Aımaqtar • 02 Qańtar, 2020

Shymkentte «City» qonaq úı kesheni óz jumysyn bastady

61 retkórsetildi

Elimizdiń úshinshi megapolısinde «City» qonaq úı kesheni qaıta jóndeýden soń óz jumysyn bastady. Bul týraly Shymkent qalasy ákimdiginiń baspasóz qyzmeti habarlady.

1970 jyldary «Iýjnyı» qonaq úıi bolǵan ǵımarat qaıta jóndelip, jańa sáýlettik kelbetpen qaıta quryldy. Bul Shymkent qalasyndaǵy bir ýaqytta 400 qonaqqa qyzmet kórsete alatyn jalǵyz qonaq úı kesheni sanalady.

Ǵımaratty arnaıy aralaǵan Shymkent qalasynyń ákimi Erlan Aıtahanov týrıstik nysan halyqqa yńǵaıly, ári qoljetimdi bolatynyna senim bildirdi.

«2200 jyldyq tarıhy bar Shymkent qalasynyń ishki jáne halyqaralyq týrızmdi damytýǵa múmkinshilikteri jetedi. Oǵan jylyna 300 shýaqty kúnniń bolýy, tabıǵı-klımattyq aımaqtardyń alýan túrliligi, qalamyzdyń «Uly Jibek joly» boıynda ornalasýyn aıtýǵa bolady. Osyndaı qonaqjaı nysandar «Shymkent – TMD elderiniń mádenı astanasy» qarsańynda ashylyp otyrǵany óte oryndy. Keler jyly qalaǵa 200 myńnan asa týrıst keledi dep kútilýde. Sáıkesinshe, kelýshilerge sapaly qyzmet kórsetetin týrıstik ındýstrııa obektileri qalaǵa óte qajet» dedi shahar basshysy.

Keshen barlyq zamanaýı talaptarǵa saı jabdyqtalǵan. Mundaǵy barlyq kilemder - men tósenishter shymkenttik «Bal tekstıl» jáne «Nazar tekstıl» fabrıkalarynyń ónimderi. Munda qonaq úı, hostel men saýda galereıasy ornalasqan.

Qonaq úıdiń ınfraqurylymyna ár túrli sanattaǵy kreatıvti jáne fýnksıonaldy 83 nómir, meıramhana, 2 konferens zaly jáne qazirgi zamanǵy quraldarmen jabdyqtalǵan kelissóz bólmesi kiredi.

Hosteldegi 41 bólmede 206 oryn, kafeterıı, konferens zalv, oıyn bólmesi men demalys oryndary bar. Klassıkalyq hostelderden aıyrmashylyǵy - ár nómir jýynatyn bólmemen qamtylǵan. Saýda galereıasynyń aýmaǵy 3500m2 qamtıdy, munda qazaqstandyq jáne sheteldik óndirýshilerdiń brendteri ornatylǵan.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar