Qazaqstan • 06 Qańtar, 2020

AIIB Qazaqstannyń avtomobıl joldary salasyndaǵy jobalardy qarjylandyrmaq

53 retkórsetildi

Azııa Infraqurylymdyq Investısııalar Banki «Ortalyq – Batys» dálizin rekonstrýksııalaý jobasyn qarjylandyrýǵa qyzyǵýshylyq tanytty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

AIIB-ne Qazaqstandy qosa alǵanda 57 memleket múshe. Banktiń negizgi maqsaty – Azııa-Tynyq muhıt aımaǵynda qarjylyq yntymaqtastyqty yntalandyrý, sondaı-aq Azııadaǵy ınfraqurylymdyq jobalardy qarjylandyrý. 2019 jyly Qazaqstannyń memlekettik organdary men Bank ókilderiniń qatysýymen AIIB tarapynan elimizdegi jobalardy qarjylandyrý mehanızmderin talqylaýǵa arnalǵan birqatar shara ótken bolatyn. Bankke Nur-Sultandy Qazaqstannyń batys óńirlerimen baılanystyratyn «Ortalyq – Batys» dálizin rekonstrýksııalaý jobasy usynyldy. AIIB ókilderi Úkimet resmı túrde qyzyǵýshylyq tanytqan jaǵdaıda atalmysh jobany qarjylandyrý múmkindigin qarastyrýǵa daıyn ekendigin aıtty.

Aıta keteıik, Qazaqstannyń avtomobıl joldary salasyndaǵy jobalar 5 halyqaralyq qarjylyq ınstıtýttyń qoldaýymen iske asyrylady. Osylaısha Dúnıejúzilik banktiń qoldaýymen «Batys Eýropa – Batys Qytaı» tranzıttik dáliziniń  jalpy uzyndyǵy 1098 shaqyrymdy quraıtyn Qyzylorda jáne Túrkistan oblystaryndaǵy ýchaskeleriniń rekonstrýksııasy júrgizildi. Sonymen qatar joba aıasynda uzyndyǵy 85 shaqyrymdy quraıtyn «Kúrti – Býrylbaıtal» jáne 96 shaqyrymdyq «Uzynaǵash – Otar» avtomobıl joldarynyń ýchaskelerinde qurylys jumystary jalǵasyp jatyr.

Eýropa Qaıta qurý jáne damý banki de Qazaqstandaǵy ınfraqurylymdyq jobalardy qarjylandyrý sharalaryna belsene aralasady. EQQDB-niń qatysýymen «Batys Eýropa – Batys Qytaı» dáliziniń quramyna kiretin 102 shaqyrymdyq «Aqtóbe – Mártúk» pen uzyndyǵy 62 shaqyrymdy quraıtyn «Tashkent – Shymkent» joldaryn rekonstrýksııalaý jobalary júzege asyryldy. Budan bólek, búgingi tańda uzyndyǵy 143 shaqyrymdy quraıtyn «Kúrti – Býrylbaıtal», 67 shaqyrymdyq «Kúrti – Qapshaǵaı» jáne Atyraý qalasynyń soltústik aınalma jolyn qosa alǵanda, jalpy uzyndyǵy 243 shaqyrym bolatyn «Atyraý – Reseı shekarasy (Astrahan)» joldaryn rekonstrýksııalaý jobalary júzege asyrylýda.  

Azııa Damý banki «Batys Eýropa – Batys Qytaı» dáliziniń Jambyl jáne Túrkistan oblystaryndaǵy jalpy uzyndyǵy 467 shaqyrym bolatyn ýchaskelerin rekonstrýksııalaý jáne 470 shaqyrymdyq «Beıneý – Aqtaý» jolyn rekonstrýksııalaý jobalaryn qarjylandyrdy. Jalpy uzyndyǵy 299 shaqyrymdy quraıtyn «Aqtóbe – Maqat» jobasy iske asyrylyp jatyr.  

Islam Damý banki «Batys Eýropa – Batys Qytaı» dáliziniń uzyndyǵy 57 shaqyrymdy quraıtyn «Ońtústik Qazaqstan oblysy – Taraz qalasy» ýchaskesin rekonstrýksııalaý jobasyn qarjylandyrdy. Japonııa Halyqaralyq Yntymaqtastyq Agenttiginiń qoldaýymen «Batys Eýropa – Batys Qytaı» dáliziniń Jambyl oblysyndaǵy ýchaskelerin rekonstrýksııalaý jobasy iske asyryldy.

Sońǵy jańalyqtar

Aqtóbede dinı ahýal turaqty ma?

Aımaqtar • Búgin, 17:48

Mańyzdy maqsattarǵa basymdyq beriledi

Qazaqstan • Búgin, 16:46

Maqsat – jol sapasyn jaqsartý

Úkimet • Búgin, 11:45

Qoltańba

Aımaqtar • Búgin, 09:42

Jalpy otyrystyń kún tártibi naqtylandy

Parlament • Búgin, 08:42

Dárigerlerdi qoldaýǵa shaqyrdy

Qoǵam • Búgin, 08:36

Básekege qabilettilikti arttyrý mańyzdy

Parlament • Búgin, 08:28

Shekarashylar aldanbady

Qoǵam • Búgin, 08:22

Lısenzııasynan aıyrdy

Qoǵam • Búgin, 08:20

О́nerlige óris keń

Aımaqtar • Búgin, 08:16

Synaqtan saǵy synbaǵan

Aımaqtar • Búgin, 08:11

Býllıng qurbany – jasóspirimder

Qoǵam • Búgin, 08:10

Birneshe sıfrly joba iske qosyldy

Aımaqtar • Búgin, 08:08

Ýaqyty kelgen ıgilik

Tehnologııa • Búgin, 08:05

Sálemde bereke bar

Rýhanııat • Búgin, 08:03

Mysty qalada myltyq nege atyldy?

Aımaqtar • Búgin, 08:02

Uqsas jańalyqtar