Qazaqstan • 06 Qańtar, 2020

Eljan Birtanov: MÁMS aıasyndaǵy barlyq daýly jaǵdaılar emdelýshiniń paıdasyna sheshilýi kerek

56 retkórsetildi

Densaýlyq saqtaý mınıstri Eljan Birtanov pen Medısınalyq saqtandyrý qorynyń basqarma tóraǵasy Aıbatyr Jumaǵulov áleýmettik medısınalyq saqtandyrý jaǵdaıy boıynsha jumystardy tekserý maqsatynda elordanyń birqatar medısınalyq nysandaryn aralady. Bul týraly Premer-Mınıstrdiń baspasóz qyzmeti habarlady.

Mınıstr Nur-Sultan qalasynyń Ortalyq jol aýrýhanasynda bolyp, onda Memleket basshysy Qasym-Jomart Toqaevtyń osy medısınalyq mekemedegi pasıentterdiń turý jaǵdaılaryn jaqsartý jónindegi tapsyrmasynyń oryndalý barysyn tekserdi.

Qazirgi tańda aýrýhana bólimshelerin basqa jerge kóshirý úshin eki korpýsta jóndeý jumystary aıaqtaldy, olar: gınekologııalyq korpýs jáne jeti qabatty ǵımarat.

Tekserý barysynda Eljan Birtanov qajet emes bólmelerdi ońtaılandyrý arqyly aýrýlardy qabyldaý bólmesiniń aýdanyn ulǵaıtýǵa nazar aýdardy, sonymen qatar jedel jáne josparly túrde keletin naýqastardyń aǵymyn retteýdi, hırýrgııalyq korpýsty jóndeý máselelerin pysyqtaýdy tapsyrdy.

Sondaı-aq, mınıstr atalǵan medısınalyq mekemeniń jaǵdaıynda mindetti áleýmettik medısınalyq saqtandyrý júıesiniń is júzinde iske asyrylýyn, atap aıtqanda, medısınalyq aqparattyq júıelerdiń jumysyn jáne olardyń ıntegrasııalanýyn tekserdi.

Eljan Birtanov atap ótkendeı, MÁMS aıasyndaǵy barlyq tehnıkalyq olqylyqtar pasıenttiń paıdasyna sheshilýi kerek jáne turǵyndar mindetti áleýmettik medısınalyq saqtandyrý júıesin engizgennen keıin medısınalyq qyzmet kórsetý sapasynyń jaqsarǵanyn sezinýi kerek.

Densaýlyq saqtaý mınıstrligi basshysynyń aralaǵan nysandarynyń biri №2 qalalyq emhana boldy. E. Birtanov MÁMS jaǵdaıynda pasıentterge qalaı qaralyp jatqanyn jáne turǵyndar úshin qandaı múmkindikter jasalǵanyn qarady. Mınıstr aqparattyq júıelerdiń jumysyna, atap aıtqanda, pasıentterdi saqtandyrý mártebesi boıynsha bólýge jáne medısınalyq saqtandyrý júıesine áli qatyspaǵan azamattardy tirkeýge erekshe kóńil bóldi.

Medısınalyq uıym mamandarynyń aıtýynsha, bul emhanaǵa kún saıyn 440-qa jýyq adam keledi, olardyń 60%-dan astamynda saqtandyrý mártebesi bar. Eljan Birtanov pasıentterdiń negizgi bóligi — balalar, zeınetkerler, múgedekter, júkti áıelder, stýdentter — Medısınalyq saqtandyrý qoryna memleket jarnalar tóleıtin 15 jeńildikti sanatqa enetinin eskere otyryp, Mınıstrliktiń boljamdary boıynsha, saqtandyrylǵandar kem degende 80% bolýy qajet ekenin atap ótti.

Sondaı-aq, mınıstr emhananyń ońaltý bóliminiń jumysyn jáne qalpyna keltirý eminiń baǵdarlamasyn baǵalady. E. Birtanov mindetti áleýmettik medısınalyq saqtandyrý júıesi kómektiń osy túrin qarjylandyrýdy 12 ese arttyrýdy kózdeıtinin eskere otyryp, pasıentterdiń sany kóbirek bolýy múmkin ekenin atap ótti.

№2 qalalyq emhananyń ońaltý jáne qalpyna keltirý emi bólimi 2020 jyldyń qańtarynan bastap jumys isteı bastady. Munda múgedekterge áleýmettik, psıhologııalyq jáne medısınalyq qoldaý kórsetetin ońaltý kómeginiń úshinshi nemese keshendi túri usynylady. Bul Qazaqstandaǵy jańa qyzmet túri. Saýyqtyrý emine eresekterdi de, balalardy da qabyldaıdy.

Sonymen qatar, 2019 jyldyń shildesinen bastap emhanada «D» esebinde tirkelgen ortalyq júıke júıesi aýrýlary bar, psıhıkalyq-sóıleý damýy kesheýildegen, Daýn aýrýy jáne aýtızmi bar balalarǵa arnalǵan ońaltý bólimi ashyldy. Bas dárigerdiń aıtýy boıynsha, bul ortalyq Nur-Sultan qalasyndaǵy barlyq medısınalyq uıymdar arasynda alǵashqylardyń biri bolyp ashylǵan. Emhana tájirıbesin basqa da uıymdar ózderine úlgi retinde ala bastady.

Densaýlyq saqtaý mınıstri Áleýmettik medısınalyq saqtandyrý qorynyń tóraǵasymen birge birqatar basqa da medısınalyq nysandardy, sonyń ishinde temirjol aýrýhanasyn, №3 perınataldy ortalyqty jáne teri-venerologııalyq dıspanserin aralap, onda MÁMS jaǵdaıyndaǵy medısınalyq kómektiń uıymdastyrylýyn tekserdi. Basty nazar dárigerlerdiń pasıentterdi qalaı qabyldaıtynyna, aqparattyq júıelerdiń qanshalyqty durys jumys jasaıtyndyǵyna jáne júgingen adamdardyń saqtandyrý mártebesiniń anyqtalý-anyqtalmaýyna aýdaryldy.

Esterińizge sala keteıik, 1 qańtardan bastap Qazaqstanda medısınalyq kómek eki paket — tegin medısınalyq kómektiń kepildendirilgen kóleminiń jańa úlgisi jáne mindetti áleýmettik medısınalyq saqtandyrý paketimen usynylady. Jedel jáne alǵashqy medısınalyq-sanıtarlyq kómek, onyń ishinde negizgi dıagnostıkalyq qyzmetter barlyq azamattar, oralmandar men el rezıdentteri úshin aqysyz bolyp qalady. Al konsýltatıvti-dıagnostıkalyq kómek, kúndizgi jáne táýlik boıy jumys isteıtin stasıonarlarda emdeý tek saqtandyrylǵan azamattarǵa jáne qant dıabeti, arterııalyq gıpertenzııa, onkologııa, týberkýlez, gepatıt jáne t. b. áleýmettik mańyzy bar jáne negizgi sozylmaly aýrýlary bar naýqastarǵa ǵana aqysyz kórsetiledi.

Sońǵy jańalyqtar

"Jymııasyń sen nege?!"

Búgin, 01:53

Tálkekke túsken taǵdyr

Ádebıet • Keshe

Qubylys

Rýhanııat • Keshe

Karantınde konsert kórýge bolady

Rýhanııat • Keshe

Atymtaı jomarttar az emes

Qazaqstan • Keshe

Uqsas jańalyqtar