Qoǵam • 06 Qańtar, 2020

Qys mezgilinde balalardy jaraqattan qalaı saqtaýǵa bolady?

48 retkórsetildi

Qys mezgili qyzyqty oıyndar men kóńildi ýaqyt ótkizýge tamasha múmkindik. Sonymen qatar qazir qazaqstandyq oqýshylardyń qysqy demalysy ótýde. Biraq qýanysh pen belsendi demalýdan basqa, bul kezeń qaýipti bolýy múmkin. О́ıtkeni, demalys kezinde balalar kóp jaǵdaıda kóshede jıi bolyp, eresekterdiń qaraýynsyz qalady.      

Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń  ınfeksııalyq emes aýrýlardyń monıtorıngi bóliminiń bas mamany Qýanysh Álimbetovtyń aıtýynsha, qysqy ýaqytta kóktaıǵaqqa jáne aýa raıy jaǵdaılaryna baılanysty jaraqattar alý qaýpi artady.

«Eger balańyz konkımen, shańǵymen nemese shanamen syrǵanaýdy unatsa, bul oıyn quraldaryn tekserý kerek. Shańǵy balanyń aıaǵyna senimdi jáne durys bekitilýi kerek, al konkıler ólshemge sáıkes bolýy tıis. Konkımen arnaıy jabdyqtalǵan oryndarda nemese muz aıdyndarynda syrǵanaý kerek. Shańǵymen jáne konkımen syrǵanaý, sondaı-aq taıǵaq tabany bar aıaq kıimdi kııý aıaq synýynyń negizgi sebepteri bolyp tabylady. Synyqqa kúdiktengen kezde dárigerge barýdy keıinge qaldyrmańyz. Qar ústindegi oıyn, kózdiń zaqymdanýyna ákelýi múmkin, sondyqtan eresekter balalarǵa  muz qabyǵy bar qardy laqtyrmaýǵa eskertý jasaý kerek. Jyldyń sýyq mezgilinde negizgi qaýip-qater kóktaıǵaq bolyp tabylady. Birinshiden, balaǵa aıaq kıimdi durys tańdap alyńyz. Jumsaq rezeńkeden nemese termoelastoplastan jasalǵan, ókshesiz qabyrǵaly tabany bar aıaq kıim kıgeni durys. Ekinshiden, kóktaıǵaq kezinde úlken qaýip-qaterdi satylar týǵyzady. Múmkindiginshe, túsý kezinde aıaqty baspaldaqtyń boıymen qoıyp, abaılap túsý kerek» deıdi ol.

Maman, sonymen qatar jol-kólik jaraqattary týraly da eskertedi.

«Balalar kólik jaqyndap kele jatqanyn kóre tura, tezirek ótip ketýge asyǵady, al taıǵaq jolda júrgizýshi tejeýge úlgermeýi múmkin. Balaǵa mindetti túrde jol júrý erejelerin saqtaý qajettigin esertý kerek. Taǵy bir keń taralǵan qysqy jaraqat - úsik. Oǵan aýanyń tómen temperatýrasy ǵana emes, dymqyl aýa raıy, ylǵaldy kıim, tyǵyz aıaq kıim sebep bolýy múmkin. Kóbinese qol men aıaqtyń saýsaqtary, bet, muryn, qulaq úsedi. Jaǵymsyz saldarlardan aýlaq bolý úshin balany serýendeýge durys kıindirgen jón. Aıaǵyn qyspaıtyn jáne sý ótkizbeıtin aıaq kıim, jyly astarly sý juqpaıtyn materıaldan jasalǵan bas kıim qajet. Terini arnaıy balalar kremimen qorǵaý kerek» dedi maman.

Uqsas jańalyqtar