Medısına • 08 Qańtar, 2020

Qazaqstandyqtar 1 sáýirge deıin MÁMS júıesinde tirkelýi kerek

807 retkórsetildi

Qazaqstanda 1 qańtardan bastap mindetti áleýmettik medısınalyq saqtandyrý júıesi engizildi. Soǵan sáıkes Qazaqstan Respýblıkasynyń Densaýlyq saqtaý mınıstrligi MÁMS júıesinde tirkelmegen qazaqstandyqtarǵa 1 sáýirge deıin saqtandyrý júıesinde tirkelýdi eskertedi. Bul týraly Nur-Sultan qalasy ákimdiginiń baspasóz qyzmeti habarlady.


Aǵymdaǵy jyldyń 1 sáýirine deıin eldiń barlyq turǵyndary shartty túrde saqtandyrylǵan bolyp sanalady jáne olar TMKKK paketi men MÁMS paketine kiretin medısınalyq qyzmetterdi tegin alý múmkindigine ıe. Osy kezeńde azamattar ózderiniń saqtandyrý mártebesin anyqtap, mindetti medısınalyq saqtandyrý júıesiniń qatysýshy bolýy kerek.

Mindetti áleýmettik medısınalyq saqtandyrý qorynyń basqarma tóraǵasy Aıbatyr Jumaǵulov aıtýynsha,  MÁMS paketine kepildendirilgen medısınalyq kómekten basqa da qyzmetterdiń barlyǵy enedi.

«MÁMS paketine memleket tarapynan kepildendirilgen medısınalyq kómek paketinen basqa medısınalyq qyzmettiń – dári-dármekpen qamtamasyz etý, stasıonarlyq em alý sııaqty keń kólemdi qyzmet túrleri kiredi. Budan basqa, saqtandyrylǵan azamattar úshin túrli otalar, olardyń ishinde qymbat turatyn otalar da qoljetimdi bolmaq. Búginde ondaı otalar túrli sebeppen qoljetimsiz – memleket esebinen kezek kóp, al óz esebinen tóleýge qarjy joq. Osy oraıda, mindetti áleýmettik medısınalyq saqtandyrýdy engizýdiń paıdasy – básekelestik esebinen medısınalyq qyzmet sapasy artatyn bolady. Naýqastar kóp keletin bilikti dárigerlerdi tartý arqyly pasıentterge eń jaqsy qyzmet kórsetetin klınıkalarǵa qarajat ta kóp bólinedi» dedi ol.

Jalpy áleýmettik medısınalyq saqtandyrý engizilgen kezde, densaýlyq saqtaý júıesiniń bıýdjeti medısınalyq kómektiń kólemin 1,5 esege ulǵaıta otyryp, 2020 jyly 1,6 trln teńgeni quraıtyn bolady. Sonymen qatar dárigerlerdiń jalaqysyn 30%-ǵa, ortasha medısınalyq qyzmetkerlerdi 20%-ǵa deıin arttyrý josparlanýda.

Mindetti áleýmettik medısınalyq saqtandyrý qorynyń jumysyna, tólem ádisterine qatysty suraqtardyń jaýabyn qazaqstandyqtar 1406 nómirine habarlasyp alýyna bolady.


Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar