Aımaqtar • 06 Qańtar, 2020

Májilis depýtattary mańǵystaýlyqtarmen kezdesip jatyr

160 retkórsetildi

Qazaqstan Respýblıkasy Parlamenti Májilisiniń depýtattary Taras Hıtýov pen Sáken О́tebaev Nur Otan partııasy Aqtaý qalalyq fılıal ǵımaratynda bastaýysh partııa tóraǵalary, aqsaqaldar keńesi jáne qalalyq máslıhat depýtattarymen kezdesti. Bul týraly Nur Otan partııasy Mańǵystaý oblystyq fılıalynyń baspasóz qyzmeti habarlady.

Kezdesý barysynda T. Hıtýov Prezıdent Q.Toqaevtyń Joldaýy boıynsha jáne máslıhatta usynylǵan zańnamalar jóninde baıandady.⠀

Onyń aıtýynsha, 2020-2022 jyldarǵa arnalǵan bıýdjet kúshine endi. «Nurly jer» baǵdarlamasy jalǵasyn taýyp, «Aýylym - altyn besigim» atty baǵdarlama boıynsha aýyldardyń jaǵdaıyn jaqsartýǵa bıýdjetten 90 mlrd teńge bólingen.⠀

Depýtattar sóz sońynda jınalǵan qaýymnan óńirdiń qandaı máseleleri bar ekendigin surady. О́z kezeginde jınalǵandar tarapynan birneshe usynystar tústi. Birinshiden, tarıf máselesi boıynsha energııamen qamtamasyz etýshi MAEK-ten energııamen jabdyqtaıtyn AÝES, «Kaspıı jylý sý arnasy» mekemesin qaldyryp, «AllianceEnergoSnab» mekemesin alyp tastaýdy usyndy. Sonda tarıfti ósirmeı turaqtandyrýǵa bolady delindi.

Ekinshiden, munaıdan túsetin qarjyny týrızm salasyn damytýǵa jumsaý, Atyraýǵa qatynaıtyn poıyzdyń júrý ýaqytyn qysqartý máselesi aıtyldy.⠀

Sondaı-aq kezdesýge kelgen muǵalimder, balabaqsha tárbıeshileri zeınetaqy jasyn 63 jasqa deıin uzartpaýdy jáne zeınet jasyndaǵy jumyskerlerdi zań júzinde rettep, jumys oryndaryn ýaqtyly bosatýdy surady.⠀

Usynystardyń ishinde kópqabatty turǵyn úıdiń páter ıelerinen jer salyǵyn almaýdy jáne kooperatıv jumysy tıimsiz bolǵandyqtan, taratýdy surady.

Bul usynystar boıynsha májilismender jeke-jeke qarastyryp, Úkimetke jetkizýge ýáde berdi. 

Uqsas jańalyqtar