Qujattardy qabyldaý Almaty, Baıqońyr, Esil, Saryarqa aýdandarynyń ákimdikterinde, Halyqty Jumyspen qamtý ortalyǵynda, «Januıa» otbasyn ınstıtýtyn qoldaý ortalyǵynda iske asady.
Sapaly kózqarasty qamtamasyz etý maqsatynda azamattardy qabyldaý alfavıttik tártipte ótýde. Sondaı-aq, ataýly áleýmettik kómek ótinish berilgen aıynan bastap, ótinish berilgen kúnine qaramastan taǵaıyndalatyndyǵyn atap ótken jón. Iаǵnı, ótinish 20 qańtarda nemese aıdyń sońǵy kúninde tapsyrylsa, onda tólem tolyq aı boıy tólenedi.
Qujat tapsyrýshy azamattar ótinish, sáıkestendirý úshin jeke kýálikti usyný qajet. Sondaı-aq AÁK-ti taǵaıyndaý úshin turǵylyqty jerińizde turaqty nemese keminde 6 aı ýaqytsha tirkeý bolý kerek.
Esterińizge salsaq, ataýly áleýmettik kómektiń mólsheri burynǵydaı otbasynyń jan basyna shaqqandaǵy ortasha kirisi men otbasynyń ár múshesi úshin kúnkóris deńgeıiniń (KD) 70% arasyndaǵy aıyrmashylyqty quraıdy (2020 jyldyń 1-shi toqsanyna KD – 34 654 teńge, kedeılik shegi – 22 258 teńge).
