Qoǵam • 07 Qańtar, 2020

Qurylysy qarqyndy astanalyq aımaq

17 retkórsetildi

Sońǵy jyldary Aqmola oblysynda qurylys jumystary qarqyndy júrgizilip, oblys aýmaǵyndaǵy joldar jóndelýde. Investısııa tartý ótken jyldarmen salystyrǵanda birshama kóbeıip, halyqtyń áleýmettik-turmystyq jaǵdaıyna da aıryqsha mán berilýde.

Ásirese, «Nurly jer» turǵyn úı baǵ­darlamasy burynǵy «Qoljetimdi turǵyn úı», «Nurly jol», «Aımaqtardy damytý» baǵdarlamasy tárizdi keń aýqymdy, nátıjeli jumystardy jalǵas­tyryp, aıryqsha serpinmen júzege asa bastady. Sońǵy jyldary Aqmola oblysynda qurylys jumystarynyń barlyq baǵyty aýyz toltyryp aıtarlyqtaı tolymdy tabyspen órnektelýde. Máselen, sońǵy eki jyl ishinde «Nurly jol» baǵdarlamasy boıynsha 900 myń sharshy metrden astam turǵyn úı salynyp, paıdalanýǵa berildi. Qarapaıym tilmen aıtatyn bolsaq, 8 myńnan astam otbasy qonys toıyn toılady. Bıyl 501 myń sharshy metr nemese 5 myń páterdi paıdalanýǵa berý mejelenýde. Alǵashqy 10 aıdyń ishinde 448 myń sharshy metr páter paıdalanýǵa berildi. Ilkimdi istiń nátıjeli atqarylýynyń nátıjesinde oblystaǵy 3840 otbasy bas­panaly boldy.

2019 jyly turǵyn úı qurylysyna 11,3 mıllıard teńge qarastyrylǵan bolatyn. Onyń 7,5 mıllıard teńgesi respýblıkalyq bıýdjetten bólinse, oblystyq bıýdjetten 2,3 mıllıard teńge baǵyttalǵan. Bul oraıda, «Báıterek development» aksıonerlik qoǵamynyń 1,5 mıllıard teńgege memlekettik qundy qaǵazdaryn shyǵaryp, qarjy tartýy da aıtarlyqtaı septigin tıgizýde.

Satyp alý quqyǵynsyz jalǵa beri­letin turǵyn úı baǵyty boıynsha 23 kóppáterli úılerdiń qurylysy qolǵa alynǵan. 14 kópqabatty 618 páterlik turǵyn úıdiń qurylysy júrgizilýde. Bul jerden kóp balaly 148 otbasyna páter beriledi. Jyl basynan beri 13 myń sharshy metr bolatyn 235 páterlik 5 kópqabatty turǵyn úı paıdalanýǵa berildi. Onyń úsheýi Kókshetaý qala­synda, 40 páterlik turǵyn úı Makınsk qalasynda, 75 páterlik turǵyn úı Derjavınsk qalasynda salyndy.

Búginde memleket kóp balaly otba­sy­lardyń baspana máselesin sheshýge úlken mán berip otyr. El ishindegi osy sanattaǵy otbasylardyń áleýmettik-turmystyq máselesin ońynan sheship, jańa da jaıly baspanamen qamtamasyz etý árdaıym basty nazarda. Osy oraıda áleýmettik jaǵynan az qamtylǵan kóp balaly otbasylardyń baspana jaıyn jaqsartýǵa 1,4 mıllıard teńge qarajat bólingen. Oǵan qosa kóp balaly otbasylardyń jalǵa beriletin turǵyn úılerin salýǵa 1 179,6 mıllıon teńge baǵyttalǵan. Taǵy bir aıta keterlik jaıt, kóp balaly otbasylarǵa jalǵa beriletin páterlerdi satyp alýǵa 220,4 mıllıon teńge qarastyrylǵan.

Salalyq mınıstrlikte jalǵa beri­letin páterlerdi salý baǵytynda úsh jyldyq jospar bar. Osy jospar sheń­berinde 920 páterlik 19 jalǵa beriletin kópqabatty turǵyn úı salý mejelenýde.

Bıyl 117 áleýmettik jaǵynan az qamtamasyz etilgen otbasyna baspana salý kózdelse, bul oıdaǵy meje asyra oryndalyp, 184 kóp balaly otbasy qonys toıyn toılaıdy. Oǵan qosa 148 kóp balaly otbasyna jalǵa beriletin turǵyn úıler salynady. Taratyp aıtar bolsaq, Kókshetaý qalasynda osyndaı 20, Stepnogorsk qalasynda 30, Atbasar aýdanynda 32, Bulandy aýdanynda 42, Shortandyda 24 jalǵa beriletin páterler salynady. Baspanamen qamtýdyń aýqymy da keńeıe túspek. Máselen, 2020 jyly oblys ortalyǵynda ǵana emes, Bulandy, Býrabaı, Ereımentaý aýdandarynda da turǵyn úıler salý josparlanyp otyr. Sál taratyp aıtar bolsaq, jalpy kólemi 41 myń sharshy metrdi quraıtyn 640 páter salynady. Makınsk qalasynda 45 páterlik, Ereımentaýda 45 páterlik úılerdi salý mejelenýde.

Jekemenshik turǵyn úıler salýǵa da barynsha kóńil bólinýde. Máselen, aǵymdaǵy jyly Shortandy aýdanynda 808 jer telimine sý qubyry tartylyp, elektr qýatymen qamtamasyz etildi. Dál osyndaı jumys ótken jyly da qarqyndy júrgizilgen bolatyn. Aıtalyq, Atbasar qalasynda 69, Arshaly kentinde 200, Stepnogorsk qalasynda 85 jer telimderi ınjenerlik júıemen jabdyqtaldy.

 

Aqmola oblysy

 

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar