Parlament • 06 Qańtar, 2020

Senat depýtattary Jelezın aýdanynda boldy

126 retkórsetildi

Parlament Senatynyń depýtattary Manap Kóbenov pen Nurjan Nursıpatov Pavlodar oblysynyń Jelezın aýdanyndaǵy birneshe nysandarda boldy. Bul týraly Parlament Senatynyń baspasóz qyzmeti habarlady.

Senatorlar 2019 jyly Jelezınka aýylynda salynyp, paıdalanýǵa berilgen sport kesheniniń jumysymen tanysty. Sport kesheninde úsh qabatty ákimshilik ǵımarat, sport zaly men jasandy kógaly bar standartty fýtbol alańy, shaǵyn fýtbol men voleıbolǵa arnalǵan alańdar, balalar alańy, jasandy jabyny bar jeńil atletıka joly, estakadalary men kórermenderge arnalǵan oryndary, shańǵy-rollerlik trassa bar.

Depýtattar 2019 jyly paıdalanýǵa berilgen balalarǵa arnalǵan óner mektebinde de boldy. Mektepte vokal, horeografııa, dombyra synyby sııaqty túrli baǵytta 700-den astam oqýshy bilim alady. Munda barlyq baǵyttar boıynsha sabaqtarǵa arnalǵan jeke kabınetter men synyptar, sondaı-aq akt zaly bar. Ǵımaratta «Aıbat» jastar bastamalarynyń ortalyǵy jáne Jelezın aýdanynyń ardagerler keńesi ornalasqan. Jańa nysandar sapaly salynǵan, aýyl balalary men úlkenderge arnalǵan mádenı-sporttyq obektiler tegin qyzmet kórsetetin bolady.

Senatorlar Jelezın aýdanynyń ákimdiginde aýdandyq máslıhat depýtattarymen, atqarýshy organdar men áleýetti qurylymdarynyń basshylarymen kezdesti. Senat depýtattary memlekettik baǵdarlamalar, aýyldyq eldi mekenderdi damytý, bıýdjettiń tórtinshi deńgeıine kóshý jáne aldaǵy úsh jylǵa arnalǵan respýblıkalyq bıýdjet týraly aıtyp berdi.

M.Kóbenov agroónerkásip kesheni salasyna qatysty jer ýchaskelerin utymdy paıdalanýdy baqylaý tetikterin jetildirýge arnalyp qabyldanǵan jańa quqyqtyq erejeler týraly, sondaı-aq ósimdikterdi qorǵaý jáne karantın, veterınarlyq qaýipsizdik pen sýmen qamtamasyz etýdi, ósimdikter men janýarlar dúnıesin saqtaý jáne damytý jónindegi sharalardy kúsheıtý týraly habardar etti.

N.Nursıpatov óz sózinde qylmystyq proseste azamattardy qorǵaý deńgeıin arttyrýǵa baǵyttalǵan ákimshilik, qylmystyq zańnamany jetildirý jónindegi, urlyq, zorlaý, esirtki taratý jáne brakonerlik úshin jaýapkershilikti kúsheıtý, quqyqtyq kómek kórsetý, sottalǵan adamdardy berý jáne berý máseleleri boıynsha, sondaı-aq áskerı yntymaqtastyq, aqparattyq tehnologııalar salasyndaǵy qylmystarǵa qarsy kúres jáne EAEO aıasyndaǵy ózge de máseleler boıynsha Qazaqstan qabyldaǵan halyqaralyq sharttar men kelisimderdi ratıfıkasııalaý týraly qabyldanǵan zańdarǵa jan-jaqty toqtaldy.

Depýtattar О́rlitóbe ótkizý beketinde boldy. Onda ótkizý pýnktiniń jumysy tanystyryldy, pasporttyq baqylaýdan ótýge arnalǵan kabınalar men júk aǵyndarynyń kestesi kórsetildi.

Reseı Federasııasymen shekaradaǵy (Pavlodar oblysy, Jelezın aýdany, Jelezınka aýyly) «О́rlitóbe» shekaralyq baqylaý-ótkizý beketi tıisti qyzmetterdi ornalastyrý úshin qazirgi zamanǵy ınfraqurylymǵa ıe. Degenmen, qazirgi ýaqytta bul ǵımaratta tek shekaralyq jáne kedendik qyzmetter ǵana ornalasqan, al Aýyl sharýashylyǵy mınıstrliginiń fıtosanıtarııa jáne veterınarııa qyzmetiniń ókilderi shekaralyq-baqylaý ótkizý pýnktinen 20 metr qashyqtyqta jeke úı-jaılarda ornalasqan. Bul jaǵdaı júkterdiń ótý jyldamdyǵyna, olardy ótkizýdegi tekserý sapasyna áser etedi.

