Qazaqstan • 07 Qańtar, 2020

Koreıany kórkimen tamsandyrǵan arý

49 retkórsetildi

Qaraǵandynyń on jeti jastaǵy arý qyzy Aısulý Erbolova úshin sulýlar saıysynda baq synaý degenińiz tańsyq dúnıe emes. Ajaryna aqyly saı boıjetken buǵan deıin de «Qaraǵandy arýy» syndy konkýrsqa qatysyp, tájirıbe mektebinen ótken.

Taıaýda ol Ońtústik Koreıada uıym­­dastyrylǵan «Miss World University-2019» atty sulýlyq saıysynda eli­mizdiń eń kórikti qyzdarynyń na­my­syn qorǵap, «Miss National» atalymy boıynsha jeńiske jetti.

Sulýlardyń atalǵan saıysyna álemniń 50 elinen úmitkerler qatysyp, olar birneshe kezeńnen turatyn konkýrsta ózara jarysqa túsken eken. Jalpy, «Miss World University-2019» baıqaýyna joldama alý úshin sulýlar áýeli ózderiniń fotosýretteri men beı­nerolıkterin Ońtústik Koreıaǵa ji­berip, talaby qatań kastıng boıynsha iriktelip alynǵan kórinedi.

Al jerlesimiz Aısulý Erbolovaǵa kelsek, ol óziniń beınerolıgin ken­shiler astanasynda túsirdi. Onda jas arý óziniń ómirde nemen aınalysatynyn qysqa da nusqa etip aıtyp beripti. Mysaly, ol beınerolıkte jasynan bımen súıip shuǵyldanatynyn, sonymen qatar bos ýaqytynda qolyna fotoapparat alyp, sýretke túsirgendi jaqsy kóretinin taza aǵylshyn tilinde áserli jetkize bilgen.

Baıqaý barysynda Aısulý áýeli úzdik on qyzdyń, odan keıin TOP-5 fınalıster qatarynan oıyp oryn alyp, óziniń tabıǵı sulýlyǵymen jáne jan-jaqty ónerimen qazylar alqasynyń kóńilinen shyǵypty. Konkýrstyń sheshýshi kezeńinde sahna tórine qazaqtyń ulttyq kıimimen kóterilgen sulý qyz kórermen qaýymdy symbatty músinimen, ásem júrisimen tánti etken. Sóıtip ol baıqaýdyń «Miss National» atalymy boıynsha úzdik shyǵyp, arnaıy syılyq pen aqshalaı sertıfıkatpen marapattalǵan. Buǵan qosa, Aısulý aldaǵy ýaqytta Ońtústik Koreıada tegin bilim alatyn bolypty.

Al ázirge aıy ońynan týǵan arý qyz E.Bóketov atyndaǵy Qaraǵandy mem­lekettik ýnıversıtetiniń ekonomıka fakýltetinde oqyp júr.

QARAǴANDY

 

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar