Qazaqstan • 06 Qańtar, 2020

2020 jyly 2 mıllıonnan astam adamnyń zeınetaqysy ósti

75 retkórsetildi

«2020 - 2022 jyldarǵa arnalǵan respýblıkalyq bıýdjet týraly» zańǵa sáıkes, 2020 jylǵy 1 qańtardan bastap yntymaqty zeınetaqy mólsheri 7% -ǵa ósti, al eń tómengi zeınetaqy mólsheri 38 636 teńgeni qurady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Memlekettik bazalyq zeınetaqy tóleminiń mólsheri 5% -ǵa ósti, onyń eń tómengi mólsheri 16 839 teńgeni qurady.

Bul ósim 2 mıllıonnan astam zeınetkerge áser etti. Sonymen qatar 2020 jylǵy 1 qańtardan bastap eń tómengi kúnkóris deńgeıiniń ózgerýine baılanysty múgedektigi boıynsha, sondaı-aq asyraýshysynan aırylý jaǵdaıy boıynsha memlekettik áleýmettik járdemaqylardyń mólsheri 5% - ǵa artty.

Nátıjesinde birinshi toptaǵy jalpy aýrýdan múgedektik boıynsha beriletin memlekettik járdemaqy mólsheri 59 872 teńgeni, ekinshi top - 47 710 teńgeni, úshinshi top – 32 431 teńgeni qurady.

Asyraýshysynan aırylǵandarǵa beriletin járdemaqy asyraýyndaǵy adamdar sanyna baılanysty 26 818 teńgeden 65797 teńgege deıin boldy. Sonymen birge jetim balalarǵa beriletin memlekettik járdemaqy mólsheri árqaısysy úshin 36 796 teńgeni qurady, biraq otbasynyń barlyq múgedek músheleri úshin 79 829 teńgeden aspaıdy.

Bul ósim shamamen 680 myń memlekettik áleýmettik járdemaqy alýshylarǵa áser etti.

Aılyq eseptik kórsetkish shamasynyń ózgerýine baılanysty 2020 jylǵy 1 qańtardan bastap № 1 jáne № 2 tizimder boıynsha memlekettik arnaıy járdemaqylardyń mólsheri de 5% - ǵa artty.

2020 jylǵy 1 qańtardan bastap № 1 tizim boıynsha memlekettik arnaıy járdemaqylardyń mólsheri 24 973 teńgeni, № 2 tizim boıynsha – 22 216 teńgeni quraıdy.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar