– Qymbattym, Jańa jyldy qalaı qarsy alsań, jyl boıy solaı ótesiń degen sóz bar...
– Al, sonymen ne aıtpaqshysyń?
– Jańa jyl qarsańynda áne bir áýegóı konsertke bılet alsaq, jyl boıy kóńilimiz kóterińki júrer edi.
– Yrbyń-jyrbyń áýegóılerdi unatpaımyn. Odan da balyq aýlasa ǵoı shirkin!
– Jyl boıy dalada tentirep kún ótkizbekshimiz ǵoı... Kelispeımin! Al án-áýendi jaqtyrmasań, onda baletke baraıyq.
– Balyqqa barmasaq, sport saraıynda hokkeıden keremet jarys ótedi...
– Hokkeıińdi basyńa búrk... Meniń usynysym – baletten basyńdy ala qashsań, ónerdiń óresi – opera tyńdap qaıtaıyq.
– Hokkeıdi basketbolmen aýystyrdym...
– Dopty sheńberge laqtyrǵandardy kór de otyr demekpisiń!? Shydamym jetpeıdi, odan da operatta on ese qymbat.
– Basketboldy voleıbolmen almastyrsaq she?..
– Sońǵy usynysym – dramteatrda jańajyldyq qoıylym bolady eken.
– Sen jeńdiń... Dramteatrǵa tarttyq. Tek onda meniń bir usynysymdy oryndaýǵa ýáde ber.
– Kelistik! Barsaq boldy! Al ondaǵy usynysyń ne?
– Barǵannan spektakl bitkenshe men býfette otyramyn...
Berik SAǴYRBAI
Nur-Sultan
