Ekonomıka • 01 Qańtar, 2020

Bıýdjet-2020 qalaı bekitildi?

19 retkórsetildi

Byltyr jyl jabylýǵa jaqyn qalǵan tusta Prezıdent Q.Toqaev «2020-2022 jyldarǵa arnalǵan «Respýblıkalyq bıýdjet týraly» Zańǵa qol qoıdy. Jańa qujattyń jaı-japsary qalaı? Bıýdjet shyǵyndary men tabys qalaı josparlandy?

2020 jyly respýb­lı­kalyq bıýdjettiń tabysy 11,2 trln teńgeni quraıdy dep josparlanyp otyr. Onyń 7,9 trln teńgesi salyq túsimderinen, 121,1 mlrd teńgesi salyqtyq emes túsimderden, 4,4 mlrd teń­gesi negizgi kapıtaldy satýdan, 3,1 trln teńgesi transfert­terden túsýge tıis. Bıýdjet shyǵyndarynyń kólemi 12,4 trln teńgege jetip, sáıkesinshe tap­shylyq 1,5 trln teńge tóńi­reginde bolady dep bekitildi.

Bıyldan bastap respýblı­kalyq bıýdjetke iri kásip­kerlik sýbektileriniń ǵana korpo­ratıvtik tabys salyǵy túspek. Shaǵyn jáne orta bıznesten keletin korporatıvtik tabys salyǵy aımaqtyq bıýdjetterdiń enshisinde. Alaıda, Prezıdent Q.Toqaevtyń Joldaýynda aıtylǵan tapsyrmaǵa oraı shaǵyn jáne orta bıznes tabys salyǵynan bosatylǵany bel­gili. Kásipkerlikti qoldaýǵa baǵyt­talǵan bul ózgeris aımaq­tardyń bıýdjetin biraz tabys­tan aıyratyny túsinikti.

Donor oblystar respýblıka­lyq bıýdjetke 420 mlrd teńge aýdarady dep jos­par­landy. Eń mol tabys ákele­tin óńirlerdiń tiziminde buryn­ǵydaı Atyraý oblysy kósh bastap tur – 207 mlrd teńge. Odan keıingi oryndarǵa Almaty qalasy (171 mlrd), Nur-Sultan (32 mlrd), Mańǵystaý oblysy (8,2 mlrd) jaıǵasty.

Respýblıkalyq bıýdjetten aımaqtarda 36 baǵyt bo­ıynsha jumys júrgizýge 2,1 trln teńge qarastyryldy. Atap aıtqanda, Aqmola oblysyna – 144 mlrd teńge, Aqtóbege – 108 mlrd, Almaty oblysyna – 200 mlrd, Shyǵys Qazaqstanǵa – 215 mlrd, Jambylǵa – 194 mlrd, Batys Qazaqstanǵa – 74 mlrd teńge, Qaraǵandy oblysyna 142 mlrd teńge baǵyttalady.  Bul qarajattyń negizgi bóligi agroónerkásip keshenin sýb­sı­dııalaý, ataýly áleýmettik kómek tóleý, medısınalyq ny­­san­­dardy materıaldyq-teh­nı­ka­lyq jabdyqtaý, ustaz­dar men mádenıet salasy qyzmet­ker­leriniń eńbekaqysyn kóterý­ge, «Aýyl – el besigi» baǵdar­la­masy aıasyndaǵy jobalardy qar­jylandyrýǵa jáne de basqa 36 baǵytqa jumsalmaq. II Dú­nıejúzilik soǵystaǵy jeńis­tiń 75 jyldyǵyn atap ótý sharalary da osy sanatta.

«Respýblıkalyq bıýdjet týraly» Zańda eń tómengi kúnkóris mólsheri men zeınataqy bel­gilenip, aılyq eseptik kór­set­kish bekitildi. Sonymen, qa­zir­gi tańda eń tómengi zeınet­aqy kólemi – 38 636 teńge, tó­mengi bazalyq zeınetaqy mól­sheri – 16 839 teńge boldy. Eldegi eń tómengi eńbekaqy 42  500 teńgege kóterildi. Aılyq óseptik kórsetkish – 2 651 teńge.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar