Qurmetti otandastar!
Kele jatqan Jańa jylǵa oraı shyn júrekten shyqqan quttyqtaýymyzdy qabyl alyńyzdar!
Bul – barshaǵa qýanysh, jan jylýy men bolashaqqa degen izgi úmit syılaıtyn eń jarqyn jáne asyǵa kútetin otbasylyq merekelerdiń biri.
О́tken jyl mańyzdy jáne taǵdyrsheshti qoǵamdyq-saıası oqıǵalar jyly boldy.
Halyqtyń danalyǵy arqasynda Qazaqstan damý men jasampazdyq jolyn jalǵastyrdy. Biz kúsh-qýatymyzdyń birlikte ekenin jáne onyń pikirler alýandyǵyna, tásilderdiń ártúrliligine, jańa ıdeıalardyń baılyǵyna súıenetinin is júzinde dáleldedik.
Jańa 2020 jylda Qazaqstan halqy Assambleıasy men el Konstıtýsııasynyń 25 jyldyǵyn atap ótý mindeti tur.
Bul – azamattyq jaýapkershilik sezimi men erikti qyzmet etý arqyly bizdiń ómirimizdi jaqsarta túsýge umtyldyratyn Volonterler jyly.
Abaıdyń 175 jyldyǵy men Ábý Nasyr ál-Farabıdiń 1150 jyldyǵy Uly dalanyń rýhanı mádenıetiniń, ǵylymy men tarıhynyń jańa qyrlaryn ashady.
Keler jyly halyqtyń ál-aýqatyn arttyrý úshin biz birlesip kúsh-jiger jumsaıtyn bolamyz.
Biz buǵan halyqtyń birligi men toptasýyn saqtaı otyryp, tabyspen qol jetkize alamyz.
Qurmetti jerlester!
Jańa jylda sizderdiń ómirlerińizde qyzyqty oqıǵalar men baqytty sátter mol bolsyn!
Otbasylaryńyzda tatýlyq pen ózara túsinistik ornap, kóńil kógindegi armandar men izgi úmitter oryndalsyn!
Qolǵa alǵan isterińiz sátti bolyp, bastamalaryńyz tabys pen qýanysh ákelsin!
Qazaqstan halqy Assambleıasy
