Qoǵam • 01 Qańtar, 2020

«Qordaı» beketi ýaqytsha jabylady

152 retkórsetildi

Ulttyq qaýipsizdik komıtetiniń Shekara qyzmeti kúrdeli jóndeý jumystarynyń júrýine baılanysty 20 qańtardan bastap «Qordaı» shekaralyq ótkizý beketin ýaqytsha jabýdy josparlap otyr. Bul maqsatqa qajetti qarjy da bólinip, tıisti merdiger kompanııa jumystardy 2020 jyldyń sońyna deıin aıaqtaýdy josparlaýda. Atalǵan máselege oraı, Jambyl oblysynyń Qordaı aýdanynda Qazaqstan Respýblıkasy men Qyrǵyz Respýblıkasynyń Parlament depýtattary jáne tıisti sala basshylary kezdesti.

Parlament Májilisi Tóraǵa­sy­nyń orynbasary Vladımır Bojko, Májilis depýtattary Serik Qusaıynov, Shaımardan Nu­rymov, Iýrıı Tımoshenko, Ult­tyq qaýipsizdik komıteti tó­raǵasynyń birinshi orynba­sa­ry-Shekara qyzmetiniń dı­rek­­tory, general-maıor Darhan Dilmanov, Indýstrııa jáne ınfraqurylymdyq damý mınıs­trligi Avtomobıl jolda­ry komıtetiniń tóraǵasy Saıranbek Barmaqov, Qarjy mınıs­tr­li­gi Memlekettik kirister ko­mı­te­ti­niń ókilderi Qordaı aýdanynda bolyp, birqatar mańyzdy kez­de­­­sýge qatysty. Olar áýeli Jambyl oblysy ákiminiń orynbasary Nurjan Kalenderov pen Qordaı aýdanynyń ákimi Bo­latbek Baıtólemen birge «Sortóbe» beketinde boldy. Munda shekarashylar ke­lý­shi­ler­ge pýnkttiń qazirgi áleýeti men ju­mysy jaıynda málimet berdi. Bul rette aýdan ákimi Bolatbek Baıtóle «Qordaı» ótkizý be­ke­ti­niń kúrdeli jóndeýge jabyl­ýyna baılanysty ózge beketterge qosymsha kúsh túsetinin eske­rip, aýdan ákimdigi tarapy­nan birqatar jaǵdaıdyń ja­sal­ǵa­nyn aıtty. Sonymen qatar adam­dardy ózge pýnktterge tasy­mal­daý maqsatynda arnaıy kó­lik­ter uıymdastyrylǵanyn da málimdedi. Budan keıin laýazymdy tulǵalar aýdannyń «Aýqatty» jáne «Qarasý» ótki­zý pýnktterine baryp, sodan soń «Qordaı» ótkizý be­ke­tin­de Qyrǵyz Respýblıkasy Par­lamenti Jogorký Keneshiniń de­pýt­a­ttarymen kezdesti. Kezde­sý­­ge kórshi memleket tarapynan Qyrǵyz Respýblıkasy Par­lamenti Jogorký Keneshi tóra­ǵa­synyń orynbasary Mırlan Bakırov, Jogorký Kenesh depýtattary Almazbek Ergeshov, Gúlshat Asylbaeva, Abdyvahap Nýrbaev, Qyrǵyz Respýblıkasy Memlekettik shekara qyzmeti tóraǵasynyń birinshi orynbasary Abdykerım Alımbaev, Qyrǵyz Respýblıkasy Syrtqy ister mınıstriniń birinshi oryn­basary Nýran Nııazalıev jáne Qyrǵyz Respýblıkasy Eko­no­mı­ka mınıstriniń orynbasary Avtandıl Alybaev keldi.

Ekijaqty kezdesý barysyn­da depýtattar «Qordaı» ótkizý pýnkti jóndeý jumysyna ja­byl­­ǵanǵa deıin kórshi Qyr­ǵyz elimen aradaǵy negizgi she­karalyq baqylaý-ótkizý beket­te­rin jónge keltirý jaıyn áń­gi­­me­ledi. Sonymen qatar eki el depýtattarynyń arasynda «Sor­tóbe» jáne «Aýqatty» avto­mobıl ótkizý pýnktterin kóp­jaqty halyqaralyqqa aýys­ty­rý týraly másele kóterilip, aldaǵy ýaqytta barlyq tranzıt­ti­k jol kólikteri atalǵan eki beket arqyly ótetindigi jóninde aıtyldy. Kezdesýde sondaı-aq, «Qarasý», «Sortóbe» jáne «Aýqatty» baqylaý be­ket­te­rin­de­gi shekara arqyly ótý­shi­ler­ge arnalǵan baqylaý kabınalaryn kóbeıtý, qazaq pen qyrǵyz arasyndaǵy shekara syzyǵynda ornalasqan kópirdi qaıta jón­deý­den ótkizý, ony keńeıtý sııaq­ty ózekti máseleler de kó­te­­rildi. О́z sózinde Vladımır Bojko ekijaqty kezdesýdiń asa mańyzdy ekenin atap ótip, Qa­zaqstan boıynsha eń iri she­ka­ral­yq ótkizý pýnktiniń birinen sana­latyn «Qordaı» baqylaý beketiniń kúrdeli jóndeýge jabylýy eń áýeli eki el halqynyń yńǵaılylyǵy úshin jasalyp otyrǵan qadam ekenin aıtty. Al Darhan Dilmanov búgingi tańdaǵy daıyndyq jumystary týraly aıta kele, Qordaı aýda­nyn­da ornalasqan ózge de ótkizý pýnktteriniń halyq pen kólik nópirine tótep ber­ýi úshin qolǵa alynýy tıis bir­qa­tar usynystaryn jetkizdi. Bul rette qyrǵyzstandyq tarap Qazaqstan Res­pýblıkasynyń Prezıdenti Qasym-Jomart Toqaevtyń Qyrǵyz Respýblıkasyna ju­mys sa­pary barysynda bir­qatar ózekti máselelerdiń she­shilgenin aıtyp, búginde she­ka­ralyq máseleler boıynsha eki eldiń jasaǵan keli­sim­de­ri aıasynda jemisti eńbek etip kele jatqandaryna toq­taldy. Sonymen qatar Qyr­ǵyz Respýblıkasynyń ókil­de­ri ózderiniń de birqatar usy­nystaryn jetkizip, ortaq másele­ler­di birlesip sheshýge daıyn eken­dikterin bildirdi. Jıyn barysyn­da eki el depýtat­ta­rynyń usynystary hattamaǵa engi­zilip, Úkimetke joldanatyn boldy.

 

Jambyl oblysy

 

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar