Qyz balanyń boıyndaǵy ózgeristi baıqaǵan mektep muǵalimderi oqýshy jaıynda psıholog pen jasóspirimder jónindegi ýákilge habarlaǵan eken. Jeke áńgimelesý kezinde 8 klass oqýshysy ózin ógeı ákesiniń jynystyq qatynasqa túsýge májbúrlegenin aıtqan. Dárigerdiń tekserýinen keıin qyzdyń júkti ekeni anyqtalǵan.
Oqıǵa boıynsha Alakól aýdanynyń polısııasy qylmystyq is qozǵap, kúdiktini tergeýge alǵan eken. Tergeýden keıin ógeı ákeni eshqaıda ketpeý týraly qolhat alyp, úıine jiberipti. Istiń nasyrǵa shapqanyn túsingen zorlyqshyl azamat sol kúni ózine qol salyp, asylyp ólgen.
Qazir zorlanǵan qyz anasymen birge Taldyqorǵan qalasyna jetkizilipti. Dárigerler men psıholog mamandar jábirlenýshini qamqorlyqqa alyp, qajetti kómektiń barlyǵy jasalyp otyrǵan kórinedi.
