Qoǵam • 05 Qańtar, 2020

B.Saparbaev pen B.Nurymbetov elordadaǵy AÁK taǵaıyndaý barysymen tanysty

49 retkórsetildi

Premer-Mınıstrdiń orynbasary Berdibek Saparbaev pen Eńbek jáne halyqty áleýmettik qorǵaý mınıstri Birjan Nurymbetov Memleket basshysynyń tapsyrmasymen Nur-Sultan qalasynyń Halyqty jumyspen qamtý ortalyǵynda (budan ári - HJQO) jáne elordanyń aýdandyq ákimdikterindegi jumyspen qamtý bólimderinde bolyp, jańa formattaǵy ataýly áleýmettik kómek (budan ári - AÁK) taǵaıyndaý úshin qujattardy qabyldaý barysymen tanysty. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Premer-Mınıstrdiń orynbasary jáne Eńbekmıniniń basshysy birinshi kezekte «bir tereze» qaǵıdaty negizinde 70-ten astam qyzmet túrlerin usynatyn «Januıa» otbasylyq qoldaý ortalyǵynda boldy. Osydan keıin olar Halyqty jumyspen qamtý ortalyǵy men elordanyń aýdandyq ákimdikterindegi jumyspen qamtý bólimderiniń jumysymen tanysty, munda Nur-Sultan turǵyndary AÁK taǵaıyndaý úshin qujattar tapsyra alady.

«Azamattarǵa AÁK jáne kópbalaly otbasylarǵa járdemaqy taǵaıyndaý erejelerin túsindirý, barynsha qolaıly jaǵdaı jasaý kerek. Eger adamdarda qosymsha suraqtar týyndasa, basqa memlekettik organdardan mamandardy tartý jáne sol jerde osy máselelerdi sheshý qajet. Eshqandaı tolqý bolmaýy kerek» dep tapsyrdy B.Saparbaev.

«Januıa» ortalyǵynyń, Halyqty jumyspen qamtý ortalyǵy men jumyspen qamtý bólimderiniń qyzmetkerleri qujattardy qabyldaý jumystary ádettegideı júrip jatqanyn habarlady. Halyq tarapynan eshqandaı tolqý joq.

Jergilikti atqarýshy organdardyń aqparaty boıynsha, elimizdiń basqa óńirlerinde HJQO-da AÁK resimdeýge nıet bildirgen azamattardyń kóp kelýi baıqalmaıdy.

«AÁK taǵaıyndaýǵa ótinish bildirgen qazaqstandyqtar jańa jyldyq merekelerden keıin dereý jumyspen qamtý ortalyqtarynda qujattar tapsyrýǵa jáne kezekke turýǵa ýaqyt jetpeıdi dep alańdamaýy kerek. О́tken jyldyń jeltoqsan aıynda eldiń barlyq óńirlerinde AÁK tólemderi aldyn ala júzege asyryldy, ony azamattar qańtarda alýy tıis. Endi osy aıdyń ishinde adamdar qujattardy ońaı tapsyra alady. AÁK taǵaıyndaý krıterıılerine sáıkes keletinderdiń barlyǵyna qańtar jáne aqpan aılary úshin tólemder tólenedi» dedi Birjan Nurymbetov.

Sondaı-aq Berdibek Saparbaev Halyqqa qyzmet kórsetý ortalyǵyna bardy.

Esterińizge sala keteıik, 2020 jyldyń 1 qańtarynan bastap Qazaqstanda áleýmettik kómek kórsetýdiń jańa tásilderi engizildi, olar: ataýly áleýmettik kómekti ár toqsan saıyn taǵaıyndaý; AÁK taǵaıyndaýdyń buryn qoldanystaǵy shekti ólshemin saqtaý - otbasynyń ár múshesine shaqqandaǵy ortasha kiris kúnkóris deńgeıiniń 70%-ynan kem bolýy kerek; otbasynyń barlyq músheleri úshin AÁK mólsherin jan basyna shaqqandaǵy kiris pen kedeılik sheginiń arasyndaǵy aıyrma retinde anyqtaý; ýchaskelik komıssııalardyń osy prosestegi rólin arttyrýmen otbasynyń materıaldyq jaǵdaıyna zertteý júrgizý merzimin 3 kúnnen 7 kúnge deıin ulǵaıtý.

Sonymen qatar AÁK alatyn otbasylardyń balalary kepildik berilgen áleýmettik toptamaǵa ıe bolady.

Sonymen, 1 jastan 6 jasqa deıingi tabysy az  otbasylardyń balalary azyq-túlik jıyntyǵymen jáne gıgıenalyq quraldarmen, 6 jastan 18 jasqa deıingi balalar mektepterde ystyq tamaqpen, oqý quraldarymen jáne mektep kıimderimen qamtamasyz etiledi, sondaı-aq olarǵa mektepke deıingi jol júrý shyǵyndary óteletin bolady. Medısınalyq, onyń ishinde stomatologııalyq kómek 18 jasqa deıingi balalarǵa tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý sheńberinde kórsetiledi.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar