Ekonomıka • 01 Qańtar, 2020

30 mıllıard teńgeden asa salyq qaryzy tólendi

16 retkórsetildi

Salyq raqymshylyǵy arqyly qazaqstan­dyqtar 32 mlrd teńgege jýyq salyq qary­zyn tólep, 9 mlrd teńge ósimpul esepten shyǵa­ryldy. Raqymshylyq shaǵyn jáne orta bızneske baǵyttalǵandyqtan salyq tóleýshilerdiń denin zańdy tulǵalar men jeke kásipkerler qurap otyr. Olardyń jalpy sany – 44 182.

Tólengen bereshektiń somasy 17,1 mlrd teńge, al esepten shyǵarylǵan ósimaqylar men aıyppuldar – 6,2 mlrd teńge. Negizgi boryshty bıýdjetke tóleý kezinde 2019 jyldyń basynan bastap 14, 584 mlrd teńge mólsherinde negizgi borysh somasy tólendi.

Memleket basshysynyń salyq raqymshylyǵy týraly tapsyrmasy kásipkerlikke kórsetilgen memlekettik qoldaýdyń biri, bul bızneske jumysty taza paraqtan bastaýǵa múmkindik berip otyr.

Salyq raqymshylyǵy qorytyndysyna kelsek, jalpy respýblıka boıynsha kásipkerlik sýbek­tileriniń arasynda barlyǵy 41 183 salyq tóleýshi 8,3 mlrd teńge bereshegin ótedi. Bul rette esep­ten shyǵarylǵan ósimaqylar men aıyppuldar soma­sy 2,9 mlrd teńgeni qurady. Sonymen qatar tamyz aıynan bastap raqymshylyq jasaý salyq zańna­masyndaǵy quqyq buzýshylyqtardyń aldyn aldy.

Osylaısha, salyq raqymshylyǵy arqyly 2 999 salyq tóleýshi 8,8 mlrd teńge kólemindegi bere­shekti ótep, múmkindikterin paıdalandy. Olardyń 3,4 mlrd teńge ósimpuly men aıyppuly keshirildi.

Joǵaryda atap ótkenimizdeı, raqymshylyq naýqany aıasynda shaǵyn jáne orta bıznesti kásip et­ken 44 182 adam 17, 1 mlrd teńge bereshek tólep, 6,2 mlrd teńge ósimaqy men aıyppul esepten shyǵa­ryldy.

Aımaqtarǵa bólip qarastyrar bolsaq, salyq ra­qym­shylyǵyn belsendi paıdalanǵan kásipker­lerdiń tizimi kelesideı 6 513 shaǵyn jáne orta bız­nes sýbektisi Almaty qalasyna tıesili. 5 196 salyq tóleýshi bar Túrkistan oblysy ekinshi orynda tur. Sál qalys qalǵan Almaty ob­lysy (5 054 salyq tóleýshi) úshtikti túıindedi. El­ordada raqym­shylyqtyń ıgiligin paıdalan­ǵandardyń sany – 3 729 adam. Sondaı-aq ósimaqylar men aıyp­puldardyń eń kóp somasy Almatyda tirkelgen, bul shamamen 1,1 mlrd teńge. Budan keıin Aqtóbe oblysy, Nur-Sultan qalasy jáne Qostanaı oblysy jaıǵasqan.

Memlekettik kirister komıtetiniń bastamasymen Nur-Sultan, Almaty, О́skemen, Shymkent jáne Atyraý qalalarynda salyq tóleýshilerge semınarlar ótkizilip, salaǵa qatysty problemalar men usynystar aıtyldy.

Esterińizge sala keteıik, aǵymdaǵy jyldyń sońyna deıin salyq boıynsha bereshekterdi tóleý qajet. Salyq tóleýshiler salyq boıynsha bereshektiń bar-joǵyn kelesi silteme boıynsha bile alady: http://kgd.gov.kz/ru/app/culs-taxarrear-search-web.

Joǵarydaǵy statıstıkadan ańǵarǵanymyzdaı, raqymshylyqtyń ıgiligin kórgen el azamattarynyń sany az emes. Ony elimizdiń isker ortasy da qup kórip otyr. Eń bastysy, bul jumys osymen támamdalyp qalmasa ıgi.

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar