Qoǵam • 06 Qańtar, 2020

Qyzmetten ketseń de, deklarasııa tapsyrasyń...

59 retkórsetildi

Jınaqtalǵan derekter adamdar kóp jaǵdaıda memlekettik qyzmetten teris sebeptermen shyǵary­latynyn kórsetedi. Sonyń eń basynda jemqorlyqqa jol berý kórinisi tur. Jemqorlyq dertti boıyna juqtyrǵandar qyzmetten bosasa da, keıin teris jolmen ýysyna túsirgen qarajatty jeke qara basynyń múddesine paıdalanyp ketýi ábden múmkin ekenin alǵa tartady. Olar osyndaı jolmen ózderine han saraıyndaı úı kóterip, qos-qostan baǵasy qymbat sheteldik kólikter satyp alýy da ǵajap emes. Qandaı qarajatqa? Álde ol memlekettik qyz­metten bosaı sala «maıly shelpekke» tap bolyp, aıaqastynan tabysy tasqyndaı qaldy ma?

Mine, osy máseleniń aq-qarasyn aıqyndap, ajyratý úshin mundaı topqa kiretinder keıingi úsh jyl ýaqyt ishinde ár jyldyń 31 naýryzyna deıin turǵylyqty jerinen memlekettik kiris organdaryna óz tabystary men kiristeri jáne múlki týraly deklarasııany tapsyrýǵa tıis. Eger bul qujattyq materıaldar kórsetilgen merzimde tapsyrylmasa, bul jaǵdaı Ákimshilik quqyq buzýshylyq týraly kodekstiń tarmaqtary men baptaryn buzý bolyp tabylady, dedi gazet tilshisine Memlekettik qyzmet isteri agenttiginiń Aqtóbe oblysy boıynsha departamenti Memlekettik qyzmet sapasyn baqylaý basqarmasynyń bas mamany Qaırat Ákıev.

Onyń aıtýynsha 2018 jyly óńirde memlekettik qyzmetten sybaılas jemqorlyqqa jol bergeni jáne ózge de teris is-áreketteri boıynsha bosatylǵan 66 mem­le­kettik qyzmetker ákimshilik jaýapkershilikke tarty­lypty. Al 2019 jyldyń 11 aıy araly­ǵynda atalǵan basqarma memlekettik qyzmetten teris sebepterge baılanysty bosatylǵan 16 adamǵa ákimshilik hattamalar toltyrǵan. Mundaǵy aıyppul mólsheriniń kólemi 2 mıllıon teńgege jýyqtaıdy. Qysqasy, Memlekettik qyzmet isteri agenttigi mamandarynyń málimdeýinshe deklarasııa óz ýaqytynda tapsyrylsa, aıyppul mólsheri memlekettik qyzmetten teris sebeptermen shyǵarylǵan adamdardyń otbasyna zııa­nyn tıgizbeıdi.

Deklarasııa tapsyrý isin júıeli jolǵa qoıa bilýdegi basty maqsat – ákimshilik jaýapkershilikke tar­tý ǵana emes, sonymen birge mundaı quqyq buzý­shylyqtardyń aldyn alý jáne ony boldyrmaý, dep túıin jasady Memlekettik qyzmet sapasyn baqylaý basqarmasynyń bas mamany Qaırat Ákıev.

AQTО́BE

 

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar