Qoǵam • 05 Qańtar, 2020

2020 jylǵy qańtarda kópbalaly otbasylarǵa 17 mıllıard teńgeden astam qarajat tólenedi

70 retkórsetildi

Tórt jáne odan kóp birge turatyn kámeletke tolmaǵan balalary bar kópbalaly otbasylarǵa memlekettik járdemaqy tóleýge 2020 jylǵy qańtarda 17,7 mlrd teńge kózdelgen. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Zeınetaqy men járdemaqylardy qarjylandyrýdy ekinshi deńgeıdegi bankterde birkelki bólý úshin aqsha qarajatyn aýdarý kezeń-kezeńimen júzege asyrylatyn bolady.

2020 jylǵy 5 qańtarda Qazaqstan Respýblıkasy Eńbek jáne halyqty áleýmettik qorǵaý mınıstrligi «Azamattarǵa arnalǵan úkimet» memlekettik korporasııasy» KEAQ-ǵa 12,5 mlrd teńge. 5-8 qańtar aralyǵynda «Azamattarǵa arnalǵan úkimet» memlekettik korporasııasy» KEAQ kestege sáıkes aqshany alýshylardyń shottaryna aýdarady.

Qalǵan 5,2 mlrd teńge «Azamattarǵa arnalǵan úkimet» memlekettik korporasııasy» KEAQ-ǵa taıaý kúnderi jiberiledi.

Esterińizge sala keteıik, 2020 jylǵy 1 qańtardan bastap 4 jáne odan da kóp kámeletke tolmaǵan balalary bar nemese 23 jasqa deıingi kúndizgi oqý bóliminde oqıtyn stýdentteri bar otbasylarǵa jańa memlekettik járdemaqy engizildi.  Atalǵan memlekettik járdemaqy otbasynyń tabysyna qaramastan saralanǵan mólsherde: 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 jáne odan da kóp balaǵa – 74 388 teńge tólenedi.

Jalpy alǵanda, 2020 jyly kópbalaly otbasylarǵa memlekettik járdemaqy tóleýge 177,6 mlrd teńge kózdelgen. Bul járdemaqyny 346,8 myń otbasy alatyn bolady.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar