Qazaqstan • 04 Qańtar, 2020

Qonaev mýzeıinde «Uly adamnyń máńgilik mahabbaty» kórmesi ótip jatyr

471 retkórsetildi

Dinmuhamed Qonaev sııaqty uly tulǵanyń ómirlik jary, senimdi serigi Zýhra Sháripqyzynyń týǵanyna bıyl 101 jyl tolady. Mýzeı mamandarynyń aıtýynsha, Zýhra apamyz kópshilik arasynda óziniń kishipeıildiligi, qarapaıymdylyǵy men qonaqjaıly minezimen syıly boldy. Dinmuhamed Qonaev pen Zýhra Sháripqyzy jarty ǵasyrdaı ýaqyt boıy dám-tuzy jarasyp, ómirdiń eń baqytty kúnderin birge ótkizgen. Dımash atamyz bul jaıly óziniń estelikterinde «Men jarymmen 50 jyl 6 aı 2 kún birge ómir súrdim» dep jazyp qaldyrǵan.

Osy aıtýly mereıtoı aıasynda D.A. Qonaev mýzeıinde «Uly adamnyń máńgilik mahabbaty» atty kórme ótkizilýde. Kórmege kelýshiler Zýhra Sháripqyzy men Dinmuhamed Qonaevtyń jeke fotosýretterimen tanysyp qana qoımaı, Zýhra Sháripqyzynyń 100 jyldyǵyna D.A.Qonaev mýzeıi arnaıy túsirgen «Vospomınanııa o Zýhre Sharıpovne» fılmin de tamashalaı alady.

Mýzeı tarıhyna toqtalyp ótetin bolsaq, D.A.Qonaevtyń memorıaldyq páter-mýzeıi jádigerleriniń qundylyǵymen erekshelenedi. Munda D.A. Qonaevtyń jekelegen zattary, tehnıkalyq, anyqtamalyq jáne kórkem ádebıetter, óner jóninde albomdar, avtorlardyń jekeleı qoltańbasy jazylǵan kitaptary, jıhazdar, turmystyq zattar, mereıtoılaryna arnalǵan kóptegen syılyq pen eksponattar, basqa da ár alýan zattar bar. Bulardyń bári uzaq jyldar boıy muqııat saqtalǵan jáne Dinmuhamed Ahmetuly Qonaevtyń nemere inisi Dıar Asqaruly Qonaev murajaıǵa tabys etken.

D.A. Qonaev murajaıy eki ekspozısııalyq zaldan turady. Birinshi ekspozısııalyq zal D.A.Qonaevtyń «Balalyq shaǵy men stýdenttik kezderi jáne eńbek jolynyń bastalýy», ekinshi ekspozısııalyq zal «D.A.Qonaev saıası jáne qoǵam qaıratkeri» taqyrybyn qamtıdy. Murajaı qorynda 3 myńǵa jýyq jádiger jınaqtalǵan.

a

 

ALMATY

Sońǵy jańalyqtar

"Jymııasyń sen nege?!"

Búgin, 01:53

Tálkekke túsken taǵdyr

Ádebıet • Keshe

Qubylys

Rýhanııat • Keshe

Karantınde konsert kórýge bolady

Rýhanııat • Keshe

Atymtaı jomarttar az emes

Qazaqstan • Keshe

Uqsas jańalyqtar