Sonda deımiz, osy ýaqytqa deıin metallýrgter qalasy logotıpsiz bolǵan ba? Munysy qalaı dep ınternetten izdestirip kórip edik, qalanyń tórt birdeı logotıpi kózimizge jarq ete qaldy...
Daýys berý demekshi, atalǵan aksııany uıymdastyrýshylardyń dızaınerler ázirlegen úsh nusqany usynǵan aqparaty Qaraǵandy oblysy ákimdiginiń resmı portalynda jarııalandy. Tańdaý jasaý úshin https://anketolog.ru/s/304126/b2VVeEIa siltemesine kirý kerek eken.
Usynylǵan úsh nusqany biz de qarap shyqtyq. Mereıtoılyq pa deıin deseń, onysyn ashyp jazbaǵan. Úsheýinde de «75» degen san joq. Ashyǵyn aıtqanda, logotıp nusqalary tym qarabaıyr kórindi. Ataqty magnıtkasynyń murjalarynan tútini býdaqtaǵan, kombınatta balqytylǵan shoıyny ózen bolyp aqqan nemese Temirtaý qalasynyń sımvolıkalyq tanys beınesin aıshyqtaıtyn qandaı da bir kórinistiń keskinin kóre almadyq.
Osyǵan oraı mynadaı suraqtar kókeıge keledi:
1. Osy úsh nusqany ázirlegen dızaınerler kásibı mamandar ma, olardyń aty-jóni kim?
2. Jalpy, munyń aldynda qala logotıpin salýǵa qandaı da bir konkýrs jarııalanyp pa edi?
3. Ne sebepti osy úsh nusqa ǵana tańdaýǵa shyǵaryldy?
4. Ekonomıkalyq jaǵdaıdy eskerer bolsaq, dál qazirgideı ysyrypqa jol berilmeýge tıis zamanda qalanyń logotıpin ózgertý ne úshin qajet boldy eken?
Eske salsaq, Temirtaý qalasynyń irgetasy burynǵy Samarqand aýlynyń negizinde 1945 jyldyń 1 qazanynda qalanǵan eken.
