Shaǵyn aýdanda paıdalanýǵa berilgen jeke turǵyn úılerdiń kiltterin 16 kóp balaly otbasy ıelerine oblys ákimi Bolat Baqaýov tabys etti. О́ńir basshysy qysqa merzimde úılerdi salyp bergen qurylysshylardyń eńbegin atap ótti. Úılerdiń barlyǵy bir kóshede ornalasqan.
Osy kúnge deıin 4 balasymen qalada páter jaldap turǵan Marııa Jarınova kilt alǵan sátte, qýanyshtan jylap jiberdi.
– Jańa úıimiz qandaı keń, jyly, – deıdi Marııa tolqynysyn jasyra almaı.
«Ár bala óz nesibesin ala keledi» deıdi halqymyz. Kóp balaly, jalǵyzbasty ana Gaýhar Kóksinova da buǵan deıin páter jaldap turǵan. Endi, mine, jarqyraǵan 3 bólmeli úıdiń kiltin aldy. Jaqynda ǵana kenje uly qyrqynan shyǵypty.
– Úkimetke rahmet! Balalaryma mektepte tegin tamaq, kıim-keshek, oqý quraldary beriledi. Balabaqshaǵa da tegin barady. 2020 jyldan bastap 5 balam úshin qosymsha aqy tólenedi. О́zim de bos otyrǵan joqpyn. Kásibim – tigin isi. Qorjyn, toıbastar tigip satamyn, – deıdi Gaýhar.
Qala ákimdiginiń málimetinshe, shaǵyn aýdannyń qurylysy 2016-2017 jyldary ınjenerlik-kommýnıkasııalyq ınfraqurylym júrgizilgen kezde bastalǵan.
Biraq, jer alǵandardyń bári birdeı qurylys júrgizbedi. Sondyqtan bul ýchaskeler arendalyq úıler salý úshin memleket menshigine qaıtaryldy. Qazir jeke turǵyn úı aýdanynda 28 eki páterli úıdiń qurylysy júrgizilýde. Jeke úılerdi jaldaý aqysy aıyna – 5-10 myń teńge.
Sóıtip, kósheler sany da kóbeıdi. Kóshelerdi abattandyrý, kógaldandyrý jumystary bastalmaq. Ár otbasyna óz úıleriniń qasynan aǵashtar otyrǵyzýǵa, baý-baqsha egýge múmkindik bar. Qazir jaryq baǵanalary ornatylýda. Jobaǵa sáıkes, 2025 jylǵa deıin shaǵyn aýdanda balabaqshalar, mektepter, emhanalar men saýda úılerin salý qarastyrylǵan.
Sondaı-aq qalanyń aýyldyq aýmaǵyna qaraıtyn Qalqaman kentindegi 30 jyl boıy qańyrap bos qalǵan úıler de paıdalanýǵa berildi. Bul úıden 32 otbasy páter aldy.
– Jaqsy páter, jyly úıge qol jetkizdik. Memleketimizge rahmet!, – deıdi kóp balaly ana Aqmonshaq Ádil.
Qala ákimdiginiń málimetinshe, jartylaı buzylǵan úılerdi qalpyna keltirýge bıýdjetten 162 mıllıon teńge bólingen. Bıyl taǵy eki úıge jóndeý júrgiziledi. Páterler birinshi kezekte áleýmettik turmysy tómen, kóp balaly otbasylarǵa beriledi.
Pavlodar oblysy,
Aqsý qalasy
