Qoǵam • 06 Qańtar, 2020

2020 jylǵa – 2020 jumys orny

87 retkórsetildi

Byltyr elimizdiń qalasynda da, dalasynda da memleket tarapynan beriletin ataýly áleýmettik kómekke qatysty ártúrli mazmundaǵy áńgimeler tasqyny tolastamaǵany málim.

2020 jyldan bastap AEK taǵaıyndaý erejesi men kóp balaly otbasylardyń balalaryna beriletin járdemaqylaryna ózgerister men tolyqtyrýlar engizildi. Endi bul áńgimeler bir arnaǵa toǵysar degen oıdamyz. Aıtalyq, buǵan deıingi tájirıbede qol-aıaǵy balǵadaı otbasy ıeleri men músheleri jumys istemese de kóp jaǵdaıda AÁK-ti alyp keldi.

Aldaǵy ýaqytta mundaı masyldyqtan bas tartýǵa týra keletini aıtpasa da túsinikti. Iаǵnı, eńbekke jaramdy otbasy músheleri mindetti túrde jumys isteýge tıis. Mundaıda ju­mys joq, jumys tabylmaıdy dep qara aspandy tóndirip, ártúrli syltaý aıtýshylar da az kezdespeıdi. Múmkin solaı da shy­ǵar. Áıtse de masyldyq pıǵylǵa boı urýshylardyń arasynda tıisti uıymdar usynǵan jumystan bas tartatyndar da bar. Jańa­dan engizilgen ózgeristerge saı mundaı jaǵdaıda olarǵa ataýly áleýmettik kómek taǵaıyndalmaıtyny belgili bolyp otyr.

 Qysqasy, 2020 jyldan bastap AÁK ár otbasy múshesine otbasy tabysy men kedeıshilik sheginiń arasyndaǵy aıyrmashylyqty esepteý arqyly tólenbek. Mysaly, búginde turǵyndardyń basym bóligin 1, 2 jáne 3 balaǵa deıingi beriletin járdemaqynyń jaı-kúıi kóbirek tolǵandyratyny baıqalady. Bul rette áleýmettik tólemniń bul túri aldaǵy kezde de burynǵysha qala bermek. Iаǵnı, otbasyndaǵy kiris kedeılik sheginen asyp ketpese, ár balaǵa tólenetin qarjylaı kómek toqtamaıdy dep málimdeıdi áleýmettik qorǵaý mekemesiniń mamandary.

 AÁK taǵaıyndaý eń aldymen oblystardaǵy jumyspen qamtý jáne áleýmettik baǵdarlamalar basqarmalaryna jaýapty mindetter júkteıdi. Ásirese áleýmettik mekeme mamandarynyń turmysy tómen otbasy ıelerimen jáne áleýmettik kómekke muqtaj ózge de jandarmen jıi kezdesip, oı-pikir almasyp turýynyń orny aıryqsha deýge bolady. Bul baǵytta Aqtóbe óńirinde  sońǵy kezde oń úrdis baıqalady. Osy oraıda tıisti basqarma turǵyndarmen áleýmettik jeli arqyly da baılanys ornatyp, olardyń san alýan suraqtaryna jaýap qaıtaryp júrgenine kýámiz.

 Bul baǵyttaǵy basty másele turǵyndardy jumyspen qamtýdyń ońtaıly tásilin belgileı bilýge baılanysty bolmaq. Bul úshin óńirde arnaıy jumys jármeńkeleri uıymdastyrylyp, jumyssyz júrgenderdiń otbasyna kiris kirgizý múmkindikteri qarastyrylýda. Osy ilkimdi isti odan ári jalǵastyrý úshin 2020 jyly 2020 jumys ornyn ashý josparlanyp otyr. Basqarma tarapynan iske jaramdy otbasy músheleri eńbek etýden bas tartpaýy kerektigi jóninde de oı salarlyq áńgimeler aıtylyp, oǵan naqty mysaldar keltirilýde. Ras, buǵan deıin óńirde tabys pen kiris kózin jasyryp, AÁK-ti zańsyz ıelený derekteri de bolǵany jasyryn emes. Qazirgi kezde buǵan jol bermeý tetikteri qarastyrylǵan. Ataýly áleýmettik kómekke arqa súıep, altynmen parapar ýaqyt pen qolda bar múmkindikti ýysynan shyǵaryp alatyn otandastarymyz áli de jetkilikti. Bul jaǵdaı masyldyq pıǵyl men kózqarasty odan ári tereńdete túspek. Osy tusta memleket tarapynan tólenetin AÁK-tiń ǵumyry sheksiz emes ekenin uǵyna bilýdiń de orny aıryqsha.

Bir sózben aıtqanda búgingi kúni kedeılik sheginde júrgen jandarǵa taǵaıyndalatyn ataýly áleýmettik kómek turaqty tabys pen kiris kózi emes, tek ýaqytsha ǵana beriletin qarjylaı kómek ekenin túısiný qajet. О́ıtkeni, ómir udaıy ózgeris pen qozǵalys ústinde. Osyndaıda «Jas óspeı me, jarly baıymaı ma?» degen halqymyzdyń naqylǵa bergisiz oıly sózi eske orala beredi.

«Kásibiń – násibiń» degendeı, kez kelgen otbasynyń óz kásipterin ashýǵa umtylýyna tıisti qoldaý kórsetilýiniń orny bólek. Bul rette elimizde jańa kásipke beıimdeý baǵytynda tegin oqytý kýrstary júıesi belgilenýi ony shırata túsýge septigin tıgizbek.

 

AQTО́BE

 

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar