Qoǵam • 06 Qańtar, 2020

Semeıde – sileýsin, О́skemende – elik

582 retkórsetildi

Bıyl Shyǵysta jyl­daǵydaı emes, qar qa­lyń. Qardyń qalyń­dyǵynan talǵajaý eter azyq azaıdy ma, álde júrip-turý qıyndady ma, jyrtqyshtarǵa jem bolýdan saqtanǵany ma, sońǵy kezderi óńirde ań-qustardyń qalaǵa kirip ketýi jıiledi.

Byltyr jyl ortasynda Se­meıdegi kitaphanalardyń birine buǵy, al Rıdderge aıý kirip ketken edi. Jyl aıaǵynda, ıaǵnı jeltoq­san aıynda Se­meıdiń shetindegi úılerdiń bi­riniń aýlasyna sileý­sin, oblys ortalyǵyna elik enip ketip, eldi eleń etkizgen-di. О́s­kemen kóshesinde eki kún júrgen túz taǵysyn aqyry kólik qaǵyp, jaraqattap, sha­hardaǵy veterınarlyq em­hanalardyń bi­rine jet­kizildi. Elikke ota ja­salǵa­ny­men, dárigerler janyn aman alyp qala almaǵan-dy. Adam­dar­dan pana izdep, Ertis jaǵa­syndaǵy qalany eki kún boıy erkin kezgen sulý janýardy mundaǵy quzyrly oryndardyń amalyn taýyp ustap alyp, shahardan shyǵaryp jiberýge tyryspaǵany túsi­niksiz.

Elik demekshi, sodan bir apta óter-ótpeste qaladaǵy Abaı dań­ǵylynyń boıynda júrgen eki elik kózge tústi. Al keshe О́skemenniń shet ja­­ǵyndaǵy Jibek matalar shaǵyn aýdanyndaǵy (JMK) kóp­­qabatty úılerdiń janyna jem izdep, bir top shil kelipti. «Elik­ter qala mańyn mekendeıdi. Olardy JMK shaǵyn aýdany aýmaǵynan kezdestirýge bolady. Shamasy jyrt­qyshtardan bas saýǵalap, qalaǵa kelgen bolýy kerek» deıdi ós­kemendik ornıtolog-ǵalym Ser­geı Sta­rıkov.

 

Shyǵys Qazaqstan oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar