Aımaqtar • 05 Qańtar, 2020

Aýǵan soǵysynyń alýan sıpaty

28 retkórsetildi

Qoǵamda Aýǵan soǵysyna, sol qandy qasapqa «In­ter­nasıonaldyq borysh» degen jeleýmen jónel­til­gen jaýyngerlerge degen kózqaras ýaqyt ótken saıyn qubyla túsip, kúr­delenip keledi. Bir tarap bul qantógisti sol kez­degi ortaq Otannyń al­dyn­daǵy qasıetti borysh­ty óteý dep tanysa, báz­bi­reý­ler muny beıbit jat­qan musylman eline ja­sal­ǵan basqynshylyq degen birjaqty baǵa be­redi. Qa­laı degenmen, tarıh­ta «Aýǵan soǵysy» degen atpen qalǵan bul qan­dy oqı­ǵanyń shyndyǵy eg­jeı-tegjeıli aıtylýy tıis jáne ol aıtyla beredi de...

Osy aıtylǵannyń jarqyn kórinisindeı, taıaýda kenshiler astanasyndaǵy oblystyq tarı­hı-ólketaný murajaıynda Keńes áskerleriniń Aýǵanstan je­­ri­ne enýine 40 jyl jáne shy­ǵa­­ryl­ǵanyna 30 jyl tolýyna arnal­ǵan kórme uıymdas­tyryldy.

«Ardager» aýǵan soǵysy ar­da­­gerleri men múgedekteriniń oda­ǵy» qoǵamdyq birlestiginiń tóraǵasy Talǵat Ha­­senov kórmege qoıylǵan júzge tarta jádigerdi eki aıǵa jýyq ýa­qyt jınaǵandaryn aıtady. Só­re­ge qoıylǵan eksponattar ara­­synda áskerı kıim-keshek, jaryl­ǵysh zattar, oq-dári sııaq­ty jádigerler, tipti parashıýtke deıin qoıylǵan.

– Bul eksponattardyń bári shynaıy, jaýyngerler qol­danǵan zattar. Osynyń bárin biz búgingi jastar men bolashaq urpaq óz batyrlaryn bilip júrýi jáne umytpaýy úshin oblystyq murajaıǵa tabystadyq, – deıdi T.Hasenov.

Kórme sórelerindegi Aýǵan soǵysynyń alýan sıpatynan syr shertetin jádigerlerdi qaladaǵy T.Bıgeldınov atyndaǵy «Jas Ulan» mektebiniń tárbıele­ný­shileri, stýdentter men mektep oqý­shylary qyzyǵa tamashalady.

Atalǵan murajaı dırektory Erjan Nurmaǵanbetovtiń aı­týynsha, ataýly datalar qar­­sańynda mýzeı qyzmet­kerleri ǵylymı-zertteý jumystaryn júr­­gizgen. Sonyń nátıjesinde kór­me qory Aýǵan soǵysyna qa­tys­ty fotomaterıaldarmen, sırek kez­desetin qujattarmen jáne qundy eksponattarmen tolyǵa túsipti.

– Búginde kóptegen adam «Bul – bizdiń soǵys emes» de­gen­di jıi aıta bastady. Biraq ol soǵysta jigitter ózderiniń ın­ternasıonaldyq bory­shyn ótedi ǵoı. Olar óz jas­tyǵyn tárk etti, bireý ómirin qıdy, olardyń kóbi qazir bizdiń batyrlarymyz. Muny esten shyǵarmaýymyz kerek, – deıdi murajaı dırektory.

Ekspozısııa barysynda qara­ǵandylyq fotosýretshi já­ne rejısser Dáýlet Ábdi­rah­manov­tyń «Qyzyl iz» atty fo­toalbomynyń tanys­ty­ry­lymy ótti. Sondaı-aq aýǵan jerinde oqqa ushqan ja­ýyn­gerlerdiń analaryna me­reı­toılyq medaldar tabys etildi.

Jalpy, Qaraǵandy obly­synan úsh myń jaýynger Aýǵan­standa óz­deriniń ınter­na­sıonaldyq boryshyn ótegen. Olar­dyń 81-i jat jerde qaza tapsa, ekeýi iz-túzsiz jo­ǵa­lyp ke­tipti. Qazirgi tańda oblys­ta 1502 ardager bar, onyń 690-y Qaraǵandy qalasynda tura­dy.

 

QARAǴANDY

 

Sońǵy jańalyqtar

Bul – jańa ekonomıkalyq baǵyt

Qoǵam • Búgin, 07:12

Ýhandaǵy 61 stýdent elge qaıtady

Qoǵam • Búgin, 07:04

Traktormen kelgen feldsher

Aımaqtar • Búgin, 07:00

Tolǵaq qyssa, qarly boranǵa qaraı ma?!.

Aımaqtar • Búgin, 06:55

Sabaq toqtady, joldar jabyldy

Aımaqtar • Búgin, 06:53

Qar qalyń, qaýip kóp

Aımaqtar • Búgin, 06:51

Yrǵyn qar yryq berer emes

Aımaqtar • Búgin, 06:50

143 jolaýshy qutqaryldy

Aımaqtar • Búgin, 06:47

Máselelerdi birigip talqylady

Qoǵam • Búgin, 06:45

Jyraqtaǵy juldyzdar

Qoǵam • Búgin, 06:43

qolań kúńkili

Rýhanııat • Búgin, 06:41

Ázİl-ospaq, syn-syqaq

Qoǵam • Búgin, 06:39

Tońazytqyshtyń topalańy

Rýhanııat • Búgin, 06:38

Qojanasyr hıkaıalary

Rýhanııat • Búgin, 06:35

Shaıtannyń kókesi

Rýhanııat • Búgin, 06:34

Shyǵystaný ǵylymynyń jańa jetistigi

Rýhanııat • Búgin, 06:31

Tarbaǵataıda dárilik shópter kóp

Qoǵam • Búgin, 06:29

Elektiń sory – alty valentti hrom

Qoǵam • Búgin, 06:27

Taksı jáne toıymsyzdyq

Qoǵam • Búgin, 06:14

Hakim tutynǵan jádigerler

Abaı • Búgin, 06:10

Balabaqsha bos tur

Qoǵam • Búgin, 06:00

AÁK: jańa tártip tıimdi me?

Medısına • Búgin, 05:56

Árbir tapsyrma oryndalýymen qundy

Úkimet • Búgin, 05:54

Uqsas jańalyqtar