Depýtattar sonymen qatar Q.Álseıitov atyndaǵy aýdandyq mádenıet úıiniń jumysymen de tanysty. Bul nysan 2019 jyly jóndeýden ótken bolatyn, onda shatyrǵa kúrdeli jóndeý júrgizildi, kórermender jáne kishi zaldar, kabınetter, holl jóndeldi, tereze jáne esik quramalary aýystyryldy, kespetastar salyndy. Múmkindigi shekteýli jandarǵa jaǵdaı jasaldy.

Senatorlar kezdesý barysynda birqatar máselelerdi talqylady. Pavlodar oblysy Jelezın aýdanynyń barlyq aýyldarynda uıaly baılanys jumysyn jaqsartý; halyq sany belgilengen erejege sáıkes kelmeıtin eldi mekenderde «Qazpochta» jumysyn uıymdastyrý qajettigi týraly; jınaqtaýshy zeınetaqy qory men áleýmettik medısınalyq saqtandyrý qoryna shaǵyn bıznestiń aýyldyq sýbektileriniń jarnalaryn aýdarý máseleleri kóterildi. Qazirgi ýaqytta aýyldyq jerlerde shaǵyn jáne orta bıznes jaldamaly qyzmetkerler úshin jınaqtaýshy zeınetaqy qoryna jarnalar, áleýmettik aýdarymdar men mindetti áleýmettik medısınalyq saqtandyrýǵa aıyna eń tómengi somasy 8713 teńge tóleıdi, ol jumys berýshiler úshin (JK jáne AShTО́) salmaqty aýyrtpalyq bolyp tabylady. Bul olardy áleýmettik tólemder boıynsha júktemeni tómendetý maqsatynda jaldamaly qyzmetkerlerdi jasyrýǵa májbúr etedi. Sondaı-aq Pavlodar oblysynyń Jelezın aýdanyn gazdandyrý; Pavlodar oblysy Jelezın aýdanynyń turǵyndaryna aýdandyq (qolaısyz klımattyq aımaqtar boıynsha) koeffısıentti engizý máseleleri de talqylandy.

Aıtylǵan máseleler baqylaýǵa alyndy jáne tıisti zań jobalaryn qaraý barysynda eskeriletin bolady.

Sońǵy jańalyqtar

Taraz turǵyndary baspanaly boldy

Aımaqtar • Búgin, 11:20

Shymkent qalasynyń jańa ákimi taǵaıyndaldy

Taǵaıyndaý • Búgin, 11:14

Qoǵam qaıratkeri Kamal Burhanov ómirden ozdy

Rýhanııat • Búgin, 10:55

Kásipkerlikti qoldaý jalǵastyrylady

Saıasat • Búgin, 08:05

«Aqylǵa sáýle qonbasa...»

Qoǵam • Búgin, 08:03

Balýandar Eýropadan tabysty oraldy

Kúres • Búgin, 07:56

Boksshylar álemdik reıtıngte joǵarylady

Kásipqoı boks • Búgin, 07:55

Qazaqy as: dástúr men dám

Rýhanııat • Búgin, 07:51

Terezeden qarama...

Rýhanııat • Búgin, 07:49

Qurylymyna saı ataýlary da ózgerse...

Aımaqtar • Búgin, 07:46

Zańsyz is-árekettiń jolyn kesti

Qoǵam • Búgin, 07:45

Qyzmet barysynda qaza tapty

Rýhanııat • Búgin, 07:44

Bozingendi ıdirgen kúı edi...

Rýhanııat • Búgin, 07:42

«Kohlear Nýkleýs» kómekke keldi

Aımaqtar • Búgin, 07:40

Jumys nátıjeleri qorytyndylandy

Úkimet • Búgin, 07:35

Jambyldyqtardy tolǵandyratyn máseleler

Ekonomıka • Búgin, 07:34

Aǵa men ini

Qoǵam • Búgin, 07:30

Ysqaq qajy áýlıe

Rýhanııat • Búgin, 07:25

Qaban, Táńki jáne Bydyq

Rýhanııat • Búgin, 07:23

Qaıyq kútken kún

Rýhanııat • Búgin, 07:21

«Ultqa qyzmet etý – minezden»

Saıasat • Búgin, 07:16

Talantty jastarǵa berilgen múmkindik

Qoǵam • Búgin, 07:13

Sheteldik kólikter tirkelýi tıis

Qoǵam • Búgin, 07:05

Mal eksportyna nege tyıym salyndy?

Ekonomıka • Búgin, 07:00

Jastardyń jarqyn bastamasy

Aımaqtar • Búgin, 06:53

Almaty jasyl qalaǵa aınalady

Qoǵam • Búgin, 06:50

Bala aýyrsa, bárimiz jaýaptymyz

Medısına • Búgin, 06:48

Abaı mereıtoıy qalaı atalyp ótedi?

Rýhanııat • Búgin, 06:48

Hakimdi jańasha túsinýdiń álippesi

Rýhanııat • Búgin, 06:45

Abaı sózi – qazaqtyń boıtumary

Qazaqstan • Búgin, 06:36

Uqsas jańalyqtar