Sport • 31 Jeltoqsan, 2019

Almatyda oqýshylar arasynda spartakıada jeńimpazdary anyqtaldy

72 retkórsetildi

Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebinde basketboldan II Jelilik spartakıadanyń fınaldyq kezeńi aıaqtaldy. Budan buryn habarlaǵanymyzdaı, jarysqa aımaqtyq kezeńde top jarǵan  Nur-Sultan, Shymkent, Qaraǵandy, Pavlodar, Aqtóbe, Oral qalalarynan on eki zııatkerlik mektepterden  uldar jáne qyzdar quramalary qatysty.

On eki zııatkerlik mektepten kelgen 100-ge jýyq oqýshy jarysty tartysty básekeler men dostyq ahýalda ótkizdi. Uıymdastyrýshylardyń aıtýynsha, mundaı sharalar sportqa degen súıispenshilikti eselendirip, komandalyq rýh pen zııatkerlerdiń ózara yntymaqtastyǵyn nyǵaıta túsedi.

Uldar arasyndaǵy I oryndy Shymkent qalasyndaǵy hımııa-bıologııalyq baǵyttaǵy Nazarbaev Zııatkerlik mektebiniń oqýshylary ıelendi. Júldeli II jáne III oryndardy  Oraldaǵy fızıka-matematıkalyq jáne Qaraǵandydaǵy hımııa-bıologııalyq baǵyttaǵy zııatkerlik mektepterdiń sportshylary bólip aldy.

Al qyzdar arasynda ótken tartysty básekeniń jeńimpazdary bolyp Aqtóbeniń fızıka-matematıka baǵytyndaǵy Zııatkerlik mektep burymdylary tanyldy. Ekinshi oryndy Qaraǵadynyń hımııa-bıologııalyq baǵyttaǵy Zııatkerlik mektep arýlary ıemdense, úshinshi oryn Nur-Sultan qalasynyń IB mektebine buıyrdy.

«Eń aldymen, osyndaı shara uıymdastyrǵan «Nazarbaev Zııatkerlik mektepteri» Derbes bilim berý uıymyna úlken alǵysymyzdy bildiremiz. Osyndaı sharalardyń arqasynda biz basqa balalarmen tyǵyz qarym-qatynas ornatyp, jańa dostar taptyq. Jeńisimiz biz úshin óte qundy. Árıne, oǵan jetý ońaı bolǵan joq. Dese de, jeńiske degen senimdilik, jyldar boıǵy daıyndyq bizge demeý boldy. Sondaı-aq, bizge qoldaýyn aıamaǵan Aqtóbe qalasynyń hımııa-bıologııa baǵytyndaǵy Nazarbaev Zııatkerlik mektebine alǵysymyz zor!», - dep bólisti óz áserimen Aqtóbe qalasyndaǵy fızıka-matematıka baǵytyndaǵy Nazarbaev Zııatkerlik mektebi qyzdar komandasynyń múshesi Dılnaz Jalmaǵanbet.

Sondaı-aq, spartakıada barysynda jaqsy oıyn kórsetken sportshylar arnaıy nomınasııalarmen marapattaldy. «Úzdik oıynshy» atalymy elordalyq Nurasyl Jaqanov pen aqtóbelik Medına Dıýsembınaǵa berilse, qaraǵandylyq Vladıslav Nesveldın men Valerııa Sotnıkova «Úzdik ortalyq oıynshylar» bolyp tanyldy. «Úzdik shabýylshy» atalymyn shymkenttik Álı Súleımen men astanalyq Sultanqyzy Bınazır alsa, «úzdik qorǵaýshy» atalymy oraldyq Erdáýlet Ismanalıev pen shymkenttik Alına Borgýlge buıyrdy.

Jarys jeńimpazdary men júldegerlerine kýboktar, medaldar jáne arnaıy dıplomdar tabys etildi.

 

ALMATY

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar