Aımaqtar • 05 Qańtar, 2020

Almaty oblysynda 9 aıda 40 memlekettik qyzmetshi tártiptik jazaǵa tartylǵan

46 retkórsetildi

Bas prokýratýraǵa qarasty Quqyqtyq statıstıka jáne arnaıy esepke alý komıteti Almaty oblysy boıynsha basqarmasynyń derekteri boıynsha, ótken jyldyń 9 aıynda turǵyndarǵa tıisinshe qyzmet kórsetý erejesin buzǵan 24 ákimdik mamanyna qatysty quqyqtyq hattama toltyrylǵan. Al 40 memlekettik qyzmetshi tártiptik jaýapkershilikke tartylǵan eken.

Turǵyndardyń memlekettik qyzmet alýǵa qatysty quqyǵy baspana kezegi men jer telimine qatysty jıi buzylyp otyr. О́tken jyl ishinde oblys turǵyndarynan arnaýly qyzmet alýǵa qatysty 70 myńnan astam ótinish tússe, onyń ishinen 174 ótinishtiń qaralý merzimi men oryndalýyna qatysty sheshim shyǵarylýy qasaqana shegerilip, ýaqytyn sozý deregi anyqtalypty.

Jalpy, 2019 jyly Almaty oblysyndaǵy memlekettik qyzmetshiler tarapynan zań buzýshylyq jıi oryn alǵanyn Sybaılas jemqorlyqqa qarsy kúres agenttiginiń Almaty oblysy boıynsha departamentiniń ókilderi de  málimdeýde. Naqty aıtqanda, byltyr Almaty oblysynyń sybaılas jemqorlyqpen kúres qyzmeti 141 qylmysqa qatysy bar derek tirkegen eken. Onyń ishinde 101 is jemqorlyqqa qatysty qozǵalǵan. Iаǵnı, sybaılas jemqorlyqqa qatysty kúdikke iliný deregi barlyq qylmystyq isterdiń 71,6 prosentin qurap otyr. Atap aıtqanda, jyl basynan beri 81 para alý oqıǵasy áshkerelenip, qyzmet babyn asyra paıdalanýdyń 11 deregi anyqtalǵan. Nátıjesinde jekelegen tulǵaǵa qatysty 63 qylmystyq is ashylyp, 43 adam sottalǵan. Jaýapqa tartylǵan qyzmetkerler arasynda 6 oblystyq deńgeıdegi basshy, 5 orta sanattaǵy laýazymdy tulǵa bar. Búginge deıin 87 is sotqa jiberilipti.

Sondaı-aq sheneýnikter tarapynan shaǵyn jáne orta bıznes nysandaryna qysym jasaý azaımaı otyrǵan kórinedi. Dál osyndaı mazmundaǵy 17 shaǵym qabyldanyp, 13 laýazym ıesi jaýapkershilikke tartylǵan. 35 kásipkerdiń quqy qorǵaldy.

Aıtpaqshy, oblystaǵy sybaılas jemqorlyq derekteri jıi baıqalatyn qyzmetterdiń kóshin ákimdik qyzmetkerleri bastap turǵany ókinishti. О́tken jyldyń 11 aıynda sheneýnikterdiń para alýyna qatysty 26 oqıǵa anyqtalǵan. Jer qatynastary bóliminiń qyzmetkerleri de ákimdik ókilderinen qalyspapty, olarǵa qatysty 2019 jyldyń jeltoqsan aıyna deıin 12 derek tirkelgen. Byltyr ishki ister organdary men qurylys salasynda da para alýdyń ondaǵan mysaly baıqalsa, áleýmettik qorǵaý qyzmetiniń 8 ókili jemqorlyqqa qatysty aıyptalǵan eken.

Sońǵy jańalyqtar

200 teńgelik moneta aınalymǵa shyqty

Qazaqstan • Búgin, 10:39

Qorjynymyz bos qaıtty

Qysqy sport • Búgin, 06:56

Para júzýshiler 43 medal oljalady

Sport • Búgin, 06:54

Boksshylar Ammanda irikteledi

Kásipqoı boks • Búgin, 06:53

Naqyl sózderge toly aǵash

Aımaqtar • Búgin, 06:47

Hakim taǵylymy hám ulttyq kod

Abaı • Búgin, 06:43

Kemel oılardyń kemeńgeri

Abaı • Búgin, 06:41

Maǵaýın mıfi

Rýhanııat • Búgin, 06:35

Mańyzdy mindetterge basymdyq beriledi

Saıasat • Búgin, 06:35

Múddeler toǵysy

Álem • Búgin, 06:32

Aýǵanstanda ushaq qulady

Álem • Búgin, 06:30

MÁMS: atqaryldy kóp is

Medısına • Búgin, 06:22

Kóshe boıyndaǵy mádenıet

Qoǵam • Búgin, 06:06

Sary nómir beriletin boldy

Qoǵam • Búgin, 06:05

Qańtardaǵy qarly qursaý

Qoǵam • Búgin, 06:03

Altyn Pragada – Abaı ortalyǵy

Abaı • Búgin, 06:00

О́zara senimge negizdelgen yntymaqtastyq

Prezıdent • Búgin, 05:51

«Barystyń» qarqyny qatty

Hokkeı • Keshe

Uqsas jańalyqtar