhana bólimshesin, radıologııalyq bólimsheniń jeke 4 korpýsyn ashý josparlanýda, –deıdi Murat Súleımenov.

Bas dárigerdiń aıtýynsha, aýrýlardyń ishinde birinshi orynda sút beziniń qater­li isigi tur. Sondaı-aq teri, ókpe, asqazan qa­­terli isigine shaldyqqandar da jıi kez­de­sýde.

Endi, mine jańa zamanaýı dıspanserde dıagnostıkalyq zertteýlerdiń sapasy da, emdeý nátıjesi de jaqsara túspek.

Mysa­ly, sáýleli dıagnostıka te­ra­­­pııa­­­­synyń dárigeri Mádına Ibraı­mo­vanyń aıtýynsha, 64 keskindi kompıý­terli tomograf aǵzanyń birneshe qa­ba­ty­nan ótip, óte tómen sáýlemen kórinisti aıqyn kóre aldy. Jańa tehnologııalar tolyq sáýleli terapııanyń nátıjesin úsh kún ishinde alýǵa múmkindik beredi.

Bul jóninde óńirge jumys saparymen kelgen Densaýlyq saqtaý mınıstri Eljan Birtanov «Bul onkologııalyq dıspanser tek jańa ǵımarat emes, jańa tehnologııalardyń shoǵyry» dep atap ótken-di.

– Mysaly, tomograf isiktiń naqty kólemin anyqtaıdy, al jelilik údetkish sol isiktiń naq ózin ǵana sáýlelendiredi. Isiktiń aınalasyndaǵy saý jasýshalarǵa zııan kelmeıdi. Birneshe kúnde oń nátı­je­sin baıqaýǵa bolady. Elimizde dál osyn­daı tórt qurylǵy bar. Zamanaýı medı­sınalyq qyzmetti Pavlodardaǵy onko­logııalyq dıspanserde de alýǵa bolady, – degen-di mınıstr.

 Tipti qaýipti dertti erte kezden anyq­­tap, der kezinde tıisti kómek kór­se­tý úshin kelesi jyldan bastap óńirdegi kásip­oryn­darda jumys isteıtin, jasy 35-ten asqan adamdardy skrınıngten ótkizý máselesi de qarastyrylýda.

 Jalpy, oblys ortalyǵyndaǵy «On­ko­­logııalyq dıspanserdiń qury­ly­sy» ınvestısııalyq jobasyn iske asyrý arqyly óńir turǵyndaryn joǵary tehnologııalyq emdeý-dıagnostıkalyq ádistemelerdi paıdalana otyryp, qazirgi zamanǵy deńgeıde mamandandyrylǵan onko­logııalyq kómek ala alady. Jańa jumys oryndary qurylyp, medı­sı­na­lyq qyzmetkerlerdiń jumys jaǵdaıy jaq­sarady. Jas dárigerler onkologtar­dy kútedi.

Jańa keshendi iske qosý «Onko­lo­gııa­­lyq aýrýlarly emdeýdiń 2018-2022 jyl­darǵa arnalǵan keshendi josparyn» oryn­daý boıynsha Jol kartasynyń is-shara­laryn iske asyrýǵa múmkindik beredi.

 

Pavlodar oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar