Qoǵam • 05 Qańtar, 2020

Elordada AÁK taǵaıyndaýdyń jańa formaty túsindirildi

75 retkórsetildi

Qazaqstanda ataýly áleýmettik kómek (AÁK) taǵaıyndaýdyń jańa formaty engizildi. Ol boıynsha elordanyń 4 aýdandyq ákimdiginde halyqqa túsindirý jumystary júrgizilip jatyr. Bul týraly qala ákimdiginiń resmı saıty habarlady.

Búginnen bastap AÁK taǵaıyndaý boıynsha azamattardy qabyldaý «Januıa» otbasy ınstıtýtyn qoldaý ortalyǵynda, qalalyq Jumyspen qamtý jáne áleýmettik qorǵaý basqarmasynda jáne 4 aýdandyq ákimdikte júzege asyp jatyr. Jumyspen qamtý jáne áleýmettik qamtý basqarmasy mamandarynyń aıtýynsha, halyqqa qyzmet kórsetý terezeleri jetkilikti, azamattar kezek boıynsha qabyldanýda.

«AÁK taǵaıyndaý júıesine 2020 jyldyń qańtar aıynan bastap ózgeris engizildi. Máselen, ótken jyly ár otbasyǵa naqty bir deńgeıde qarjy tólenip kelgen. Endi sol januıanyń bir aılyq orta tabysynyń kedeılik sheginiń aıyrmasy ǵana tólenedi. Osy jyldyń alǵashqy toqsanyndaǵy kedeılik shek 24 258 teńgeni quraıdy. Mysalǵa bir otbasynyń tórt balasy bolsa, onyń árqaısysyna ótken jyldyń sońǵy toqsanynda 23 389 teńge taǵaıyndalyp kelgen. Endi otbasynyń tabysy aıyna bir adamǵa 12 myń teńgeni quraıtyn bolsa, joǵaryda atalǵan 24 258 teńgeden osy 12 myń teńge alynyp tastalady. Sol sııaqty januıada jumys isteýge qabiletti azamattar bolyp, alaıda otbasyn asyraýdan bas tartsa, AÁK ózgelerine de taǵaıyndalmaıdy. Al osydan keıin AÁK-ke qaıta qujat tapsyrý úshin alty aı kútýine týra keledi», dedi Esil aýdany Jumyspen qamtý jáne áleýmettik qamtý basqarmasynyń bas mamany Aınur Áýbákirova.

Basqarma qyzmetkeri sóz arasynda bir úıden nemese bir kólikten kóbirek dúnıe-múlki bar otbasylarǵa AÁK taǵaıyndaý júıesi qalaı júrgiziletinin túsindirip ótti.

«Jańa format boıynsha bıyldan bastap otbasynyń menshiginde bir úıden nemese bir avtokólikten kóp múlki, sondaı-aq olarda jer telimi, tabys ákeletin bólmeleri bolsa, ýchaskelik komıssııanyń qorytyndysy boıynsha olarǵa ataýly áleýmettik kómek taǵaıyndalmaıdy. Alaıda bul otbasynyń múgedek balasy bolsa nemese kópbalalylar sanatyna jatsa bul krıterıı olarǵa qoldanylmaıdy», dedi ol.

Aıta keteıik, 2020 jylǵy 1 qańtardan bastap kámeletke tolmaǵan 4 jáne odan da kóp balasy bar otbasylarǵa arnaıy memlekettik járdemaqy tólenedi. Esil aýdany Jumyspen qamtý jáne áleýmettik qamtý basqarmasynyń habarlaýynsha, aýdandyq ákimdikke kúnine 30-40 adam júginedi. 2019 jyldyń jeltoqsan aıyndaǵy jaǵdaı boıynsha Esil aýdanynda 696 azamat AÁK alyp, 250 otbasy shartsyz aqshalaı kómekpen qamtamasyz etildi.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar