Parlament • 05 Qańtar, 2020

Aımaqtarda Májilis depýtattarynyń saılaýshylarmen kezdesýleri bastaldy

33 retkórsetildi

Sapar barysynda depýtattar Memleket basshysy Qasym-Jomart Toqaevtyń Joldaýyn iske asyrýdaǵy basym baǵyttary týraly baıandaıdy. Bul týraly Parlament Májilisiniń baspasóz qyzmeti habarlady.

Depýtattar áleýmettik qamsyzdandyrý máselelerine, atap aıtqanda, ataýly áleýmettik kómekti taǵaıyndaýdyń jańa formatyna, mindetti áleýmettik medısınalyq saqtandyrýdy engizýge basa nazar aýdarady. Sondaı-aq Májilistiń zańnamalyq jumystary týraly habardar etedi.  Aımaqtardaǵy jumysy aıasynda Májilis depýtattary óndiristik jáne áleýmettik nysandarǵa baryp, kásiporyndardyń, densaýlyq saqtaý, bilim berý mekemeleriniń eńbek ujymdarymen kezdesedi.

Sonymen qatar halyq qalaýlylary jeke máseleleri boıynsha azamattardy qabyldaý ótkizedi. Depýtattar tek oblys jáne aýdan ortalyqtaryna ǵana emes, shalǵaıdaǵy eldi mekenderge de barady. Jeksenbi, 5 qańtarda Pavlodar oblysynda Májilis depýtattary Aızada Qurmanova, Aıgúl Nurkına jáne Aleksandr Sýslov Tereńkól aýdanyndaǵy Peschanoe aýylynyń turǵyndarymen kezdesedi, al depýtattar Nurlan Áshimbetov pen Meıram Pshembaev «Abaı» JShS óndiristik sehynyń ujymymen kezdesedi.

Osy kúni Nur-Sultan qalasynda Májilistiń Áleýmettik-mádenı damý komıtetiniń Tóraıymy Gúlshara Ábdiqalyqova men Mıhaıl Chırkovtyń «Jastar» teatrynyń ujymymen kezdesýleri josparlanǵan. Májilistiń Qarjy jáne bıýdjet komıtetiniń Tóraıymy Gúljan Qaraqusova men Tatıana Iаkovleva «Endohırýrgııa klınıkasy» elordalyq bastaýysh partııa uıymynyń ókilderimen kezdesedi.

Al depýtattar Svetlana Bychkova men Qanat Mýsın Oqýshylar saraıynyń ujymy jáne Sapar Ahmetov, Pavel Kazansev, Jámılá Nurmanbetova «Astana-Teplotranzıt» AQ eńbek ujymynyń tynys-tirshiligimen tanysady. Májilis depýtattarynyń aımaqtarǵa sapary 14 qańtarǵa deıin jalǵasady.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar