Ekonomıka • 06 Qańtar, 2020

«Qazaqstandaǵy Big Data: jańa kókjıekter»

23 retkórsetildi

«Qazaqtelekom» AQ úlken derekterdi óńdeý, saqtaý, qurylymdaý jáne taldaý boıynsha jınaqtalǵan tájirıbesin biriktirýge nıetti. Ulttyq baılanys operatory sıfrly ekonomıkany damytý maqsatynda reseılik «IKS Holdıng» IT-qurylymymen birlesken qyzmet týraly memorandýmǵa qol qoıdy. Bul strategııalyq baılanysqa «Qazaqstandaǵy BIG DATA: Jańa kókjıekter» halyqaralyq konferensııasynda qol jetkizildi.

Birlesken qyzmet memlekettik jáne bank sektorlarynyń, iri kásip­oryn­dardyń sıfrlyq transformasııasyna yqpal etip, elimizde IT-talanttardy damytýǵa qoldaý kórsetip, halyqtyń sıfrly qaýipsizdigin arttyratyn bolady. Sonymen qatar bul yntymaqtastyq sıfrly bıznes-strategııalarǵa kóshý arqyly kásipkerlerge óz kompanııalaryn basqarýdyń ońtaıly modelin qurýǵa, derekter qory, «bultty» sheshimder, IoT, Big Data, Blockchain bas­qarý júıesin engizý salasynda ja­ńa qosymshalar men ázirlemelerdi qol­danýǵa, sondaı-aq barlyq bıznes-úderisterdi jaqsartý úshin IT-ın­fr­a­qu­rylymǵa shyǵyndardy azaıtýǵa múm­kindik beredi.

«Qazaqtelekom» AQ basqarma tóraǵasy Qýanyshbek Esekeevtiń aıtýynsha, ulttyq baılanys operatory Qazaqstandaǵy sıfrly qyzmetterdiń iri provaıderi retinde derekterdi saqtaý jáne óńdeý, LoRa, «aqyldy úı», blokcheın, E-commerce jáne sol sekildi jańa bıznesterdi qurý, úderisterdi oń­taılandyrý úshin derekterdi orta­lyqtandyrýmen jumys jasaıdy.

– «Qazaqtelekom» Big Data baǵy­tynda barlyq múmkindikterge ıe. Atap aıtqanda, baqylaý-kassa mashınalarynan tirkelgen derekterdi berý, tirkelgen jáne mobıldi abonentter boıynsha klıenttik bazany segmentteý, sondaı-aq klıentterdiń qozǵalysy týraly aqparat ta qamtylǵan. Ár tuty­nýshyǵa meılinshe relevantty usynys­tar jasaý úshin derekterge taldaý jasap, abonentterdiń beıinin anyqtap alamyz, – dedi Q.Esekeev.

Ulttyq kompanııa Big Data-ny ishki jáne syrtqy derekter saraptama­syn basqarý, SMS habarlamany target­teý, jelilik ınfraqurylymdy ońtaı­lan­dyrý, tasymaldaýdy josparlaý, tur­ǵyndardyń kóshi-qonyn taldaý, týrızmdi damytý jáne taǵy basqa baǵyttar da úshin paıdalanbaq. Sondaı-aq «Úlken derekterdiń» kómegimen «Bultty beınebaqylaý» qyzmetin iske qosý kózdelgen. Tyń qyzmet konferensııa barysynda ınteraktıvti translıasııada kórsetildi.

Reseılik «IKS Holdıng» kóp­beıindi IT-qurylymy Úlken derekter baǵytynda otandyq naryqta qazaq­standyq kompanııalarmen «IKS Holdıng Qazaqstan» birlesken kásip­orny qurylatynyn jarııalady jáne jergilikti naryqta «IKS Hol­dıng» ekojúıesiniń barlyq kompa­nııa­­larynyń sheshimderi men ónimderin usy­­nýdy josparlaýda.

– Jekelegen kompanııalarymyz kóp ýaqyttan beri Afrıka, Taıaý Shyǵys já­ne Ortalyq Azııa elderinde tabys­ty jumys istep keledi. Alaıda qazir biz aktıvterimizdi shoǵyrlandyryp, olar­dyń arasynda ónimdi birlesip qalyp­tastyrýǵa yqpal etemiz. Qazaqstandyq áriptestermen tyǵyz baılanysta jumys jasap, kompanııalarǵa joǵary tehnologııaly ónimder men sheshimderdi qýana usynyp, saraptamalarmen jáne jınaqtalǵan tájirıbemizben almasamyz. Bul yntymaqtastyq uzaqmerzimdi tabysty qarym-qatynastarǵa negiz bolady, – dedi «IKS Holdıng» vıse-prezıdenti E.Antonıan.

Is-shara barysynda zamanaýı kom­mýnıkasııalyq tehnologııalar, Qazaq­standaǵy IT-naryqtyń ahýaly, aqyldy qalalardy damytýdaǵy úlken derekter saraptamasynyń róli syndy mańyzdy máseleler talqylandy.

Uqsas jańalyqtar